عالمی دنیا کی تین عظیم گاڑیوں فراری لافراری، میکلرن P1 اور پورشے 918 اسپائڈر کے درمیان مقابلہ ہو تو کون جیتے گا؟ یہی جاننے کے لیے ٹاپ گیئر نے ان تینوں گاڑیوں کا مقابلے کرنے کی ٹھانی لیکن کار ساز اداروں کے تحفظات کے باعث ٹاپ گیئر کا یہ خواب شرمندہ تعبیر نہ ہوسکا۔ ایک ادارے نے کہا کہ وہ اپنے ہی ملک میں مقابلہ کریں گے، دوسرے نے کہا کہ مقابلے سے پہلے گاڑیوں میں ٹیوننگ کی اجازت ہونی چاہیے وغیرہ وغیرہ۔ دلچسپ بات یہ ہے کہ SCD ٹی وی نے آکر کار یہ کام کر ہی لیا۔
ان تینوں گاڑیوں کے درمیان تین مقابلے کروائے جائیں گے جس کا پہلا مرحلہ برطانوی ریس سرکٹ سلوراسٹون میں ہوا۔ ان گاڑیوں کو باری باری میٹ جیکسن نے چلایا جو معروف برطانوی ڈرائیور ہیں۔ میٹ نے تقریباً 1.64 میل فاصلے تک ان گاڑیوں کو چلایا۔ اس مقابلے کو غیر جانبدار رکھنے کے لیے تمام گاڑیوں کے لیے یکساں ٹائر استعمال کیے گئے تھے اور یہ ایک ہی روز کی گئیں تاکہ مختلف موسمی اثرات کی وجہ سے نتائج میں تبدیلی نہ ہو۔
پہلے راؤنڈ میں میکلرن P1 کامیاب رہی جس نے 58.24 سیکنڈ میں لیپس مکمل کیے۔ دوسرے اور تیسرے نمبر پر بالترتیب پورشے 918 اسپائڈر اور فراری لافراری رہیں۔ پورشے نے 58.47 اور فرار نے 58.58 نے مطلوبہ فاصلہ طے کیا۔
یہ تینوں گاڑیان برطانیہ سے تعلق رکھنے والے کروڑ پتی جناب پال بیلے کی ملکیت ہیں۔ ان تینوں گاڑیوں کا آئندہ مقابلہ سانتا پوڈ میں ہونا ہے تاہم تازہ خبروں کے مطابق پال بیلے کی پورشے کو ایک حادثے میں شدید نقصان پہنچا ہے۔ اس حادثے میں 20 افراد کے زخمی ہوجانے کی بھی اطلاعات ہیں۔ اس لیے یہ بات یقینی نہیں کہ ان تینوں عظیم گاڑیوں کے درمیان دوسرا مقابلہ ہوگا یا نہیں۔
