حکومت پنجاب نے آن لائن کار ڈیلروں اور فروخت کرنے والوں کو ٹیکس دائرے میں لانے کا فیصلہ کیا ہے۔ یہ فیصلہ پنجاب کے وزرائے خزانہ، تجارت اور ایکسائز و ٹیکسیشن کے ایک اجلاس میں کیا گیا کہ جس میں لاہور کار ڈیلرز ایسوسی ایشن نے بھی شرکت کی۔ حکومت نے کار ڈیلرز کی زیادہ تر شکایات سے اتفاق کیا۔ پنجاب ریونیو اتھارٹی (PRA) کا شکایات سیل کار ڈیلرز کی شکایات سمجھنے اور سننے کے لیے حکومت کی جانب سے زیادہ مؤثر اور متحرک بنایا جائے گا۔
سرکاری نمائندوں نے کار ڈیلروں کے لیے ٹیکس ریٹرنز کا دورانیہ کم کرنے پر بھی رضامندی ظاہر کی۔ ایک موبائل ایپلی کیشن اس وقت زیرِ تکمیل ہے جو ٹیکس ریٹرن فائل کرنے کے عمل کو تیز کرے گی اور اسے عوام کے لیے آسان بنائے گی۔ مزید آٹومیشن معیشت کو دستاویزی صورت دے کر حکومت کے لیے ٹیکس ریٹرن کو بہتر بنائے گی۔
پنجاب ریونیو اتھارٹی (PRA) کی تجویز پر جنرل سیلز ٹیکس (GST) صرف کار ڈیلروں کے حاصل کردہ کمیشن پر لیا جائے گا۔ سرکاری نمائندوں نے یقین دلایا کہ نجی شعبے کے لیے کاروبار کرنے کے عمل کو آسان بنانے کے لیے سرکاری اداروں کا استعمال کرے گا۔ پاکستان کی معیشت کی بحالی کے لیے یہ بھی ضروری ہے۔ حکمت پنجاب نے کار ڈیلروں کے خدشات وفاقی حکومت تک پہنچانے پر بھی رضامندی دکھائی۔
اجلاس میں عوام کو نمبر پلیٹیں جاری کرنے میں تاخیر پر بھی بات ہوئی۔ حکومت کی جانب سے ایک پینل تشکیل دیا جائے گا کہ جس کی صدارت چیف ٹریفک آفیسر (CTO) کریں گے تاکہ صوبے میں ٹریفک مسائل کو حل کر سکیں۔ کار ڈیلرز ایسوسی ایشن کے صدر نے حکومت پر زور دیا کہ وہ کار ڈیلروں سے ٹیکس حاصل کرنے میں سسٹم کے مسائل کو حل کرے۔ انہوں نے اس بات پر بھی زور دیا کہ کار ڈیلرز نئے ٹیکس قوانین کی پابندی کریں گے۔
اس معاملے پر اپنی رائے ہمیں نیچے تبصروں میں پیش کیجیے۔ مزید معلوماتی مواد کے لیے آتے رہیے۔
