ایک چونکانے والی خبر آج رات آئی جب ہونڈا نے ایک بہت بڑا اقدام کرتے ہوئے پاکستان میں ہونڈا سٹی کا نیا ویرینٹ متعارف کروا دیا۔ فلیٹی ہوٹل لاہور میں منعقد کردہ ایک نجی ایونٹ میں ہونڈا نے اپنے ملازمین اور چند خاص ڈیلرز کے سامنے نہ صرف نئی ہونڈا سٹی متعارف کروائی بلکہ اس کی نقاب کشائی بھی کی۔ اس لانچ کے علاوہ کمپنی نے 14 خوش قسمت فاتحین کا بھی اعلان کیا اور ان میں مختلف انعامات تقسیم کیے جن میں پی سی بھوربن میں دوراتوں کا قیام اور دبئی کا ریٹرن ٹکٹ بھی شامل ہیں۔
’ہم اپنے صارفین کا انتہائی شکریہ ادا کرتے ہیں جو ہونڈا کے ساتھ وفادار رہے اور خاص طور پر پچھلے 20 سالوں سے ہونڈا سٹی کو سراہتے آ رہے ہیں۔ یہ تقریب پاکستان میں ہونڈا سٹی کے 20 سال مکمل ہونے کے سنگ میل کو اجاگر کرنے کے علاوہ پاکستان میں ہونڈا کمپنی کی کامیابی کی تعریف بھی بیان کرتی ہے‘
یہ کہنا تھا جناب ٹوشی ایشییاما کا جو ہونڈا اٹلس کے صدر ہیں۔ انہوں نے مزید کہا
’2017 ہونڈا اٹلس کے لیے ریکارڈ بریکنگ سیل اور شاندار کامیابی کا سال ہے۔ کمپنی نے اس سال 35000 یونٹ فروخت کیے جو سال ہا سال 37 فیصد بڑھتی ہوئی سیل کو ظاہر کرتے ہیں۔ ہم ایک بار پھر سے پاکستانی صارفین کا بے حد شکریہ ادا کرتے ہیں جنہوں نے ہونڈا برانڈ کی قدر کی۔ قابل اعتماد، آرام دہ، کارکردگی اور سہولت ہونڈا کار کے اہم عناصر ہیں اور ہم امید کرتے ہیں کہ یہ ماڈل مندرجہ بالا خصوصیات کی فراہمی جاری رکھیں گے‘
قیمت:
نئے ماڈل کی قیمت کی طرف آتے ہیں۔ ہونڈا سٹی 2017 صرف 10000 روپے کے معمولی اضافہ کے ساتھ لانچ کی گئی ہے۔ نئی قیمتیں یہ ہیں:
سٹی 1.3 لیٹر M/T = 1533000 روپے
سٹی 1.3 لیٹر A/T = 1674000 روپے
اسپائر 1.3 لیٹر M/T = 1663000 روپے
اسپائر 1.3 لیٹر A/T = 1805000 روپے
اسپائر 1.5 لیٹر M/T = 1683000 روپے
اسپائر 1.5 لیٹر A/T = 1825000 روپے
کلرز:
ہونڈا اٹلس نے یہ کار درج زیل کلرز میں پیش کی ہے۔
ٹفیٹا وائٹ
لیونر سلور
ماڈرن سٹیل
کرسٹل بلیک
ریلے ریڈ
سپورٹی بلیو
اربن ٹائٹینیم
خصوصیات:
آئیے اب اس کی سب سے اہم چیز کی جانب بڑھتے ہیں، خصوصیات؟ بغیر کوئی اور بات کیے آئیے اس پر روشنی ڈالتے ہیں۔
بیرونی طرف ہونڈا نے اس گاڑی میں ایک نئے ڈیزائن کی کروم اور بلیک کے مجموعہ پر مشتمل فرنٹ گرل لگائی ہے۔
اگلی باری اس گاڑی کے سائیڈ ڈور پروٹیکشن مولڈنگ کی آتی ہے جو اس گاڑی کو زیادہ خوبصورت بناتے ہیں۔
کیبن میں اب ایک نیا ٹچ سکرین انفوٹینمنٹ سسٹم اس گاڑی کی خصوصیات میں شامل ہوا ہے۔
اس کے حفاظتی انتظامات کے حوالے سے اب اس گاڑی میں اموبلائزر بھی آتا ہے مگر یہ آپشنل فیچر ہے۔
نئی ہونڈا سٹی 2017 کی سیٹس نئے کپڑے کی ہیں۔
آخری بات، اس سے پہلے کے آپ تصویروں کی جانب جائیں یہاں یہ بتانا بہت ضروری ہے کہ جن پرامید صارفین نے اس گاڑی کا پچھلا ماڈل بک کروایا ہے وہ 10000 روپے اضافی ادا کر کے یہ نیا ماڈل حاصل کر سکتے ہیں۔
