ہم نے اپنے قارئین کو بتایا تھا کہ ہیونڈائی نشاط موٹر نے باضابطہ طور پر حکومت پاکستان کے ساتھ معاہدہ کیا ہے جس کے تحت وہ پاکستان میں ہیونڈائی کی گاڑیوں کی تیاری و فروخت کرسکے گا۔ اس ضمن میں ہیونڈائی نشاط موٹر کی جانب سے تاریخی تقریب کا انعقاد فیصل آباد میں بنائے گئے کارخانے میں آج (بروز بدھ بتاریخ 20 دسمبر 2017) کیا جارہا ہے۔
گاڑیاں بنانے والے کوریائی ادارے ہیونڈائی اور پاکستانی کمپنی نشاط موٹرز کے درمیان طے پانے والا معاہدہ نئی آٹو پالیسی 2016-2021 کے تحت طے پایا ہے۔ یاد رہے کہ نئی آٹو پالیسی کے نافذ ہوجانے کے بعد نئے کار ساز اداروں اور سرمایہ کاروں کو گاڑیاں اور ان کے پرزوں کی درآمد میں حکومت کی جانب سے خصوصی رعایت حاصل ہوگی۔
اس تقریب کے دوران جن گاڑیوں کو نمائش کے لیے رکھا گیا وہ یہ ہیں:
یہاں یہ بات قابل ذکر ہے کہ فی الوقت یہ گاڑیاں محض آزمائشی بنیادوں پر ہی یہاں منگوائی گئی ہیں۔ اس بات کی تصدیق ہونا باقی ہے کہ آیا ان تینوں یا ان میں سے کسی ایک گاڑی کو پاکستان میں متعارف کروایا جائے گا یا نہیں۔ علاوہ ازیں بعض ذرائع یہ بھی دعویٰ کر رہے ہیں کہ ہیونڈائی اور ان کے مقامی شراکت دار نشاط موٹر اس منصوبے پر 40 سے 50 کروڑ ڈالر سرمایہ کاری کا ارادہ رکھتے ہیں۔ ایک اور خبر کے مطابق، نشاط ملز لمیٹڈ نے ملت ٹریکٹرز کوہیونڈائی نشاط موٹر کمپنی میں 18فیصد شیئرز پیش کیے ہیں ۔
امید کی جارہی ہے کہ آئندہ سال 2018ء کے وسط تک ہیونڈائی کی گاڑیاں برائے فروخت دستیاب ہوں گی۔ مذکورہ تقریب کی چند تصویریں پاک ویلز خصوصی طور پر اپنے قارئین کے لیے پیش کر رہا ہے۔ اس حوالے سے مزید معلومات کے لیے پاک ویلز ڈاٹ کام پر آتے رہیے۔
اپنی رائے بذریعہ تبصرہ ہم تک پہنچائیے۔
