ٹریفک قوانین کی متواتر خلاف ورزی اب آپ کے ڈرائیونگ لائسنس کی منسوخی کا سبب بن سکتی ہے،کیونکہ شہر بھر کی سڑکوں پر جرمانے کا ایک نیا سسٹم متعارف کروا دیا گیا ہے جو کہ پوائنٹس پر انحصار کرتا ہے۔
سِٹی ٹریفک پولیس لاہور نے ان خلاف ورزیوں اور پوائنٹس کے حوالے سے ایک فہرست جاری کی ہے، جس کے مطابق اگر آپ مختلف خلاف ورزیاں کر کے ایک سال میں بیس پوائنٹ تک جاتے ہیں تو آپ کا لائسنس منسوخ کر دیا جائے گا۔
جب بھی کو ئی ٹریفک قانون کی خلاف ورزی کا متحمل ہو گا اس کے پوائنٹ کچھ اس طرح کاٹے جائیں گے:
٭ سگنل توڑنا تین پوائنٹس۔
٭ ون وے جانا دو پوائنٹس۔
٭ لائن اور لین کی خلاف ورزی ایک پوائنٹ۔
ہر ایک پوائنٹ کے کاٹے جانے پر متعلقہ شخص کو بذریعہ ایس ایم ایس مطلع کیا جائے گا۔
اگر متعلقہ شخص(چاہے مرد ہو یا عورت)متواتر خلاف ورزیاں کرتا چلا گیا تو اس کا ڈرائیونگ لائسنس تین ماہ،چھ ماہ یا پورے دو سال کے لئے منسوخ کر دیا جائے گا۔اور اگر لائسنس کی منسوخی کے دورانیئے میں وہ ڈرائیونگ کرتی یا کرتا پکڑا گیا تو اس کے خلاف سخت ترین کارروائی عمل میں لائی جائے گی۔
چالان کو متعلقہ شخص کے گھر کے پتہ پر ارسال کیا جائے گا،اور اس بات کا خیال رکھنا بے حد ضروری ہے کہ آپ اپنی سواری جب کسی کو دیں یا فروخت کریں،تو اس کی اونر شِپ کی منتقلی آپ کی اولین ترجیح ہو۔
مزید جانکاری اور تازہ ترین معلومات کے لئے پاک وہیل سے جڑے رہیں۔
