پاک چین کار ریلی درہ خنجراب کے راستے پاکستان میں داخل ہوگئی۔ گاڑیوں کی اس ریلی کا مقصد پاک چین دوستی کا فروغ اور چین کے تعاون سے پاکستان میں تعمیر ہونے والی اقتصادی راہداری کی اہمیت اجاگر کرنا ہے۔
چینی قافلے کی آمد پر مقامی افراد اور عسکری قیادت نے ان کا پرجوش استقبال کیا۔ اس موقع پر چینی قافلے کے ترجمان نے بے پناہ مسرت اور ولولے کا اظہار کیا۔ چینی قافلے نے مقامی افراد کے ہمراہ پاکستان کے حق میں نعرے بھی لگائے۔ چین سے شروع ہونے والی اس کار ریلی میں 20 گاڑیاں اور 52 افراد حصہ لے رہے ہیں۔ ان کے زیر استعمال گاڑیاں چینی ساختہ ہیں جن میں سے زیادہ تر کار ساز ادارے FAW کی تیار کردہ نظر آرہی ہیں۔
یہ بھی پڑھیں: عام پاکستانی صارفین کی FAW سے وابستہ توقعات
چینی گاڑیوں کا یہ قافلہ اقتصادی راہداری کے ذریعے پنجاب اور سندھ سے ہوتا ہوا گوادر پہنچے گا۔ بعد ازاں ریلی کے شرکا ایران کے راستے متحدہ عرب امارات کی جانب سفر کریں گے۔
