پاک سوزوکی موٹرز نے 21 مارچ 2017 کو منگل کے روز اعلان کیا کہ انہوں نے 2016 میں 2.77 بلین روپے منافع کمایا جو کہ اس کے پچھلے سال کے منافع 5.84 بلین روپے سے 53 فیصد کم ہے۔
مارکیٹ کے تجزیہ کاروں کے مطابق یہ بالکل ویسا ہی ہے جیسی امید تھی اور جیسی پیشن گوئیاں کی گئیں۔ کمپنی کی سیل 10فیصد کمی کے ساتھ 76.5 بلین روپے رہی۔
جے ایس گلوبل کے تجزیہ کاروں نے نشاندہی کی کہ کمپنی کے منافع میں گراوٹ کی بڑی وجہ اس کے مجموعی سیل والیم میں 18 فیصد کمی ہے۔ 2016 میں کمپنی کے بولان اور راوی کی سیل 44 فیصد گر گئی جس سے مجموعی منافع اور کمائی پر برے اثرات مرتب ہوئے۔
اپنا روزگار سکیم کا نہ ہونا 2016 میں ایک بار پھر سے مجموعی گراوٹ کا باعث بنا۔
