ہمارے یہاں یہ شکایت عام ہے کہ پاکستان میں دستیاب گاڑیوں کی تعداد اور ان کے ماڈلز بہت محدود ہیں۔ لیکن جب سے بیرون ممالک سے گاڑیاں منگوانے کی اجازت دی گئی ہے، اس شکایت کا کسی حد تک ازالہ ممکن ہوگیا ہے۔ پھر پاکستان میں ایسے بھی گاڑیوں کے شائق موجود ہیں جن کی وجہ سے نت نئی گاڑیوں کی آمد سے ہماری سڑکا کا پھیکا پن کچ کم ہوگیا ہے۔
عام طور پر دیکھا گیا ہے کہ لوگوں کی زیادہ دلچسپی جاپان سے درآمد کی جانے والی گاڑیوں میں ہوتی ہے۔ اس کی کئی ایک وجوہات ہیں جن میں جاپانی کارساز اداروں پر اعتماد ےک علاوہ یہ خیال بھی ہے کہ کہ جاپان سے درآمد کی جانے والی استعمال شدہ گاڑیاں بعد از استعمال اچھی قیت پر آسانی سے فروخت ہوجاتی ہیں۔ جاپان کے بعد جن ممالک کی گاڑیاں پاکستان منگوائی گئیں ان میں برطانیہ اور جرمنی بھی شامل ہیں۔
تاہم تازہ ترین خبروں کے مطابق درآمد کی جانے والی گاڑیوں کی فہرست میں ایک ایسی گاڑی کا اضافہ ہوا ہے کہ جس کا نام سن کر آپ کو بھی اتنی خوشی ہوگی کہ جتنی ہمیں ہوئی۔ جی ہاں، ہم ذکر کر رہے ہیں مشہور زمانہ بی ایم ڈبلیو i8 کا جسے پہلی بار پاکستان منگوایا گیا ہے۔ گاڑیوں کے شوقین جس پاکستانی نے اس خوبصورت BMW i8 کو یہاں منگوانے کا اہتمام کیا ہم اس کو سلام پیش کرتے ہیں۔
یہ بھی پڑھیں: بی ایم ڈبلیو i8 میں بیٹھنا آسان، باہر نکلنا مشکل ہے!
فیس بک پر پر موجود صفحے ‘کمیونیٹی آف پاکستان ریس (RCOP)’ کے مطابق پاکستان کی پہلی بی ایم ڈبلیو i8 دارالحکومت اسلام آباد میں موجود ہے۔ زیر نظر تصویر دیکھ کر اندازہ ہوتا ہے کہ آس پاس کا علاقہ اسلام آباد کی خشک بندرگاہ کی طرح لگتا ہے۔
برطانیہ میں استعمال شدہ بی ایم ڈبلیو i8 کی قیمت 1 لاکھ 35 ہزار پاؤنڈز سے ڈیڑھ لاکھ پاونڈز تک ہے۔ یہ بات ذہن میں رکھیں کہ یہ استعمال شدہ i8 کی قیمت ہے۔ پھر آپ خود ہی اندازہ لگالیں کہ پاکستان میں بی ایم ڈبلیو i8 کی قیمت کتنی ہوسکتی ہے۔
پاک ویلز کے ذریعے اپنی پسندیدہ گاڑی پاکستان منگوانے کے لیے یہاں کلک کریں
بی ایم ڈبلیو i8 میں 1500 ٹربو چارجڈ انجن کے ساتھ برقی موٹر بھی لگائی گئی ہے۔ ان دونوں کی مشترکہ قوت 375 بریک ہارس پاور ہے۔ بی ایم ڈبلیو کو صفر سے 62 میل فی گھنٹہ کی رفتار حاصل کرنے میں صرف 4.4 سیکنڈز لگتے ہیں۔ اس علاوہ اس گاڑی کی خاص بات یہ ہے کہ صرف بیٹری پر 23 میل یا 37 کلو میٹر چل سکتی ہے۔
گاڑی کی مزید تصاویر ذیل میں موجود ہیں۔ ہمارے رکن کی جانب سے ہمیں بتایا گیا کہ کار کی نمبر پلیٹ آکسفورڈ کی ہے جس کا مطلب ہوا کہ یہ موجودہ جنریشن کی بی ایم ڈبلیو i8 ہے یعنی کے بالکل نئی ہے۔
