پاکستان کی آٹو انڈسٹری بہت بڑی تبدیلی میں سے گزر رہی ہے۔ عالمی برانڈز کی اس انڈسٹری میں دلچسپی کے علاوہ مقامی کمپنیاں بھی گاڑیاں بنانے کے اپنے ارادوں کا اظہار کر رہی ہیں۔ گاڑیوں کی بڑھتی ہوئی مانگ اور اس پر نرم آٹو موبائل ڈیولپمنٹ پالیسی 2016-21 اور مارکیٹ میں نئے کھلاڑیوں کی آمد کی وجہ سے مقامی آٹوانڈسٹری بہت تیزی سے ترقی کر رہی ہے۔
پاکستان کی آٹو انڈسٹری میں پچھلے 6 ماہ میں 6 گاڑیاں لانچ کی گئیں جن میں ریوو، فارچیونر، وتارا، سیاز، بی آر وی اور کلٹس شامل ہیں۔ یہ نہ صرف کمپنیوں کے لیے ایک اچھا آغاز ہے بلکہ انہوں نے پرانے ماڈلوں کی بھی جگہ لے لی ہے۔ ٹویوٹا انڈس موٹرکارپوریشن ٹویوٹا فارچیونر اور ٹویوٹا ریوو کے کامیاب لانچ کے بعد اب پاکستان میں نئی ٹویوٹا کرولا کو لانچ کرنے کی تیاری کر رہا ہے۔
اس سے قبل ایک پوسٹ میں پاک وہیلز نے پاکستان میں ایک نئی گاڑی کے لانچ ہونے پر روشنی ڈالی تھی۔ اسی حوالے سے ٹویوٹا انڈس موٹر کارپوریشن کے نئے ٹیسٹ یونٹ کی نئی تصاویر پاک وہیلز کے فورم پر نمودار ہوئیں۔ پہلی نظر میں یہ گاڑی (الٹس گرانڈی) کو دیکھ کر لگتا ہے کہ اس کی بیرونی ساخت میں بہت زیادہ تبدیلیاں کی گئی ہیں، 2 ایئر بیگز، نئے الائے وہیلز، پچھلی امپریشن لیمپس، فورس لیمیٹر، پریٹینشن (ڈرائیور + اگلے مسافر کے لیے) کلائیمیٹ کنٹرول اور ایک نیا انفوٹینمنٹ یونٹ۔
سب سے اہم بات یہ ہے کہ پاک وہیلز کے زرائع اس بات کی طرف اشارہ کر رہے ہیں کہ نئی ٹویوٹا کرولا کے اگست 2017 میں لانچ کیے جانے کے کافی زیادہ امکانات ہیں۔
منسلک تصاویر کو ضرور دیکھیں اور نئی ٹویوٹا کرولا کی نقاب کشائی کے حوالے سے اپنے خیالات کا اظہار نیچے کمنٹ باکس میں کریں۔
