ریگل آٹوموبائلز کی جانب سے پاکستانی مارکیٹ میں 800cc کی کم خرچ گاڑی متعارف کروانا اس وقت کی بڑی خبر ہے۔ ریگل بنیادی طور پر ایک موٹر سائیکل بنانے والا ہے اور ملک کا سب سے بڑا ادارہ بھی ہے۔ انہوں نے پرنس کے نام سے DFSK کی گاڑیاں لینے کا فیصلہ کیا اور اس وقت یونائیٹڈ براوو اور سوزوکی مہران کا مقابلہ کرنے کے لیے REX7 لانے کا منصوبہ بنارہے ہیں۔
DFSK: مختصر پسِ منظر
27 جون 2003ء کو بننے والا ڈونگ فینگ سوکون (DFSK)، جو چینی میں ڈونگ فینگ سیاؤکینگ کے نام سے بھی جانا جاتا ہے، ڈونگ فینگ اور چونگ چنگ سوکون انڈسٹری گروپ کمپنی لمیٹڈ کا جوائنٹ وینچر ہے۔ DFSK بنیادی طور پر اپنی مائیکرو وین اور فلیٹ بیڈ کمرشل گاڑیوں کے لیے معروف ہے۔ DFSK اور ریگل کا مشترکہ منصوبہ پرنس کہلاتا ہے جو پاکستان میں REX7 لایا ہے۔
DFSK کی کامیابی
جہاں تک چین میں DFSK کی کامیابی کا تعلق ہے، یہ چین میں بہت معروف اور کامیاب برانڈ ہے۔ اس کی گاڑیوں کی ملک بھر میں زبردست فروخت ہوتی ہے اور یہ قابلِ بھروسہ اور قابلِ اعتماد ہیں بالکل FAW کی طرح۔ اوسطاً یہ ہر ماہ 50 ہزار گاڑیاں فروخت کرتا ہے جو کافی بڑی تعداد ہے۔ ملک کی آبادی کو مدنظر رکھتے ہوئے یہ بہت بڑی تعداد نہیں لگتی لیکن گزشتہ سال گاڑی کی ملکیت کی 1000 درخواستوں میں سے صرف 3 افراد ایسے تھے جنہیں درحقیقت چین میں نئی گاڑی خریدنے اور اس کی ملکیت رکھنے کی اجازت دی گئی۔
DFSK کی چین میں اچھی ساکھ کی وجہ سے مقامی مارکیٹ میں پرنس پرل REX7 کی شہرت بھی اچھی ہونی چاہیے۔
REX7 کی کامیابی؟
اب ہم میں سے بہت لوگ چین میں پرل REX7 کی کامیابی کے بارے میں جاننا چاہیں گے۔ کیونکہ بنیادی طور پر حال ہی میں پاکستان میں متعارف کروائی گئی بیشتر چینی گاڑیاں چین میں اچھی ساکھ نہیں رکھتیں۔ یونائیٹڈ براوو کو ہی لے لیں۔ یہ گاڑی چینی مارکیٹ میں نسبتاً نئی ہے اور جو برانڈ اسے بناتا ہے وہ بھی زیادہ مقبول نہیں ہے۔ جو تصاویر ہمیں فراہم کی گئی ہیں ان سے ایسا لگتا ہے کہ REX7 دراصل Yika E7 سے ملتی جلتی ہے جو جیانگ سو ییکا نیو انرجی آٹوموبائل کمپنی لمیٹڈ بناتی ہے۔
کچھ تحقیق کے بعد ہم نے پایا کہ REX7 کے بارے میں انٹرنیٹ پر زیادہ معلومات موجود نہیں۔ اس لیے صارفین کے اطمینان اور ان کے ردعمل کے بارے میں بھی کافی مواد نہیں ملتا۔ یعنی جب کہ گاڑی شورومز میں آئے گی تبھی اس کے بارے میں کوئی فیصلہ دینے کے قابل ہوں گے۔ البتہ مثبت بات یہ ہے کہ چنگن بینی مثبت فیڈبیک رکھتی ہے، اس لیے ہمیں توقع ہے کہ پاکستان کی سڑکوں تک پہنچنے کے بعد پرل کے ساتھ بھی یہی ہوگا۔
پرل REX7 اور اس کا مقابلہ
پاکستان میں اس گاڑی کے براہ راست مقابل سوزوکی مہران اور یونائیٹڈ براوو ہیں۔ گو کہ اس گاڑی کا مہران سے تقابل کرنا بیکار ہی ہوگا، اس لیے براہ راست یونائیٹڈ براوو پر آتے ہیں اور دیکھتے ہیں کہ یونائیٹڈ کے مقابلے میں اس گاڑی میں کیا کچھ مزید پیش کیا جا سکتا ہے۔ سب سے پہلے میرے خیال میں پرل براوو سے زیادہ اچھی نظر آتی ہے۔ اس گاڑی کا ایکسٹیریئر ایسا لگتا ہے جیسے سوزوکی کیزاشی اور نئی کلٹس کو باہم ملایا گیا ہو۔ دوسرا پرل کا انٹیریئر بھی زیادہ بہتر ہے اور ایکیورا کاروں جیسا ہے اور بہت ماڈرن اور پرکشش لگتا ہے۔ گو کہ پرل کی ڈونر کار میں بنیادی طور پر کافی سازوسامان ہے لیکن ہمیں یقین ہے کہ ان میں سے بیشتر مقامی ورژن میں نہیں ہوگا۔ البتہ مقامی صارفین بہت سراہیں گے اگر خاص طور پر ریگل ABS، ایئر بیگز، پاور اسٹیئرنگ، ریئر کیمرا، پاور لاکس اور پاور ونڈوز پیش کرے گا اگر انہیں براوو کا مقابلہ کرنا ہے تو۔
پرنس پرل REX7 کی متوقع قیمت 7.5 لاکھ روپے ہے۔
اس حوالے سے مزید آگہی پانے اور آٹوموٹو صنعت سے متعلق دیگر خبروں کے لیے پاک ویلز پر آتے رہیے۔
