عالمی سرفہرست کار ساز ادارے ٹویوٹا نے C-HR کی بُکنگ شروع کرنے کا اعلان کردیا ہے۔ جاپان میں اس کی بکنگ 27 سے 30 لاکھ جاپانی یَن میں کی جارہی ہے۔ ٹویوٹا موٹرز کمپنی کی طرف سے اعلامیہ جاری ہونے کے بعد رواں ماہ نئی C-HR کی فروخت باضابطہ شروع کیے جانے امکانات میں اضافہ ہوگیا ہے۔ اس گاڑی کو 1800cc ہائبرڈ، 1200cc ٹربو کے علاوہ 2000cc انجن کے ساتھ بھی پیش کیا جائے گا۔
ٹویوٹا کی اس نئی ہائبرڈ کراس اوور کو ہونڈا وزل کا سخت ترین حریف تصور کیا جارہا ہے۔ اگر پیمائش کے اعتبار سے ٹویوٹا C-HR کا موازنہ ہونڈا وزل سے کیا جائے تو یہ نہ صرف اضافی لمبائی بلکہ زیادہ چوڑائی کی بھی حامل ہے۔
پاکستان میں اگر نئی ٹویوٹا C-HR درآمد کی جائے تو اس پر 48 سے 50 لاکھ روپے کے اخراجات (بشمول ٹیکس) آسکتے ہیں۔ پاکستان میں بہت سے لوگوں نے پہلے ہی ٹویوٹا C-HR بُک کروالی ہے اور امید ہے کہ انہیں اپنی گاڑی آئندہ سال کے ابتدائی سہ ماہی تک موصول ہوجائے گی۔
پاک ویلز کے ذریعے اپنی پسندیدہ گاڑی پاکستان منگوانے کے لیے یہاں کلک کریں
ٹویوٹا نے اس گاڑی کا نام Coupe-High Rider کے مخفف C-HR پر رکھا ہے۔ لیکن اپنے نام کے برعکس اس گاڑی کاانداز روایتی کراس اوور سے کافی مختلف ہے۔ C-HR چار دروازوں کی حامل گاڑی ہے جسے ٹویوٹا کے نئے عالمی آرکی ٹیکچر (TNGA) پر تیار کیا گیا ہے۔ یاد رہے کہ اس پلیٹ فارم پر ٹویوٹا پرایئس کی چوتھی جنریشن بھی تیار کی جاچکی ہے۔
