آسٹریلیا کا شمار ان ممالک میں ہوتا ہے جہاں 4×4 گاڑیاں بہت پسند کی جاتی ہیں اور آخر کیوں نہ ہوں؟ ایک ایسی گاڑی جو پرتعیش بھی ہو اور آرامدہ بھی تو اس کو شہرت حاصل کرنے کا پورا حق حاصل ہے۔ ٹویوٹا آسٹریلیا نے اپنے صارفین کے لیے نئی ہائی لکس ریوو 2016ء میں 60 اضافی سہولیات دینے کا فیصلہ کیا ہے۔
ٹویوٹا آسٹریلیا ے مطابق یہ 60 سہولیات تیار کرنے میں انہیں پانچ سال کا عرصہ لگا جو کارخانوں میں کام کرنے والوں کے علاوہ عام فرد کے لیے بھی مددگار ثابت ہوں گی۔ ایل ای ڈی روشنیاں، وھیل کلال، وھیل نٹ انڈیکیٹر اور ہینڈ بریک سے آگاہ کرنے جیسی قابل ذکر سہولیات شامل ہیں۔
اس کے علاوہ نئی ٹویوٹا ہائی لکس ریوو 2016ء میں سنارکل کے ساتھ دو مختلف ٹول باکس بھی لگائے جاسکتے ہیں۔ایک ذیلی بیٹری بھی ان سہولیات میں شامل ہے جو گاڑی کی بیٹری کے علاوہ ہے اور 50 ایمپئر کرنٹ فراہم کرسکتی ہے۔ سیٹ کوور ہٹانے کے علاوہ حفاظتی ایئر بیگ بھی گاڑی میں شامل ہیں۔
