ٹویوٹا نے اگلے پانچ سالوں میں امریکا میں 13 ارب ڈالرز کی سرمایہ کاری کا اعلان کیا ہے، جس میں اپنے پلانٹس کی پیداواری گنجائش بڑھانا بھی شامل ہے۔
سرمایہ کاری کے ابتدائی وعدے میں تقریباً 30 فیصد اضافے کا اعلان 14 مارچ 2019ء کو کیا گیا جب آٹو مینوفیکچرر نے اپنے آفیشل ٹوئٹر اکاؤنٹ سے ٹوئٹ کیا۔ یہ امریکا میں ٹویوٹا گاڑیوں کی پیداوار بڑھانے کی سمت میں ایک بڑا قدم ہے۔ یہ لیکسس ES اور RAV4 کے ہائبرڈ ورژنز کی پیداوار کے لیے بالخصوص فائدہ مند ہوگا۔ ادارہ مئی 2019ء میں اپنے کینٹکی مینوفیکچرنگ پلانٹ میں لیکسس ES لانے کے لیے تیار ہے۔
اس سرمایہ کاری کا بنیادی ہدف دنیا بھر میں کم اخراج کرنے والی گاڑیوں کے بڑھتے ہوئے رحجان کی پیروی کرتے ہوئے زیادہ ہائبرڈ کاریں بنانے پر ہے۔ کاربن اخراج حد بندیاں انسانی سرگرمیوں کی وجہ سے ہونے والی موسمیاتی تبدیلی اور بڑھتی عالمی حدّت کی وجہ سے یورپ میں مزید بڑھ گئی ہیں۔ معروف مینوفیکچرنگ برانڈز پلگ-اِن ٹیکنالوجی کی طرف بہت تیزی سے منتقل ہو رہے ہیں اور ہائبرڈ ورژنز کو تیزی سے پیچھے چھوڑ رہے ہیں۔ کاربن اثرات ماحول کے لیے زبردست خطرہ ہیں جو الیکٹرک گاڑیوں کو مقابلے کے میدان میں لاتا ہے۔
یہ بات قابلِ ذکر ہے کہ ٹویوٹا نے ایک ماہ قبل الیکٹرک کار بیٹریاں تیار کرنے کے لیے پیناسونک کے ساتھ ایک جوائنٹ وینچر کے معاہدے پر دستخط کیے۔ یہ ایک زیادہ بڑے مقصد کے لیے ابھرتی ہوئی ٹیکنالوجی کی جانب ٹویوٹا کی وابستگی کو ظاہر کرتا ہے۔
اپنے اعلان میں ادارے امریکا کی پانچ ریاستوں میں موجود پلانٹس میں سرمایہ کاری کا ذکر کیا۔ اگلے پانچ سالوں میں آٹومیکر مندرجہ ذیل ریاستوں میں قائم اپنے مینوفیکچرنگ پلانٹس پر پیداواری گنجائش کو بہتر بنائے گا:
ہنٹس وِل، الاباما
بفیلو، ویسٹ ورجینیا
ٹروئے، میسوری
جیکسن، ٹینیسی
ٹویوٹا کے مطابق پیداواری گنجائش کو بڑھانے کی جانب اس قدم کا نتیجہ مزید 600 ملازمتیں پیدا ہونے کی صورت میں نکلے گا۔ ہو سکتا ہے کہ آٹوموبائل سیکٹر میں 13 ارب ڈالرز کی سرمایہ کاری کو دیکھتے ہوئے یہ تعداد کم لگے۔ لیکن صدر امریکا ڈونلڈ ٹرمپ نے سرمایہ کاری کے فیصلے کو سراہا ہے اور ٹویوٹا کے ٹوئٹ کا کچھ یوں جواب دیا ہے:
Congratulations @Toyota! BIG NEWS for U.S. Auto Workers! The USMCA is already fixing the broken NAFTA deal. https://t.co/f9iHprPk5B
— Donald J. Trump (@realDonaldTrump) March 14, 2019
پلگ-اِن ہائبرڈ گاڑیاں کچھ عرصے سے نمایاں ہیں۔ اسی طرح فوکس ویگن گروپ بھی اعلان کر چکا ہے کہ وہ اگلے 10 سالوں میں 22 ملین الیکٹرک کاریں بنانے کا ہدف رکھتا ہے۔ ایک اور برانڈ وولوو 2019ء کے بعد اپنی لائن اپ میں صرف ہائبرڈ یا الیکٹرک گاڑیاں ہی بنانے کا عہد رکھتا ہے۔ ٹویوٹا بھی ایسے ہی اہداف کا حامل ہے کیونکہ آٹوموبائل انڈسٹری کا مستقبل الیکٹرک گاڑیاں ہے۔
آٹوموبائل انڈسٹری کی خاص خبروں کے لیے پاک ویلز کے ساتھ رہیے۔ اپنے تبصرے اور تجاویز ذیل میں دیجیے۔
