آپ مانیں یا نہ مانیں، یاماہا YBR 125 کو بے حد پسند کیا جا رہا ہے۔ اس حوالے سے ہم نے کافی لوگوں کی رائے لی تو ہمیں پتہ چلا کہ YBR کی فراہمی میں ایک ماہ تک کا انتظار کرنا پڑتا ہے۔ لیکن اس صبر کا پھل اتنا میٹھا ہے کہ لوگ اب بھی یاماہا YBR کی طرف راغب ہیں۔
یاماہا YBR125 کو تین رنگوں میں پیش کیا گیا ہے اور ہم نے یہاں ان کی تصاویر آپ کے ساتھ شیئر کر رہے ہیں تاکہ آپ بھی ان میں سے اپنے من پسند رنگ کا انتخاب کرسکیں۔ گو کہ زیادہ رنگوں میں موٹر سائیکل کی دستیابی کم ہی نظر آتی ہے لیکن یہ بات درست لگتی ہے کہ اب سیاہ اور سرخ رنگ کی بائیک سے لوگوں کا دل بھر چکا ہے۔ راوی براوو بھی مختلف رنگوں پر کام کر کے کافی داد سمیٹ چکی ہے۔ یاماہا کو بھی اس حوالے سے سنجیدہ ہونا ہوگا۔
پاکستان میں نئی موٹر سائیکل متعارف کروانے کا سلسلہ ہمارے لیے ہمیشہ باعث مسرت رہا ہے۔ یاماہا YBR 125 کے بعد یاماہا YBR 125G کی آمد پر بھی ہمیں بہت خوشی ہوئی۔ اور مستقبل قریب میں روڈ پرنس بھی 150 سی سی موٹر سائیکل پیش کرنے کا جا رہی ہے۔ یہ موٹر سائیکلز نہ صرف پہلے کے مقابلے میں بہت بہتر ہیں بلکہ اپنے منفرد اور جذباتی انداز کے لیے بھی قابل داد ہیں۔
یاماہا YBR 125 گہرے و چمکدار سرمئی (Dark Grey Metallic)، شوخ سرخ گھوڑے (Vivid Cocktail Red) اور چمکدار نیلے (Metallic Blue) رنگوں میں دستیاب ہے۔
