ہائی ٹیک لبریکنٹس نے زِک موٹر آئل کا نیا انداز اور مصنوعات کی نئی ترتیب پیش کی ہے۔ ملک کے چار بڑے شہروں اسلام آباد، کراچی، لاہور اور ملتان میں اس حوالے سے تقاریب منعقد کی گئیں جن میں گاڑیوں کے شعبے سے تعلق رکھنے والے افراد کی بڑی تعداد نے شرکت کی۔
اس موقع پر ایس کے لبریکنٹس کے نائب صدر جناب پارک اور سینئر منیجر جناب کوآن بھی موجود تھے۔ ایس کے لبریکنٹس کا تعلق جنوبی کوریا سے ہے اور وہ ہائی ٹیک لبریکنٹس کا شراکت دار ادارہ ہے۔
یہ دوسرا موقع ہے کہ جب ہائی ٹیک لبریکنس نے زِک آئل کی پیکیجنگ میں تبدیلی کی ہو۔ سب سے پہلے زِک آئل ٹین کے ڈبوں میں پیش کیا گیا تھا جسے بعد ازاں پلاسٹک کی بوتلوں میں تبدیل کردیا گیا۔ تازہ تبدیلیوں میں نہ صرف زِک کی بوتلوں کا رنگ تبدیل کیا گیا ہے بلکہ انجن آئل کی خصوصیات اور نام بھی تبدیل کردیے گئے ہیں۔ اب آپ کو زِک آئل کی ایکس فہرست میں X3, X5, X7 اور X9 بھی دستیاب ہوں گے۔
ہائی ٹیک لبریکنٹس کے چیف ایگزیکٹو آفیسر (سی ای او) جناب طاہر نے میڈیا نمائندگان سے گفتگو کرتے ہوئے بتایا کہ زِک آئل کا نیا انداز صارفین کے لیے پرکشش ہونے کے ساتھ استعمال میں بھی آسان ہے۔ اس کے علاوہ نئی پیکیجنگ بناتے ہوئے قانونی معاملات بھی پر کافی غور کیا گیا تاکہ مارکیٹ میں موجود جعلی آئل کی پہچان ممکن بنائی جاسکے۔ انہوں نے مزید کہا کہ ہر 5 سے 6 سال میں نئی پیکجنگ متعارف کروائی جائے گی۔
ہائی ٹیک لبریکنٹس کے سربراہ نے مزید کہا کہ ادارے کو ہر بار پیکیجنگ تبدیل کرنے کے لیے بہت سرمایہ خرچ کرنا پڑتا ہے لیکن ہمارے لیے صارفین اور ان کی گاڑیوں کو بہتر سے بہتر آئل کی فراہمی اولیت رکھتی ہے جس پر کسی قسم کا سمجھوتا نہیں کیا جاسکتا۔
