گزشتہ کئی ماہ سے بائکس اور گاڑیوں کی قیمتوں میں اضافہ نہیں ہوا جو کہ خوش آئند بات ہے لیکن اس کے باوجود کمپنیاں اب بھی کو صارفین کو اپنی طرف راغب کرنے کے لیے دلکش آفرز متعارف کروانے پر مجبور پاتی ہیں۔ جس کی سب سے بڑی وجہ گاڑیوں اور بائکس کی سیلز میں نمایاں کمی ہے کیونکہ بڑھتی ہوئی مہنگائی نے لوگوں کی قوت خرید کو شدید متاثر کیا ہے۔
لہذا یہ جانتے ہوئے کہ مقامی مارکیٹ میں استحکام حاصل کرنا ایک طویل عمل ہوگا، آٹوموبائل مینوفیکچررز ایک کے بعد ایک آفر کا اعلان کر رہے ہیں۔ ایک حالیہ سوشل میڈیا پوسٹ میں یاماہا پاکستان نے اپنے ‘نیو ایئر سرپرائز’ کے طور پر ایک بہترین انسٹالمنٹ آفر کا اعلان کیا ہے۔
پوسٹ میں لکھا گیا ہے کہ 8 ماہ کے ادائیگی کے پلان اور 0 فیصد مارک اپ کے ساتھ اب آپ کوئی بھی یاماہا کی بائک حاصل کر سکتے ہیں۔ یہاں اہم بات یہ ہے کہ یہ آفر صرف پاکستان کے مخصوص شہروں میں کارآمد ہے جبکہ ماہانہ قسط 25000 روپے ہوگی۔
نئی یاماہا YB125Z-DX
نئی یاماہا YB125Z-DX کو گزشتہ ماہ کمپنی نے باضابطہ طور پر لانچ کیا تھا جو کہ یاماہا بائکس کے مداحوں کیلئے ایک انتہائی اچھی پیشکش تھی۔ اس بائک میں نئے گرافکس دیکھنے کو ملتے ہیں جبکہ یہ میٹالک گرے، سرخ اور سیاہ رنگوں میں دستیاب ہے، جو اس کی خوبصورتی کو بڑھانے میں اہم کردار ادا کرتے ہیں۔
اس نئی بائک میں کی گئی تبدیلیوں کی بات کریں تو یہ پہلا موقع نہیں ہے کہ جب یاماہا پاکستان نے قیمت میں اضافے کے بعد بائک میں صرف ڈیزائن یا سٹیکر کی ہی تبدیلی کی ہو۔ دسمبر 23 میں، کمپنی نے YBR125G کا نیا ماڈل متعارف کرایا جس میں بنیادی طور پر صرف رنگ تبدیل کیا گیا تھا۔
ایسا لگتا ہے کہ ملک میں موٹرسائیکل بنانے والے اعتدال پسندی کے چکر میں پھنسے ہوئے ہیں، سواروں کی دلچسپی کو برقرار رکھنے کے لیے سطحی تبدیلیوں پر انحصار کرتے ہیں۔
یاماہا کی انسٹالمنٹ آفر کے بارے میں آپ کے کیا خیالات ہیں؟ کمنٹس سیکشن میں بتائیں۔
