بریکنگ نیوز – پرنس نئی 800cc کار پیش کرنے کے لیے تیار


ریگل آٹوموبائل انڈسٹریز لمیٹڈ نئی ہیچ بیک کے ذریعے مقامی آٹو مارکیٹ کو ہلا کر رکھنے کے لیے تیار ہے۔

تفصیلات کے مطابق، جو پاک ویلز کو ذرائع سے ملی ہے، پرنس نئی 800cc ہیچ بیک کار پیش کرنے کے لیے تیار ہے جو 5500 rpm پر 40 hp اور 3500-4500 rpm پر 60.5 Nm پیدا کرتی ہے۔ گاڑی رواں سال کی پہلی ششماہی میں سڑکوں پر آنا متوقع ہے۔ اس کی قیمت تقریباً 7 سے 7.5 لاکھ روپے ہوگی۔

یہ بات قابلِ ذکر ہے کہ ریگل آٹوموبائلز اور DFSK گروپ آف چائنا گاڑیوں کی اسمبلنگ کے لیے ٹیکنیکل معاہدہ کر چکے ہیں؛ یہ معاہدہ “پرنس” برانڈ نام کے تحت کام کر رہا ہے جو پاکستان بھر میں 3s ڈیلرشپس کے ذریعے پہلے ہی LCVs فروخت کر رہا ہے۔

کمپنی یہ کار دو ویرینٹس میں پیش کر رہی ہے؛ مینوئل اور آٹومیٹک اور اس کی زیادہ سے زیادہ رفتار 120/130 کلومیٹر فی گھنٹہ ہے۔ سوزوکی مہران اور حال ہی میں پیش کردہ یونائیٹڈ براوو اس نئی 800cc ہیچ بیک کی براہِ راست مقابل ہیں۔

روڈ پرنس پاکستان میں ایک مقبول موٹر سائیکل برانڈ ہے اور یہ کمپنی اب  موٹر سائیکل سے چار پہیوں والی گاڑیوں کے شعبے میں جست لگا رہی ہے۔

PakWheels.comکی جانب سے اس نئی 800cc گاڑی کی خصوصی تصاویر ذیل میں دیکھیں:

اس گاڑی کی تکنیکی  معلومات، خصوصیات اور دیگر خبروں کے بارے میں جاننے کے لیے PakWheels.com پر آتے رہیے۔


Google App Store App Store

My name is M. Ali Laghari and I love to read and write about Cars.

Top