جنوری 2018 میں گاڑیوں کے رجحان پر ایک نظر

pakwheels car trends january 2018

آج ہم ان گاڑیوں کے بارے میں بات کریں گے جنہیں گزشتہ ماہ جنوری 2018ء میں سب سے زیادہ تلاش (سرچ) کیا گیا۔ یہ مضمون پاکستان میں گاڑیوں کی خرید و فروخت کے سب سے بڑے آن لائن پورٹل پاک ویلز سے حاصل کردہ معلومات کی بنیاد پر لکھا جا رہا ہے۔ ہمیں امید ہے کہ اس مضمون کے ذریعے قارئین کو گاڑیوں کے رجحانات سمجھنے میں مدد ملے گی۔

 

مقبول ترین 660cc گاڑیاں

660cc انجن والی جن گاڑیوں کو سب سے زیادہ توجہ حاصل رہی، وہ ہی ہیں:

  1. سوزوکی آلٹو
  2. سوزوکی ایوری
  3. ڈائی ہاٹسو میرا

تین مشہور ترین گاڑیوں کے نام پڑھ کر آپ کو اندازہ ہو گیا ہوگا کہ سوزوکی کو یہاں برتری حاصل ہے۔ اس فہرست میں سوزوکی آلٹو کا نام سب سے پہلے نمبر پر دیکھنا زیادہ حیرت انگیز نہیں۔ اس کی درآمد چند سال قبل ہی شروع ہوئی تھی اور اس نے روز اول ہی سے خریداروں کو اپنی جانب متوجہ کر لیا تھا۔ دیگر درآمد شدہ 660cc گاڑیوں میں میرا ہی وہ واحد گاڑی ہے جو سوزوکی کے بعد قابل ذکر درجہ حاصل کر پائی ہے۔ یاد رہے کہ آلٹو اور میرا دونوں کو چھوٹی گاڑیاں یعنی Kei کارز شمار کیا جاتا ہے جبکہ سوزوکی ایوری چھوٹی وین نما گاڑی ہے۔

suzuki-alto-8th-generationSuzuki Every Wagon PZ TURBO

daihatsu-mira-1

مقبول ترین 1000cc گاڑیاں

پاک ویلز کے اعداد و شمار بتاتے ہیں کہ سب سے زیادہ سرچ کی جانے والی تین 1000cc گاڑیاں یہ ہیں:

  1. سوزوکی کلٹس
  2. سوزوکی ویگن آر
  3. ٹویوٹا وٹز

یہاں بھی سوزوکی ہی کی دو گاڑیاں سر فہرست ہیں۔ سب سے زیادہ دلچسپ بات یہ ہے کہ مارکیٹ میں ویگن آر کی مانگ کلٹس سے زیادہ ہو چکی ہے مگر پاک ویلز کی ویب سائٹ پر لوگ اب بھی کلٹس میں زیادہ دلچسپی لیتے نظر آ رہے ہیں۔ اس فہرست میں تیسرے نمبر پر موجود ٹویوٹا وٹز کو مذکورہ دونوں گاڑیوں سے ممتاز بنانے والی خوبی اس کا درآمد شدہ ہونا ہے۔

2017-suzuki-cultus-pakwheels-review-1

Suzuki-Wagon-R-(1)

2017-toyota-vitz-hybrid-pakwheels-1

مقبول ترین سیڈان

توقعات کے عین مطابق، ماہ جنوری میں سب سے زیادہ جس سیڈان کو تلاش کیا گیا وہ کوئی اور نہیں بلکہ ٹویوٹا کرولا ہی ہے۔ اس کے علاوہ ہونڈا سوک اور ہونڈا سٹی میں بھی خریداروں کو دلچسپی دیکھی گئی۔ مذکورہ دونوں گاڑیوں کو کرولا کے بعد بالترتیب دوسرا اور تیسرا درجہ حاصل ہوا۔

2017 Toyota Corolla Altis Grande CVT-i PakWheels Detailed Review And Photos

مقبول ترین SUVs

گزشتہ ماہ پاک ویلز پر جس SUV کو سب سے زیادہ تلاش کیا گیا، وہ ٹویوٹا لینڈ کروزر تھی۔

Toyota Land Cruiser

مقبول ترین بائیک

ایک بار پھر توقعات کے عین مطابق، موٹر سائیکل کے شعبے میں ہونڈا CG125 نے تمام تر بائیکس کو پیچھے چھوڑ دیا اور جنوری 2018ء کی مشہور ترین موٹر سائیکل قرار پائی۔Honda_CG125_2015


Top