ہونڈا نے آج اپنی سب سے مشہور برانڈ سِوک میں دسویں جنریشن امریکا کے شہر لاس اینجلس میں پیش کردی۔ اس تعارفی تقریب کو یوٹیوب کے ذریعے دنیا بھر میں براہ راست دکھایا گیا۔ لیکن اگر آپ نئی ہونڈا سِوک 2016ء کا پہلا نظارہ کرنے سے رہ گئے تو کوئی بات نہیں، ہم یہاں آپ کو اس تقریب کی مکمل ریکارڈنگ پیش کر رہے ہیں جسے دیکھ کر آپ ایک بار نہیں، بار بار لطف اندوز ہوسکتے ہیں۔
اس رنگا رنگ تقریب کی میزبانی ہالی ووڈ کی مشہور آر جے لِز ہرنینڈز نے کی ۔ امریکہ کے مشہور راک بینڈ ائٹ رائٹس نے اپنے گانے ‘Contagious’ سے تقریب کی شروعات ہوئی جس کے بعد ہونڈا کے نمائندے سیج میری نے حاضرین کو نئی ہونڈا سِوک 2016ء سے متعلق بتایا۔ سیج نے ہونڈا سِوک کی تاریخ بھی دہرائی اور اس کو حاصل ہونے والی اعزازات کا بھی ذکر کیا۔ سیج کے خیال میں سِوک کی نئی جنریشن سے نوجوان بھی متاثر ہوں گے کیوں کہ سِوک 2016ء اب تک بنائی گئی تمام سوِک سے زیادہ جذباتی اور شوخ سِوک ہے۔
اس کے بعد 10ویں جنریشن ہونڈا سِوک 2016ء سے پردہ ہٹایا گیا۔سِوک کو دیکھنا تھا کہ پورا ہال تالیوں کے شور سے گونج اٹھا۔
بعد ازاں میزبان نے نئی سِوک کے نئے ڈیزائن میں کلیدی کردار ادا کرنے والے جیراڈ ہال کو اسٹیج پر بلایا گیا۔ انہوں نے سِوک کے ڈیزائن سے متعلق تاریخ بتائی جس کا آغاز جاپان سے ہوتا ہوا امریکہ کے شہر لاس اینجلس تک پہنچا۔
تو یہ تھا تعارفی تقریب کا مختصر سا احوال اور اب آپ ذیل میں موجود ویڈیو ریکارڈنگ ملاحظہ فرما سکتے ہیں (شروع کے 13 منٹ اضافی ہیں، انہیں آگے کر لیں)۔ ہمارے پاکستانی ناظرین بھی یہ ویڈیو VPN کے بغیر بھی دیکھ سکتے ہیں۔
