دسمبر 2018ء میں سوزوکی فروخت 34 فیصد اضافے کے ساتھ 8305 یونٹس تک پہنچ گئی

0 155

نومبر 2018ء میں 28 فیصد زبردست کمی کے ساتھ 15،334 یونٹس کی فروخت کے بعد دسمبر 2018ء میں مسافر گاڑیوں کی فروخت 5 فیصد اضافے کے ساتھ 16.141 یونٹس تک پہنچ گئی ہے۔ البتہ اگر سال بہ سال میں تقابل کریں تو ہمیں دسمبر 2017ء میں 16,159 یونٹس کے مقابلے میں 0.1 فیصد کی معمولی کمی نظر آتی ہے۔

فروخت کا رحجان ہر زمرے میں ڈانواں ڈول رہا۔ مثال کے طور پر دسمبر 2018ء میں 1300cc کیٹیگری میں ہونڈا (سوِک اور سٹی) اور کرولا کی فروخت نے کمی دیکھی، جبکہ دوسری جانب سوزوکی سوئفٹ کی فروخت 355 یونٹس کے ساتھ 11 فیصد بڑھ گئی۔

دسمبر 2018ء میں 1989 یونٹس کے ساتھ ہونڈا سوِک اور سٹی کی فروخت میں ماہ بہ ماہ میں 32 فیصد کی کمی دیکھی گئی اور کرولا کی فروخت 4179 یونٹس کے ساتھ 15 فیصد کم ہوئی۔

حیران کن طور پر سوزوکی گاڑیوں کی فروخت میں مجموعی طور پر اضافہ ہوا۔ 1000cc کیٹیگری میں کلٹس اور ویگن آر کی فروخت بالترتیب 28 اور 29 فیصد بڑھی۔ مزید برآں، 800cc شعبے میں مہران کے کل یونٹوں کی فروخت ماہ بہ ماہ میں 46 فیصد اضافے کے ساتھ 3228 یونٹس تھی۔

لیکن مجموعی طور پر گاڑیوں کی فروخت میں اضافے کی وجہ یہ رہی کہ عوام کو معلوم تھا کہ نئے سال کے آغاز پر آٹومیکرز گاڑیوں کی قیمتيں بڑھائیں گے، جو انہوں نے بڑھا بھی دی ہیں۔

اس کے علاوہ جیپوں (4×4 اور 4×2) کی فروخت میں ماہ بہ ماہ میں 0.9 فیصد کمی ہوئی۔ دسمبر میں فورچیونر کے کُل 153 یونٹس فروخت ہوئے جبکہ کُل 378 BRVs بھی بِکیں۔

موٹر سائیکلوں کی بات کریں تو ان کی فروخت میں ماہ بہ ماہ میں 7 فیصد اور سال بہ سال میں 12 فیصد کی کمی آئی۔ دسمبر میں فروخت ہونے والی کل موٹر سائیکلیں 1,11,172 تھیں۔

ہونڈا نے 80,553 یونٹس فروخت کیے جبکہ سوزوکی، یاماہا اور یونائیٹڈ نے بالترتیب 2050، 2522 اور 26,047 یونٹس فروخت کیے۔

٭٭اعلانِ دستبرداری: یہ ڈیٹا PAMA کی ویب سائٹ سے لیا گیا ہے اور پاک ویلز اس ڈیٹا میں کسی بھی کمی بیشی کا ذمہ دار نہیں ہوگا۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.