کراچی رجسٹرڈ گاڑیاں سستی کیوں ہوتی ہیں؟

0 12 719

آج ہم آپ کے لیے ایک معلوماتی تحریر لائے ہیں، جو دوسرے شہروں کے مقابلے میں کراچی میں کاریں سستی ہونے کے بارے میں ہے۔ ہم اس تحریر میں ٹویوٹا گرینڈ کو بطور مثال استعمال کریں گے۔

معاملہ ٹویوٹا گرینڈ کا:

ہمیں یہ تب معلوم ہوا جب ایک کنزیومر نے ہم سے گرینڈ 2018 کی قیمت پوچھیں، جو 21,000 کلومیٹرز چلی ہوئی تھی۔ ہم نے انہیں لاہور مارکیٹ کے حساب سے اندازاً قیمت بتائی۔ کنزیومر جن کا تعلق کراچی سے تھا، نے ایک مرتبہ پھر ہم سے رابطہ کیا اور بتایا کہ انہوں نے یہ گاڑی اسی کنڈیشن میں بتائی گئی قیمت سے 1,00,000 روپے کم میں خریدی ہے۔

اس خبر نے ہمیں کچھ ریسرچ کرنے پر مجبور کیا اور ہم نے پایا کہ شہری علاقوں میں گاڑیاں واقعی ملک کے دیگر علاقوں سے سستی ہیں۔ ہم نے پہلے 2018 گرینڈ کی قیمت کا اندازہ 34 سے 35 لاکھ لگایا تھا، جبکہ یہ کراچی میں 33 لاکھ روپے کی پڑتی ہے۔ ہم نے اس کم قیمت کی مزید وجوہات جاننے کا فیصلہ کیا۔

کراچی میں سستی کیوں؟

پہلی وجہ یہ ہے کہ پنجاب میں لوگ کراچی نمبر پلیٹ کی کاریں خریدنے میں ہچکچاتے ہیں۔ صارفین سمجھتے ہیں کہ پولیس روک کر تفتیش کرے گی اور کراچی رجسٹریشن کی گاڑیوں کے ساتھ زیادہ قانونی مسئلے ہوتے ہیں۔

کنزیومرز کو دوسرے شہروں کی گاڑیوں کے ٹرانسفر اور ٹوکن پیمنٹ کے حوالے سے بھی خدشات ہیں؛ اس لیے وہ کم قیمت پر فروخت ہوتی ہیں۔

کیا یہ واقعی ایک مسئلہ ہے؟

لیکن یہ کوئی سنجیدہ مسئلہ نہیں ہے؛ آپ کو گاڑی خریدتے ہوئے صرف غور سے پیپرز چیک کرنے کی ضرورت ہے۔ آپ سندھ ایکسائز ڈپارٹمنٹ کے پاس جا سکتے ہیں اور گاڑی اپنے نام پر ٹرانسفر کروا سکتے ہیں۔

اس کے علاوہ آپ پیپر ورک کرکے اور پنجاب ایکسائز میں کاغذات جمع کروا کر گاڑی کو لاہور ٹرانسفر کر سکتے ہیں۔ آپ آن لائن ٹوکن بھی جمع کروا سکتے ہیں کیونکہ اتھارٹیز نے اس مقصد کے لیے ایپس اور ویب سائٹس جاری کر دی ہیں۔

کراچی میں کاریں سستی ہونے کی دیگر وجوہات:

ہماری تحقیق نے شہر میں سستی گاڑیوں کی دوسری چھوٹی وجوہات بھی ظاہر کیں، جیسا کہ:

  • کراچی کی کاروں میں یہاں کے موسم کی وجہ سے زنگ زیادہ ہوتا ہے
  • کراچی میں امپورٹڈ گاڑیوں کو ترجیح دی جاتی ہے؛ البتہ مقامی طور پر بننے والی گاڑیوں کی قیمتیں کم ہوتی ہیں
  • کراچی پاکستان کا سب سے بڑا شہر ہے اور ہماری تحقیق ظاہر کرتی ہے کہ جتنا بڑا شہر ہوگا، قیمت اتنی مناسب ہوگی
  • آپ جتنا شمال کی جانب سفر کرتے جائیں، گاڑیوں کی قیمتیں بڑھتی جائیں گی

آخری فیصلہ:

پاک ویلز تصدیق کرتا ہے کہ کراچی نمبر پلیٹوں والی کاریں دوسرے شہروں میں رجسٹرڈ گاڑیوں کے مقابلے میں سستی ہوتی ہیں۔ لیکن کراچی رجسٹرڈ گاڑیوں کے حوالے سے خدشات بے بنیاد ہیں کیونکہ آپ درست پیپرورک کے ذریعے ان مسائل کو حل کر سکتے ہیں۔

وڈیو دیکھیں:

You buy Used Cars from PakWheels are very reasonable price with a wide range of choice.

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.