ہیونڈائی پاکستان 2021ء کی پہلی سہ ماہی میں اپنی پیداوار میں 100 فیصد اضافہ کرے گا

0 15 973

ہیونڈائی پاکستان 2021ء میں نئے سال کے وعدے کے ساتھ تیار دکھائی دیتا ہے۔ کمپنی کے CEO حسن منشا نے حال ہی میں پہلی سہ ماہی کے دوران اپنی پیداواری گنجائش کو 100 فیصد بڑھانے کے منصوبوں کے بارے میں بات کی ہے۔ کمپنی نے اس مقام تک پہنچنے کے لیے بھرپور منصوبے کا خاکہ ترتیب دیا ہے۔

خبروں کے مطابق ہیونڈائی نشاط موٹرز پرائیوٹ لمیٹڈ 2021ء کے پہلے تین مہینوں میں گاڑیوں کی پیداوار میں 100 فیصد اضافے کے لیے ایک ڈبل شفٹ شیڈول چلائے گا۔

‏CEO نے اپنے بیان میں کہا کہ «یہ یقینی بنائے گا کہ ہیونڈائی-نشاط نیٹ ورک اور گنجائش بڑھنے کے ساتھ ساتھ روزگار کے مواقع تخلیق کرنے میں اپنا کردار ادا کرتا رہے۔»

ہیونڈائی کے نئے سال کے وعدے کی پس پردہ داستان

ہیونڈائی نے نشاط گروپ کے ساتھ پارٹنرشپ کی اور 2017ء میں ایک مرتبہ پھر پاکستان میں قدم رکھا۔ کمپنی نے اگست 2020ء میں ہیونڈائی ٹوسان کراس اوور SUV لانچ کی۔ یہ گاڑی پاکستان مین دیگر SUVs کِیا اسپورٹیج، BMW X1 اور آؤڈی Q3 کی زبردست مقابل ہے۔ ٹوسان نے اپنی لانچ کے مطابق پاکستانی SUV خریداروں میں بہت دلچسپی پیدا کی۔ 2021ء میں آئیں تو ہیونڈائی کی اس SUV کا اب بھی اپنے سب سے بڑے مقابل، کِیا اسپورٹیج، کی سطح تک پہنچنا باقی ہے۔ پاکستان میں ٹوسان گاڑیوں کی کُل تعداد اسپورٹیج کی آدھی بھی نہیں ہے۔

پہلی وجہ پاکستان میں ہیونڈائی گاڑیوں کی سست رفتار پروڈکشن ہے۔ کمپنی نے گاڑی کے پارٹس کوریا سے درآمد کرتی، پاکستان میں مقامی طور پر اسمبل کرتی اور CKD یونٹس فروخت کرتی ہے۔ یہ پورا عمل دوسرے تمام آٹومیکرز سے زیادہ دھیما ہے، اور کمپنی نئے سال میں اسے تبدیل کرنے کے لیے پر تول رہی ہے۔

ہیونڈائی پاکستان کا ایک اور کمزور پہلو بھی ہے – بک کی گئی گاڑیوں کی تاخیر سے ڈلیوری۔ ایک ہیونڈائی گاڑی بک کروائیں اور 5 سے 6 مہینے سے پہلے اس کا ملنا بھول جائیں۔ آٹومیکر اپنے نئے پروڈکشن پلانٹ کے ساتھ اس مسئلے کو حل کرنا چاہتا ہے۔

شاباش ہیونڈائی پاکستان!

ہیونڈائی نشاط پاکستانی آٹو مارکیٹ میں آگے بڑھنے کی بہت صلاحیت رکھتا ہے۔ لیکن کمپنی اب بھی اس موقع کا اس طرح فائدہ نہیں اٹھا پائی، جس طرح اٹھانا چاہیے تھا۔ آٹومیکر کے اپنی کار پروڈکشن صلاحیت بڑھانے کے منصوبے ظاہر کرتے ہیں کہ اب وقت آ چکا ہے۔

ایک اور گاڑی، ہیونڈائی ایلانٹرا، کے ساتھ جو 2021ء میں لانچ ہونے کے لیے تیار ہے، ہمیں دیکھ کر خوشی ہوگی کہ ہیونڈائی پاکستان کس طرح آگے بڑھتا ہے، ہماری نیک تمنائیں ان کے ساتھ ہیں۔

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.