ٹویوٹا یارِس 2020ء 1.5 اے ٹی آئی وی ایکس سی وی ٹی-آئ کا مختصر ریویو پڑھیں

20 547

ٹویوٹا یارِس مارچ میں  لانچ ہونے سے پہلے وہ گاڑی تھی جس کا پاکستان میں سب سے زیادہ انتظار کیا جا رہا تھا۔ ٹویوٹا یارِس نے کرولا لائن اَپ کے 1300cc ویرینٹس یعنی XLi اور GLi کی جگہ لی ہے۔ یہ ایک کومپیکٹ سیڈان ہے جو ہونڈا سٹی کا مقابلہ کرے گی۔ ٹویوٹا یارِس 1300cc اور 1500cc دونوں انجن میں آتی ہے، بالکل ہونڈا سٹی کی طرح۔ 

یہ پاکستان میں کل چھ ویرینٹس میں لانچ کی گئی تھی اور اس کے رنگ بھی چھ ہی ہیں۔ 

ایکسٹیریئر

ٹویوٹا یارِس LED ڈے ٹائم رننگ لائٹس (DRLs) اور ہیلوجن ہیڈلیمپس کے ساتھ آتی ہے۔ یہ ویرینٹ فوگ لیمپس رکھتا ہے جو فرنٹ بمپر میں لگائے گئے ہیں۔ کار کی فرنٹ گرِل چوڑی ہے اور کئی horizontal bars کے ساتھ ڈیزائن کی گئی ہے۔ ATIV X ویرینٹ 15-انچ الائے رِمز اور ٹائروں کے ساتھ آتا ہے۔ 

گاڑی کی سائیڈوں پر دیکھیں تو دروازں میں نمایاں cuts اور ڈیزائن لائنز نظر آتی ہے جو air resistance میں مدد دیتی ہیں۔ یہ ڈیزائن لائنز اسے ایک اسپورٹی لُک دیتی ہیں۔ سائیڈ مررز باڈی کے رنگ کے ہیں اور ڈور ہینڈلز کروم فنِش میں دیے گئے ہیں۔ 

سائیڈ مِررز کے اندر ٹرن سگنلز بھی لگائے گئے ہیں۔ ٹیل لیمپس LED بار لائٹس رکھتے ہیں جو روشن ہیں اور خوبصورت لگتے ہیں۔ پچھلے حصے میں آپ کو بمپر کے اندر لگائے گئے reflectors، high-mounted بریک لیمپ اور کار کی چھت پر انٹینا بھی مل سکتا ہے۔ 

ریئر کروم گارنِش اور laminated گرِین وِنڈ شیلڈ بھی اس ویرینٹ میں دی گئی ہے۔ فرنٹ گرِل کو پریمیئم لُک کے لیے ایک پارشل کروم پلیٹنگ بھی رکھتی ہے۔

انٹیریئر 

ٹویوٹا یارِس ATIV X ایئر کنڈیشننگ یونٹ اور 4.2 انچ کے رنگین TFT ملٹی-انفارمیشن ڈسپلے کے ساتھ آتی ہے۔ پُش-اسٹارٹ اور ریموٹ ٹرنک اوپنر کے ساتھ اسمارٹ کی بھی دی گئی ہے۔ 3-اسپوک ٹِلٹ پاور اسٹیئرنگ MID، آڈیو اور بلوٹوتھ سوئچز کے ساتھ ہے۔ سیٹوں کی upholstery آرام دہ پریمیئم ivory کپڑے کی ہے اور stitch ڈیزائن کے ساتھ ہے۔ 6.8 انچ capacitive ٹچ اسکرین کے ساتھ ایک اِن-ڈَیش انفوٹینمنٹ سسٹم بھی موجود ہے۔ 

انفوٹینمنٹ سسٹم بلوٹوتھ، MP3، DVD/VCD، USB، مِرر لِنک، ریڈیو اور AUX کنیکٹیوِٹی رکھتا ہے۔ دروازوں کے inside ہینڈلز بھی کروم سے بنائے گئے ہیں۔ ڈرائیور اور آگے بیٹھے مسافر دونوں کے لیے سَن وائزرز کے ساتھ vanity mirrors بھی فراہم کیے گئے ہیں۔ اسٹوریج کے لیے کار میں کپ ہولڈرز اور بوتل ہولڈرز کے ساتھ کافی جگہیں ہیں۔ 

انٹیریئر کی کلر اسکیم کالے اور خاکی رنگت کا ملاپ رکھتی ہے۔ ڈیش بورڈ کی کوالٹی اچھیہے، جس میں درمیانے حصے میں کئی سلوَر ٹرِم حصے ہیں۔ 

انٹیریئر کے دیگر فیجرز میں پاور وِنڈوز، ریئر کیمرا، چھ اسپیکرز، 12 V فرنٹ پاور آؤٹ لیٹ، ڈجیٹل کلاک، 2 ریئر پاور آؤٹ لیٹس، سینٹر کونسول باکس، سینٹرل لاکنگ سسٹم، فُٹ ریسٹ اور فلور مَیٹس شامل ہیں۔ یہ ویرینٹ ایڈوانسڈ Optitron اسپیڈومیٹر، ٹیکومیٹر اور اکانمی میٹر کے ساتھ آتا ہے۔

ایک کی لیس انٹری فیچر بھی فراہم کیا گیا ہے، جو کار کے اندر داخل ہونا آسان بناتا ہے۔ اس کار میں ڈِگی کی گنجائش 476 لیٹرز ہے، اور اس میں دو بڑے سوٹ کیس آسانی سے آ سکتے ہیں۔ آپ کو ڈِگی کے اندر ایک اسپیئر وِیل بھی مل سکتا ہے۔ ہیڈ رُوم اور لیگ رُوم اگلے اور پچھلے دونوں حصوں میں کافی ہیں۔ پچھلے حصے میں فلور بالکل سیدھا ہے، جس سے درمیان میں بیٹھنے والے آدمی کے لیے کافی سہولت ہو جاتی ہے۔

انجن اور پرفارمنس 

ٹویوٹا یارِس ایک اِن-لائن 4-سلنڈر 16-والو DOHC ڈوئل VVT-i انجن کے ساتھ آتی ہے۔ کیونکہ یہ ایک ATIV X ویرینٹ ہے، اس لیے یہ 1500cc انجن کے ساتھ آتا ہے۔ یہ سیڈان 16 سے 17 کلومیٹر فی لیٹر کا ایوریج دیتی ہے۔ جہاں تک ٹرانسمیشن کا تعلق ہے، آپ 7-اسپیڈ Continuous Variable Transmission یعنی CVT یا 5-اسپیڈ مینوئل ٹرانسمیشن کا انتخاب کر سکتے ہیں۔ ATIV X میں انجن 106bhp اور 140Nm کا ٹارک پیدا کرتا ہے۔ یہ ویرینٹ ایکو اور اسپورٹس موڈ بھی رکھتا ہے۔ اس کار میں دیا گیا Triptronic فیچر آپ کو سہولت دیتا ہے کہ کار کو آٹو یا مینوئل موڈ پر چلائیں۔ 

سیفٹی 

سیفٹی فیچرز میں ڈرائیور اور آگے بیٹھنے والے مسافر کے لیے SRS ایئربیگز، ایک ہِل-اسٹارٹ اَسِسٹ سسٹم، وہیکل اسٹیبلٹی کنٹرول، پانچ مسافروں کے لیے سیٹ بیلٹس، ISOFIX چائلڈ سیٹ اینکرز، اموبیلائزر، کی ریمائنڈر وارننگ، لائٹ ریمائنڈر وارننگ اور فیول آٹو کٹ فیچرز شامل ہیں۔ اینٹی لاک بریکنگ سسٹم (ABS)، بریک اَسِسٹ (BA) اور ٹریکشن کنٹرول فیچرز بھی فراہم کیے گئے ہیں۔

قیمت 

ٹویوٹا یارس 2020ء 1.5 ATIV X CVT-i کی لانچ 28,09,000 روپے کی تعارفی قیمت کے ساتھ کی گئی تھی، لیکن یہ قیمت آئندہ دنوں میں تبدیل ہو جائے گی۔

پاکستان میں ٹویوٹا یارِس کے بارے میں مزید پڑھیں

ایسے ہی ریویوز پر مشتمل کونٹینٹ کے لیے پاک وِیلز پر آتے رہیں اور اپنے خیالات نیچے تبصروں میں پیش کریں۔

Google App Store App Store
تبصرے