کاریں بنانے والے اداروں کے بعد ملّت ٹریکٹرز نے بھی کروناوائرس کی وباء اور لاک ڈاؤن کی موجودہ صورتِ حال کی وجہ سے ملک میں اپنا آپریشن معطل کر دیا ہے۔
تفصیلات کے مطابق کمپنی نے پاکستان اسٹاک ایکسچینج (PSX) کو لکھے گئے اپنے لیٹر میں بتایا ہے کہ اس نے ملک میں اپنا پلانٹ بند کر دیا ہے اور حکومت کی جانب سے لاک ڈاؤن کے خاتمے کے اعلان تک اپنے تمام دفاتر بھی بند کر دیے ہیں۔ یہ امر قابلِ ذکر ہے کہ کمپنی نے یہ نہیں بتایا کہ وہ اپنا پلانٹ دوبارہ کب کھولے گی۔
Also Read: Toyota Delays Soft Launch Of Yaris Due To Lockdown
جیسا کہ اوپر بتایا گیا کہ ملت ٹریکٹرز کے علاوہ کئی دوسرے گاڑیاں بنانے والے اداروں نے بھی اپنی کارخانے بند کر دیے ہیں۔ ذیل میں ان اداروں کے نام ہیں جو اب تک اپنے آپریشنز بند کر چکے ہیں:
- انڈس موٹر کمپنی (IMC)
- پاک سوزوکی موٹر کمپنی (PSMC)
- ہونڈا اٹلس کارز لمیٹڈ
- الحاج فا موٹرز
- JW فورلینڈ
- ماسٹر موٹرز
- ہیونڈائی نشاط موٹرز
- کِیا موٹرز
- ریگل آٹوموبائلز
- یونائیٹڈ آٹو انڈسٹریز
کروناوائرس نے نہ صرف مقامی آٹو انڈسٹری کو نقصان پہنچایا ہے بلکہ دنیا بھر میں آٹو انڈسٹری زد پر ہے۔ کئی آٹومیکرز یا تو اپنے آپریشنز معطل کر چکے ہیں یا ایسا کرنے کے عمل سے گزر رہے ہیں۔
وائرس چین کے شہر ووہان سے پھیلا تھا اور اب تک دنیا کے مختلف حصوں میں 4,00,000 سے زیادہ افراد کو متاثر کر چکا ہے۔ اس وائرس سے اب تک 18,000 سے زیادہ اموات ہو چکی ہیں۔ ایران، افغانستان، اٹلی، برازیل، جنوبی کوریا، ناروے اور مشرق وسطیٰ کے چند حصوں کے علاوہ دیگر ممالک میں بھی کروناوائرس کے مثبت کیس سامنے آ چکے ہیں۔
پاکستان میں آٹوموٹو سیکٹر کی مزید خبروں کے لیے آتے رہیے اور اپنے خیالات نیجے تبصروں میں پیش کیجیے۔
