ایم جی ایچ ایس بمقابلہ ٹوسان بمقابلہ اسپورٹیج – ایک کمپیریزن

اپنے قارئین کی بڑھتی ہوئی ڈیمانڈ کی وجہ سے پاک ویلز ہیونڈائی ٹوسان، کِیا اسپورٹیج اور آنے والی گاڑی MG HS کے درمیان ایک مختصر سا کمپیریزن لایا ہے۔ حال ہی میں MG HS نے لوکل مارکیٹ میں کافی ہلچل پیدا کی ہے، جب مختلف میڈیا اداروں نے دعویٰ کیا کہ MG نے HS کے 10,000 یونٹس بک کروائے ہیں۔ لیکن یہ خبریں غلط ہیں، اور پاک ویلز نے اسے باقاعدہ تحقیق کے بعد غلط ثابت کیا ہے۔

MGکی گاڑی بلاشبہ پاکستان کے SUV سیگمنٹ میں ایک زبردست اضافہ ہوگا، جو اس وقت لوکل مارکیٹ میں سب سے نمایاں ہے۔ اسپورٹیج اور ہیونڈائی پچھلے چند مہینوں سے ریکارڈ سیلز کر رہے ہیں، جو صارفین کے رحجان کو ظاہر کرتا ہے۔ اس لیے کئی قارئین نے ہم سے ان تین گاڑیوں کا کمپیریزن کرنے کا مطالبہ کیا تھا۔

قیمت – MG HS بمقابلہ ٹوسان بمقابلہ اسپورٹیج

خبروں کےمطابق MG HS کی قیمت 55 لاکھ روپے ہوگی۔ جبکہ ٹوسان Ultimate کی قیمت 56 لاکھ ہوتی ہے اور کِیا اسپورٹیج آل ویل ڈرائیو (AWD) 54لاکھ روپے کی ہے۔ یہ بات قابلِ ذکر ہے کہ Ultimate اور AWD ٹوسان اور اسپورٹیج کے ٹاپ آف دی لائن ویرینٹ ہیں۔

یہ ظاہر کرتا ہے کہ تینوں گاڑیاں ایک ہی پرائس رینج کی ہیں؛ البتہ MG HS اس رینج میں فرنٹ ویل ڈرائیو (FWD) ہے، جبکہ ٹوسان اور اسپورٹیج AWD۔

انجن:

MG HS ایک 1500cc کا ٹربوچارجڈ انجن پیش کرتا ہے، جو 160hp اور 250Nm ٹارک پیدا کرتا ہے۔ دوسری جانب ٹوسان اور اسپورٹیج 2000cc کے نیچرلی ایسپائریٹڈ انجن کے ساتھ آتی ہے جو 155hp اور 196Nm ٹارک پیدا کرتا ہے۔

کروز کنٹرول:

اسپورٹیج اور ہیونڈائی روایتی کروز کنٹرول کے ساتھ آتی ہیں، جبکہ MG نے اپنی SUV میں ایڈاپٹو کروز کنٹرول لگایا ہے۔ اس کا مطلب ہے کہ HS میں کروز کنٹرول سڑک پر موجود ٹریفک کے لحاظ سے اپنی رفتار ایڈجسٹ کرتا ہے۔

رین سینسرز – MG HS بمقابلہ ٹوسان بمقابلہ اسپورٹیج:

کیا اسپورٹیج اور MG HS رین سینسرز کے ساتھ آتی ہیں؛ جبکہ ہیونڈائی ٹوسان میں یہ فیچر نہیں ہے۔

اینٹی-کولیژن وارننگ سسٹم:

MG نے اپنی SUV میں اینٹی-کولیژن وارننگ سسٹم لگا رکھا ہے، جس میں اگر کوئی چیز اچانک گاڑی کے سامنے آجائے تو وہ خودکار طور پر رک جاتی ہے۔ اسپورٹیج اور ٹوسان میں یہ فیچر نہیں ہے۔

کیمرے:

ٹوسان اور اسپورٹیج صرف ریئر کیمرے کے ساتھ آتی ہیں، جبکہ MG نے HS میں 360 ڈگری کیمرے لگا رکھے ہیں، جوگاڑی کی تمام سائیڈز کا منظر پیش کرتے ہیں۔ یہ فیچر لین چینج اور پارکنگ کے لیے بہترین ہے۔

لین اسسٹ سسٹم – MG HS بمقابلہ ٹوسان بمقابلہ اسپورٹیج:

اس کے علاوہ MG نےHS میں لین اسسٹ سسٹم لگا رکھا ہے، جس کا مطلب ہے کہ اگر کوئی دوسری گاڑی بھی لین تبدیل کر رہی ہوگی تو یہ گاڑی آپ کو خبردار کرے گی۔ دوسری جانب اسپورٹیج اور ٹوسان میں یہ آپشن نہیں ہے۔

فرنٹ سیٹس:

ہیونڈائی اور کِیا نے اپنی SUV میں الیکٹرک سیٹس لگا رکھی ہیں جبکہ MG کی گاڑی الیکٹرک اور ہیٹڈ سیٹس کے ساتھ آتی ہے، جو انہیں زیادہ آرام دہ بناتی ہے۔

سیفٹی – MG HS بمقابلہ ٹوسان بمقابلہ اسپورٹیج:

اسپورٹیج اور ٹوسان 2،2 ایئربیگز کے ساتھ آتی ہیں، جبکہ MG نے اپنی SUV میں 6 ایئربیگز انسٹال کر رکھے ہیں۔

پیڈل شفٹرز:

MG کی SUV میں پیڈل شفٹرز بھی ہیں، جو ڈرائیو کو آرام دہ بناتے ہیں۔ لیکن اسپورٹیج اور ٹوسان میں یہ فیچر نہیں ہے۔

انٹیریئر کلر آپشنز:

خبروں کے مطابق MG اپنی گاڑی میں انٹیریئر کے تین رنگ  پیش کرے گا۔ دوسری جانب ٹوسان اور اسپورٹیج رنگ کے صرف ایک آپشن کے ساتھ آتی ہیں۔