ہنڈا نے بائکس کی قیمت میں ایک بار پھر اضافہ کر دیا

یاماہا کے بعد ہنڈا نے بھی بائکس کی قیمت میں 6500 روپے تک کا اضافہ کر دیا ہے۔ ہنڈا ڈیلرز کے مطابق یکم اکتوبر 2021 سے قیمتوں کا اطلاق کیا جائے گا۔

نئی قیمتیں

ہنڈا کی سب سے مشہور CD70 کی قیمت میں 4000 روپے اضافہ کر دیا گیا ہے جس کے بعد اس کی قیمت 86900 سے بڑھ کر 90900 روپے کر دی گئی ہے۔ اسی طرح CD-70 ڈریم کی قیمت میں بھی 4000 روپے اضافہ کیا گیا ہے جس کے بعد بائک کی قیمت 93500 روپے سے بڑھ کر 97500 روپے کر دی گئی ہے۔

ہنڈا پرائڈر کی قیمت 5000 ہزار روپے اضافے کے بعد 120500 روپے سے بڑھ کر 125500 روپے ہو گئی ہے۔ اسی طرح ہنڈا کی دوسری سب سے مشہور بائک CG 125 کی قیمت 142500 روپے سے بڑھا کر 147500 روپے کر دی گئی ہے یعنی CG 125 کی قیمت میں 5000 روپے اضافہ کیا گیا ہے۔

کمپنی نے ہنڈا CG-125 SE کی قیمت میں 6500 روپے اضافہ کیا ہے جس کے بعد گاڑی کی قیمت 170500 روپے سے بڑھ کر 177000 روپے کر دی گئی ہے۔ اسی طرح ہنڈا CB-125F کی قیمت میں بھی 6500 روپے اضافہ کیا ہے جس کے بعد بائک کی قیمت 205500 روپے سے بڑھ کر 212000 روپے ہو گئی ہے۔ ہںڈا  CB-150Fکی قیمت 260500 روپے سے بڑھ کر 267000 روپے ہو گئی ہے یعنی CB-150F کی قیمت میں 6500 روپے اضافہ کیا گیا ہے۔

ہنڈا CB 15F SE کی قیمت میں 6500 روپے اضافہ سامنے آیا ہے جس کے بعد بائک کی نئی قیمت 271000 روپے ہوگئی ہے جبکہ پرانی قیمت 264000 روپے ہو گئی ہے۔

قیمتوں میں بار بار اضافہ

گزشتہ دو ماہ میں کمپنی کی جانب سے قیمتوں میں یہ دوسرا اضافہ ہے۔ ہنڈا اور یاماہا دونوں کمپنیز پچھلے کئی ماہ سے بار بار اپنی موٹر سائیکل کی قیمتوں میں اضافہ کر رہی ہیں جبکہ ان اضافوں کی کوئی وجہ پیش نہیں کی ہے۔ اگرچہ حکومت نے گاڑیوں کے برعکس بائکس کے لیے کوئی مراعات کا اعلان نہیں کیا ہے لیکن ہم اب بھی یہ سمجھتے ہیں کہ دونوں کمپنیز بار بار قیمتیں بڑھانا بجائز نہیں ہے۔

قیمتوں میں بار بار اضافے کے بارے میں آپ کا کیا خیال ہے؟ نیچے دئیے گئے کمنٹ سیکشن میں اپنے خیالات کا اظہار کریں۔