کیا آپ جانتے ہیں کہ میں پچھلے کئی دنوں سے کس گاڑی کا شدت سے منتظر تھا؟ نہیں نہیں، پورشے 911 جی ٹی 3 آر کا تو مجھے بالکل بھی انتظار نہ تھا۔ میں تو سوزوکی کلٹس کے لمیٹڈ ایڈیشن کے لیے بے چین تھا جو کل شورومز میں آ ہی گئی۔اور وہ بھی صرف 55 ہزار روپے اضافی قیمت میں!
سوزوکی کلٹس کے لمیٹڈ ایڈیشن کی خصوصیات درج ذیل ہیں:
آلائے رمز – جی ہاں، بالکل ویسے ہی جیسے VXL میں پہلے ہی پیش کیے جا رہے تھے۔
ڈِن آڈیو سسٹم
گاڑی کے رنگ سے مشابہ سائیڈ مررز
گاڑی کے رنگ سے مشابہ ربڑ اسٹرپس (؟)
اندرونی حصوے میں بہتر نشستوں کے متعلق بھی سنا ہے لیکن اس کی تصاویر ہمیں نہیں مل سکیں۔ اس کی نئی قیمت 10,99,000 روپے ہے یعنی پرانی قیمت 10,44,000 میں صرف 55 ہزار روپے کا اضافہ کیا گیا ہے۔
اگر موجودہ سوزوکی کلٹس کو آپ عام مارکیٹ میں لے جائیں اور اوپر بیان کردہ “خصوصیات” گاڑی میں شامل کروائیں تو شاید آپ کے 20 ہزارو روپے بھی خرچ نہ ہوں گے۔ سب سے زیادہ خرچہ شاید نئے آڈیو سسٹم پر آئے گا لیکن مجھے پورا یقین ہے کہ سوزوکی نے اس کے لیے چینی برانڈ ہی استعمال کیا ہوگا۔
پاکستان میں تیار ہونے والے اس “لمیٹڈ ایڈیشن” نے پوری دنیا کو حیرت میں مبتلا کردیا ہوگا۔ بلکہ یہ کہنا زیادہ ہوگا کہ آج دنیا کے تمام کار ساز ادارے “لمیٹڈ ایڈیشن” کے نام سے ہونے والی زیادتی پر افسوس کر رہے ہوں گے۔ یہ بات ہماری سمجھ سے باہر ہے کہ سوزوکی کے برانڈ منیجر اپنے ادارے کو کس جگہ پہنچانا چاہتے ہیں۔ یہ جانتے بوجھتے بھی کہ عوام میں سوزوکی کی مقبولیت کس مقام پر کھڑی ہے۔
دنیا بھر میں ‘لمیٹڈ ایڈیشن’ کے عنوان سے پیش کی جانے والی گاڑیوں کی چند مثالیں ملاحظہ کیجیے۔ یہ مثالیں ایرے غیرے کار ساز ادارے کی نہیں بلکہ خود سوزوکی ہی کی ہیں:
بھارت میں ماروتی سوزوکی وولٹ کا ایڈیشن
جرمنی میں سوزوکی سِوفٹ X-ITE کا دلچسپ ایڈیشن
انڈونیشیا میں سوزوکی ویگن آر کا خصوصی ایڈیشن
ملائیشیا میں پیش کی گئی سوزوکی ویگن آر کریسٹ
بھارت میں ماروتی سوزوکی ویگن آر ‘کریسٹ’ کی آمد
اور آخر میں جرمنی میں سِوفٹ اسپورٹ اسپیشل 30 ایڈیشن
سوزوکی ویگن آر اور سوزوکی کلٹس کے درمیان قیمت کا انتہائی کم فرق ہمیشہ زیر بحث رہا ہے۔ اور اب نئی کلٹس کی قیمت میں 50 ہزار روپے اضافے سے یہ فرق بھی بڑھ کر 90 ہزارو روپے ہوجائے گا۔
ماضی میں دیکھا گیا کہ ہمیشہ عام عوام ہی سوزوکی کے معیار پر اعتراض کیا کرتے تھے لیکن اب سوزوکی کے اپنے ڈیلر موجودہ صورتحال سے انتہائی ناخوش نظر آتے ہیں اور برملا سوزوکی کی محدود سوچ اور غیر معیاری سروس کا رونا روتے ہیں۔میرے ایک دوست نے حال ہی میں ڈائی ہاٹسو موو (Daihatsu Move) خریدی جس کی قیمت ساڑھے 6 لاکھ روپے ہے۔ ایک حادثے کے باوجود میرا دوست اپنی گاڑی سے بالکل مطمئن ہے۔ اس گاڑی میں پچھلی نشستوں کو آگے اور پیچھے کرنے کی بھی سہولت موجود ہے۔
ہمیں اپنے باخبر ذرائع سے علم ہوا ہے کہ پاک سوزوکی نے کلٹس کی فروخت میں اضافے کی آخری کوشش کے طور پر یہ لمیٹڈ ایڈیشن پیش کیا ہے۔ اب سے چند ماہ قبل سوزوکی نے اعلان کیا تھا کہ وہ سال 2016 میں کلٹس کی جگہ سوزوکی سلیریو پیش کرے گا تاہم یہ منصوبہ کچھ تاخیر کا شکار ہے اور اب سلیریو 2017 میں پیش کی جائے گی۔ اس کے علاوہ سوزوکی ایک 660 سی سی گاڑی بھی متعارف کروانے کی تیاریاں کر رہا ہے۔
