ہنڈا موٹر سائیکل کی قیمت میں ایک بار پھر اضافہ کردیا گیا ہے۔ گزشہ 4 ماہ میں یہ ہنڈا موٹر سائیکل کی قیمتوں میں یہ تیسری بار اضافہ کیا گیا ہے۔ نوٹیفکیشن کے مطابق قیمت میں 5 ہزار روپے کا اضافہ کیا گیا ہے۔ نئی قیمتوں کا اطلاق یکم جولائی سے ہو چکا ہے۔
نئی قیمتیں:
پاکستان میں سب سے زیادہ خریدی جانے والی ہنڈا CD 70 کی قیمت میں 2400 روپے کا اضافہ کیا گیا ہے جس کے بعد موٹرسائیکل کی نئی قیمت 86900 روپے ہو گئی ہے جبکہ پرانی قیمت 84500 روپے تھی۔ اسی طرح کمپنی نے ہنڈا CG 125 کی قیمت میں 3000 روپے کا اضافہ کیا ہے جس کے بعد موٹرسائیکل کی نئی قیمت 142500 روپے ہوگئی جبکہ پرانی قیمت 139500 تھی۔
ہنڈا CD 70 ڈریم کی قیمت میں 3000 روپے کا اضافہ کرتے ہوئے، موٹر سائیکل کی قیمت 90500 روپے سے بڑھا کر 93500 روپے کر دی گئی ہے۔ اس کے علاوہ پرائیڈر کی قیمت میں 2500 روپے اضافہ کیا گیا جس کے بعد موٹرسائیکل کی نئی قیمت 120000 روپے ہو گئی ہے۔ پرائیڈر کی پرانی قیمت 117500 تھی۔
CG 125S کی قیمت میں بھی 3000 روپے کا اضافہ کیا گیا ہے جس کے بعد موٹرسائیکل کی نئی قیمت 170500 روپے ہو گئی ہے جبکہ پرانی قیمت 167500 روپے تھی۔ اسی طرح CB125F اور CB150F کی قیمتوں میں 5000 روپے کا اضافہ دیکھنے میں آیا ہے جس کے بعد CB150F کی قیمت 200,500 روپے سے بڑھ کر 205,500 روپے ہو گئی ہے جبکہ CB150F کی قیمت 260,500 روپے سے بڑھ کر 255500 روپے ہو گئی ہے۔
جیسا کہ ہم پہلے بتا چکے ہیں کہ اٹلس ہنڈا کی جانب سے بائیکس کی قیمتوں میں مسلسل اضافہ کیا جا رہا ہے لیکن کمپنی کی جناب سے کوئی تفصیل نہیں دی گئی کہ آخر چار ماہ میں تین بار قیمتیں بڑھانے کی وجہ کیا ہے۔ کار کمپنیوں نے آٹو پالیسی 2021-2026 کے بعد قیمتوں میں کمی کر دی ہے۔ نئی پالیسی کے تحت حکومت نے کاروں پر مختلف ٹیکس اور ڈیوٹی کو ختم یا کم کردیا ہے۔ تاہم وفاقی حکومت نے موٹر سائیکل انڈسٹری کے لئے کسی مراعات یا ٹیکس میں کمی کا اعلان نہیں کیا ہے۔ لہذا امید کی جاتی ہے کہ بائیکس کی قیمتوں میں کسی بھی وضاحت کے بغیر اضافہ نظر آتا رہے گا۔
بائیکس کی قیمتوں میں اضافے کے بارے میں آپ کی کیا رائے ہے؟ نیچے دئیے گئے کمنٹ سیکشن میں اپنے رائے کا اظہار کریں۔
