ہنڈا بائکس کی قیمتوں میں ایک بار پھر اضافہ

ہنڈا اٹلس نے اپنی روایت کو برقرار رکھتے ہوئے ایک بار پھر اپنی بائکس کی قیمتوں میں اضافہ کر دیا ہے۔ نوٹیفکیشن کے مطابق کمپنی کی تمام بائکس کی قیمتوں میں اضافہ کیا گیا ہے۔ بائکس کی نئی قیمتیں یہ ہیں۔

ہنڈا بائکس کی نئی قیمتیں

کمپنی کی سب سے مشہور بائک ہنڈا سی ڈی 70  کی قیمت میں 4000 روپے کا اضافہ کیا گیا ہے جس کے بعد بائک کی نئی قیمت 90900 روپے ہو چکی ہے جبکہ پرانی قیمت 94900 روپے تھی۔  اسی طرح سی ڈی 70 ڈریم کی قیمت میں بھی 4000 ہزار روپے کا اضافہ کیا گیا جس کے بعد بائک کی قیمت 97000 روپے سے بڑھ کر 101500 روپے ہو چکی ہے۔ ہنڈا پرائیڈر کی قیمت میں بھی 5000 روپے اضافے کے بعد نئی 130500 روپے مقرر کی گئی ہے جبکہ پرانی قیمت 125500 روپے تھی۔

ہنڈا سی جی 125 کی قیمت 147000 روپے سے بڑھ کر 152000 روپے ہو گئی ہے۔ یعنی اس بائک کی قیمت میں بھی 5000 ہزار روپے اضافہ کیا گیا ہے۔ اسی طرح ہنڈا سی جی 125 ایس ای کی کی قیمت میں بھی 5000 روپے اضافہ کیا گیا ہے جس کے بعد بائک کی قیمت 177000 روپے سے بڑھ کر 182000 روپے ہو چکی ہے۔

ہنڈا سی بی 125 ایف کی قیمت میں 6000 روپے اضافہ دیکھا گیا ہے جس کے بعد بائک کی قیمت 218500 روپے ہو چکی ہے جبکہ پرانی قیمت 212000 روپے تھی۔

ہنڈا سی بی 150 ایف کی نئی قیمت 273000 روپے مقرر کی گئی ہے جبکہ پرانی قیمت 267000 روپے تھی  یعنی اس بائک کی قیمت میں بھی 6500 روپے اضافہ کیا گیا ہے۔

ہنڈا سی بی 150ایف کی قیمت میں بھی 6500 روپے اضافہ کیا گیا ہے جس کے بعد بائک کی قیمت 271000 روپے سے بڑھ کر 277500 روپے ہو گئی ہے۔

قیمتوں میں مسلسل اضافہ

بائکس کمپنیز مسلسل قیمتوں میں اضافہ کر رہی ہیں اور دلچسپ بات یہ ہے کہ اس کی کوئی معقول وجہ بھی نہیں بتائی گئی۔ بائکس کی قیمتوں میں اضافہ عام لوگوں کی قوت خرید کو متاثر کرے گا کیونکہ موٹر سائیکل عام لوگوں کی سواری ہے۔ حکومت کو قیمتوں میں اضافے کا نوٹس لینے کی ضرورت ہے تاکہ شہریوں کو ریلیف دیا جا سکے۔