اونر ریوئیوز کی اس سیریز میں مشہور یوٹیوبر علی کی ٹویوٹا یارس کا اونر ریوئیو کریں گے۔ جس میں ان سے تفصیل سے پوچھیں گے کہ یارس کے بارے میں ان کا تجربہ کیسا رہا۔
ٹویوٹا یارس کو 2020 میں لانچ کیا گیا تھا اور یہ یارس کا ٹاپ ویرینٹ Ativ X 1.5 ہے۔ گاڑی میں 4 سلنڈر 1.5 لیٹر انجن دیا گیا ہے جو 106 ہارس پاور اور 140 Nm ٹارک پیدا کرتا ہے۔ اس کے علاوہ گاڑی میں 7 سپیڈ CVT ٹرانسمشن دی گئی آتا جبکہ 5 سپیڈ مینوئل کیساتھ ایک دوسرا ویریںٹ بھی پیش کیا جاتا ہے۔
نمایاں خصوصیات
یہ ٹاپ آف دی لائن یارس میں بیت سے فیچرز دئیے گئے ہیں۔ جن میں ڈیجیٹل کلائمیٹ کنٹرول، ملٹی میڈیا سٹیئرنگ، پش سٹارٹ، سمارٹ انٹری، الائے رِمز، ملٹی انفارمیشن ڈسپلے جیسے فیچرز شامل ہیں۔ جنھیں اونر کافی پسند کرتا ہے۔ سیفٹی فیچرز میں 2 ایئر بیگز، ٹریکشن کنٹرول، ہِل سٹارٹ اسسٹ، ABS بریک اور اِموبائلائزر وغیرہ شامل ہیں۔
انٹیرئیر سپیس
اونر کے مطابق فرنٹ پیسنجرز کیلئے لیگ روم کافی ہے لیکن پیچھے بیٹھنے والے مسافروں کیلئے لیگ روم معمولی ہے۔ اس کے علاوہ گاڑی میں ہیڈ روم بھی اچھا ہے۔ تاہم، مجموعی جگہ کرولا سے کم ہے۔
سسپنشن
اونر کے مطابق گاڑی کی سسپنشن کافی متاثر کُن ہے۔ اونر نے مزید کہا کہ یارس کی سسپنشن ہنڈا سے بھی اچھی ہے۔ یہ کافی پرسکون ہے اور سڑک پر گڑھے ہونے کی صورت میں اسکی کارکردگی کافی بہتر نظر آتی ہے جو کہ گجرانوالہ کی سڑکوں کے لیے مثالی ہے۔
بریکنگ
یارس میں ڈسک بریک اور اینٹی لاک بریکنگ سسٹم دیا گیا ہے اور اونر کے مطابق گاڑی کا بریک سسٹم کافی اچھا ہے۔ خیال رہے کہ یارس کی بریک کرولا کے مقابلے میں کچھ کم ہیں۔
فیول ایوریج
اونر گاڑی کی فیول ایوریج سے مکمل طور پر آگاہ نہیں ہے لیکن MID ڈسپلے کے مطابق گاڑی کی شہر اوسط فیول ایوریج 14 کلومیٹر فی لیٹر ہے جو بہت متاثر کن ہے۔ تاہم، یہ تخمینہ ڈرائیونگ کنڈیشن کے مطابق مختلف بھی ہو سکتا ہے۔
اونر کا موقف
یارِس کو خریدنے کی سب سے بڑی وجہ اس کے کچھ فیچرز، AC کی اچھی کارکردگی اور سب سے اہم اس کی آرام دہ سسپنشن تھی۔ اونر کار سے مطمئن ہے اور اسے لگتا ہے کہ یہ ایک بہترین اور قابل اعتماد سیڈان ہے جس میں سفر کرنا آرام دہ ہے۔
