آئے روز ہمارے ایدیٹوریل میں کسی نہ کسی نئی کراس اوور یا ایس یو وی کا ذکر نظر آتا ہے۔ پچھلے چند سالوں سے آٹو کمپنیز کی جانب سے یکے بعد دیگرے ایس یو ویز لانچ کی جا رہی ہیں لیکن کچھ ماڈلز ایسے بھی ہیں جن کا معیار اور تاریخ ہی الگ ہے اور یہ خاصیت اِن کو دیگر ایس یو ویز پر ممتاز کرتی ہے۔ لینڈ کروزر کا شمار بھی انہی ایس یو ویز میں ہوتا ہے جو 1951 میں چیسی کوڈ JB کے پہلی سامنے آئی۔

دلچسپ بات یہ ہے کہ اوائل میں اس کا نام Toyota Jeep BJ کا نام دیا گیا تھا اور یہ گاڑی کورین جنگ میں ملٹری کی جانب سے بھی استعمال کی گئی تھی لیکن 1954 میں اس کا نام تبدیل کر کے لینڈ کروزر رکھ دیا گیا۔ اس کی وجہ یہ تھی کہ امریکی برانڈ وِلی لفظ “JEEP” کے قانونی حقوق اور ٹریڈ مارک کی اونرشپ رکھتا تھا۔

1950 سے لے کر اب تک ٹویوٹا کمپنی لیںڈ کروزر کی ڈیلوپمنٹ اور بہتری پر کام کرتی آئی ہے جس کی وجہ سے نہ صرف عالمی سطح پر کافی داد ملی ہے بلکہ اسے نجی اور تجارتی مقاصد کیلئے بھی استعمال کیا جاتا ہے۔

حالیہ جنریشن جسے عام طور پر L200 Series کہا جسے کہا جاتا ہے، کو 2007 میں لانچ کیا گیا جس کے بعد 14 سال کے اندر اس ماڈل کو بہت سی کامیابیاں حاصل ہوئیں۔ کمپنی کے مطابق مذکورہ ایس یو وی کے اب تک 170 ممالک میں 10.4 ملین یونٹس بیچے جا چکے ہیں۔

نئی L300/J300

کافی عرصے سے روڈز پر نظر آنے والی L200 ایک اچھی گاڑی ہے لیکن ٹویوٹا کمپنی پچھلے کئی سالوں سے اس کا متبادل J300 لانے کی تیاری کر رہی تھی۔ حال ہی میں لیک کی جانے والی تصاویر سے ظاہر ہو چکا تھا کہ کمپنی لینڈ کروزر کا نیا ماڈل جاری کرنے والی ہے اور گزشتہ ہفتے کمپنی نے اعلان کیا کہ لینڈ کروزر کا نیا ماڈل 9 جون کو سامنے لایا جائے گا۔ جیسا کہ ہم جانتے ہیں کہ مشرق وسطی کے ممالک میں لینڈ کروزر کو بہت زیادہ پسند کیا جاتا ہے تو نئے ماڈل کی رونمائی کی تقریب دبئی میں ہی ہوگی۔

 

گاڑی کی باڈی کی ساخت

لینڈ کروزر دنیا کی سب سے زیادہ قابل اعتبار فور وہیلر ایس یو وی ہے جس کا نیا ماڈل نئے ٹویوٹا گلوبل آرکیٹیکچر اور خاص طور پر GA-Fپر مبنی ہے جو کہ ایس یو ویز اور پک اپ ٹرکس کیلئے ڈیزائن کیا جاتا ہے۔ اس کی نئی چیسی کا وزن گزشتہ جنریشن کی نسبت 200 کلوگرام سے کم اور پائیدار بھی ہے۔

کمپنی کے مطابق، اسکے ڈیلوپمنٹ فیز کے دوران ڈاکار ریلی کے بہت سے ڈرائیورز نے اِن پُٹ فراہم کیا جس کے اس کو  حتمی شکل دی گئی۔

نئے آنے والے ماڈل کی پیمائش کی بات کی جائے تو یہ 196.5 انچ لمبی اور 78 انچ چوڑی ہے جبکہ اس کی وہیل بیس 112.2 انچ ہے۔

کمپنی کا کہنا ہے کہ 112.2 کی وہیل بیس 1990 سے اس کی آف روڈ گاڑیوں کیئے بہترین پیمائش ہے۔ نئے ماڈل کو بنانے میں کمپنی کی جانب سے صارفین کو معلوم عام لینڈ کروزر کی صلاحیتوں پر سمجھوتہ نہیں کیا گیا ہے۔

ایکسٹیرئیر

چونکہ نئے آنے والے لینڈ کروز کے اس ماڈل کا آرکیٹیکچرل ڈیزائن بالکل نیا اور جدید ہے، اس لیے اس کے ایکسٹرئیر میں بہت سے نئے عنصر دیکھنے کو ملتے ہیں۔ یہ آج کل کی ایس یو ویز سے ذرا مختلف ہوتے ہوئے باکس کی شکل میں نظر آتی ہے جو اس کی ایروڈائنامکس میں مزید بہتری لاتی ہے۔

نئے ماڈل کی بڑی اور چوڑی فرنٹ سلیٹڈ گرِل گاڑی کو جدید شکل دیتی ہے۔ LED DRLs کے ساتھ جڑی گاڑی کی LED لائٹس اس کی گرِل میں ضم ںظر آتی ہیں۔ کمپنی کا کہنا ہے کہ لینڈ کروزر کی ہیڈ لائٹس اور بمپر اس طرح ڈیزائن کی گئی ہیں کہ آف روڈ ڈرائیور کیے جانے پر بھی گاڑی کی ہیڈ لائٹس اور بمپر کسی بھی نقصان سے دور رہیں گے۔

سائیڈ مررز کی بات کی جائے تو ان کو ڈور پینلز پر منتقل کردیا گیا ہے۔ اسکے علاوہ گاڑی کے فینڈرز میں بھی ایک ابھار دیکھنے کو ملتا ہے۔ ٹویوٹا LC 300 کا GR Sport Version بھی جاری کرے گا جس کا فرنٹ بمپر،  بلیک گرِل،فینڈر، فرنٹ سکِڈ پلیٹ، بلیک آؤٹ سائیڈ ویو مررز دیکھنے میں اپنی مثال آپ ہوں گے۔

انٹیرئیر

لینڈ کروزر کے نئے ماڈل کا ایکسٹیرئیر پچھلے ماڈل سے کچھ زیادہ مختلف نظر نہیں آتا لیکن اس کا انٹیرئیر نئے ڈیش بورڈ کے ساتھ انتہائی جدید معلوم ہوتا ہے۔ ٹویوٹا نے انتہائی اعلی اور جدید انٹیرئیر ڈیزائن کیا ہے لیکن اس دوران اس بات کا بھی خوب خیال رکھا ہے کہ یہ ایک آف روڈ وہیکل ہے۔ یہی وجہ ہے آپ کو اس کے انٹیرئیر میں ٹچ سکرین اور ٹچ سینسٹیو کنٹرول کی بجائے بڑے سائز کے فزیکل بٹن دیکھنے کو ملیں گے۔

گاڑی میں انفوٹینمنٹ کیلئے 9 انچ کا ایک فلوٹنگ ٹیبلٹ بھی دیا گیا ہے۔ اس کے علاوہ ایپل کار پلے اور اینڈرائیڈ آٹو اور سب ووفر پر مشتمل ایک آپشنل JBL Premium آڈیو سسٹم کے علاوہ آپشنل رئیر- سیٹ میڈیا ڈسپلیز بھی دستیاب ہوں گے۔

یہاں آپ کو نیا سنٹرل کنسول، 4-Zone Climate کنٹرول کیساتھ سیٹس کا نیا ڈیزائن بھی دیکھنے کو ملے گا۔ پرانے ماڈلز میں تھرڈ row سائیڈز اور اوپر کی طرف ہو فولڈ جاتی تھی لیکن نئے ماڈل میں اس کو فلور میں ڈالا جا سکتا ہے۔ جس سے مزید گاڑی میں مزید جگہ بنائی جا سکتی ہے۔

گاڑی کے انٹیر ئیر کے چند دیگر فیچرز مندرجہ ذیل ہیں۔

• ہیٹڈ اینڈ وینٹیلیٹڈ سیٹس
• کلر ہیڈز اب ڈسپلے
• وائرلیس چارجر
• پاور ٹیل گیٹ
• 360 ویو سراؤنڈ کیمرہ

پاور اور دیگر مکینکس

لینڈ کروزر کا نام سنتے ہی ہمارے ذہن میں ایک بڑا V8 انجن آتا ہے لیکن اس نئے ماڈل میں اس انجن کو خیر آباد کہتے ہوئے ٹربوچارجڈ انجن کو متعارف کروایا گیا ہے۔ جس کے ذریعے فیول اکنامی اور خطرناک گیسوں کے اخراج کا خاص خیال رکھا گیا ہے۔

لانچ کے وقت اس ماڈل میں دو انجنز دستیاب ہوں گے۔ جن میں ایک 3500 سی سی/V35A-FTS Twin Turbo V6 petrol انجن ہوگا جو 409 ہارس پاور کے ساتھ 650Nm ٹارک پیدا کرے گا جبکہ دوسرا 3.3L / F33A-FTV Twi-Turbo V6 انجن ہوگا جو 304 ہارس پاور کے ساتھ 700Nm ٹارک پیدا کرے گا۔

دونوں پیٹرول اور ڈیزل انجن کی کارکردگی میں بہتری کیلئے کافی کام کیا گیا ہے۔ لینڈ کروزرکے تمام ویرینٹس میں 4 وہیل ڈرائیو سمیت 10 سپیڈ آٹو میٹک ٹرانسمشن کا آپشن بھی دیا جائے گا۔

ٹویوٹا نیچرلی ایسپائریٹڈ V6 اور ممکنہ طور پر 4L / 1GR-FE V6 مارکیٹ میں آفر کرے گا۔ اس کے علاوہ یہ بھی قیاس آرائیاں ہیں کہ آنے والے دنوں میں Hybrid V6 variant بھی دیکھنے کو مل سکتا ہے لیکن اسکی کوئی مصدقہ خبر موصول نہیں ہوئی۔

لینڈ کروزر کے آنے والے نئے ماڈل میں شاک ایبزاربر اور سسپنشن سسٹم کو بہتر کرتے ہوئے نہ صرف اس کی رئیر جیومیٹری بلکہ اگلے اور پچھلے پہیوں پر وزن کی تقسیم کا بھی خاص خیال رکھا گیا ہے۔ اس کے علاوہ سنٹر آف گریویٹی کو بھی نیچے منتقل کیا گیا ہے۔ اگلے اور پچھلے پہیوں پر وزن کا تناسب 53.5% اور46.5% رکھا گیا ہے۔ لینڈ کروزر میں بہتر اور اپ گریڈڈ (E-KDSS) سسپنشن سسٹم بھی دیا گیا ہے۔

دوسری جانب لینڈ کروزر میں ٹریکشن سپورٹ سسٹم بھی دیا جاتا ہے جو بریک اور انجن کو خودکار طریقے سے کنٹرول کرتے ہوئے چاروں پہیوں کے درمیان ٹارک کو تقسیم کرنے کا کام کرتا ہے۔ مزید برآں کرال کنٹرول، ڈاؤن ہِل اسسٹ، ہِل سٹارٹ اسسٹ، ملٹی ٹیرین سلیکٹ اور ملٹی ٹیرین مانیٹر بھی اسی سسٹم کا حصہ ہیں۔

 

سیفٹی

ایس یو ویز اور دیگر گاڑیوں میں آںے والے سیفٹی سسٹمز کے علاوہ لینڈ کروزر میں ٹویوٹا سیفٹی سینس کا فیچر بھی متعارف کروایا گیا ہے جس میں لین ڈیپارچر الرٹ،آٹومیٹک ہائی بیم، لین ٹریسنگ اسسٹ اور روڈ سائن اسسٹ بھی اسی پیکیج میں شامل ہیں۔ اس کے علاوہ گاڑی میں نیاcollision avoidance feature بھی دیا گیا ہے جو گاڑی کو کسی بھی حادثے سے بچانے میں مدد کرتا ہے۔

کب لانچ ہوگی؟

ٹویوٹا نئی لینڈ کروزر حالیہ گرمیوں میں روس، آسٹریلیا، مشرق وسطی اور افریقی خطے میں لانچ کی جائے گی۔ قیمت کی بات کی جائے تو اب تک گاڑی کی کوئی ختمی قیمت نہیں سامنے لائی گئی۔ کمپنی نے شمال امریکی مارکیٹس میں لینڈ کروزر کی ترسیل بند کردی ہے کیونکہ وہاں کے صارفین ٹویوٹا کے پریمیم لکزس برانڈ اور لکزس LX ماڈل کو زیادہ پسند کرنے لگے ہیں۔