زبردست خبر – پاک ویلز نے یو آئی سی کے ساتھ کار انشورنس معاہدے پر دستخط کر دیے

0 2 065

ایک زبردست خبر یہ ہے کہ PakWheels.com نے پاک ویلرز کے لیے یونائیٹڈ انشورنس کمپنی (UIC) کے ساتھ ایک کار انشورنس معاہدے پر دستخط کر دیے ہیں۔ معاہدے کے تحت ہم اپنے صارفین کو انشورنس سروسز پیش کریں گے۔ پاک ویلز ویب سائٹ کے ایڈ ڈیٹیل پیج پر ایک اسپیشل ٹیگ پوسٹ کرے گا، یوں آپ کے لیے یہ سروس استعمال کرنا آسان ہوگا۔

یونائیٹڈ انشورنس کمپنی:

‏UIC پاکستان کی چوتھی سب سے بڑی انشورنس کمپنی ہے، جو 1959ء سے اپنی خدمات پیش کر رہی ہے۔ اپنی بھروسہ مندی اور صارفین کے بھروسے کی بدولت یہ کمپنی اب بھی کامیابی کے ساتھ کام کر رہی ہے۔ کمپنی کی ویب سائٹ کے مطابق یہ پاکستان کے شمالی علاقے میں 10 شاخوں کے ذریعے کام کر رہی ہے۔

اس کے علاوہ پاکستان کریڈٹ ریٹنگ ایجنسی (PACRA) 2020 کے لیے کمپنی کی ‘AA’ ریٹنگ کو برقرار رکھے ہوئے ہے جو «پالیسی ہولڈرز اور رابطوں کی ذمہ داریاں پوری کرنے کی بھرپور صلاحیت کو ظاہر کرتی ہے۔»

کار انشورنس کی اقسام اور فوائد:

اس کی کئی اقسام ہیں کیونکہ ہر قسم مختلف صورت حال اور واقعات کا احاطہ کرتی ہے۔ آپ اپنے بجٹ اور ضروریات کے حساب سے کسی کا انتخاب کر سکتے ہیں۔

کمپری ہینسو کار انشورنس

جیسا کہ نام سے ظاہر ہے کہ یہ قسم سب کا احاطہ کرتی ہے۔ آپ (ڈرائیور)، آپ کی گاڑی اور حادثے کی صورت میں کسی دوسرے کو پہنچنے والا نقصان بھی۔ کمپری ہینسو کار انشورنس آپ کو ہر قسم کے حالات، حادثات، چوری، لوٹ مار، قدرتی آفات وغیرہ سے تحفظ فراہم کرتی ہے۔

کیا آپ کو سڑک پر حادثہ پیش آیا ہے؟ آپ کی کار انشورنس کمپنی آپ کی گاڑی کے علاوہ حادثے میں دوسری گاڑی کو پہنچنے والی نقصان کو بھی پورا کرے گی۔

کسی نے آپ کی گاڑی چوری کر لی ہے؟ کار انشورنس کمپنی آپ کو نئی گاڑی کی ادائیگی کرے گی۔

کیا آپ کی گاڑی میں آگ لگ گئی ہے؟ آپ کی کمپنی اس کی بحالی یا تبدیلی کے لیے ادائیگی کرے گی۔

یہ بہترین قسم کی انشورنس ہے، جو تمام گاڑیوں کے مالکان کو تجویز کی جاتی ہے۔

تھرڈ پارٹی لائیبلٹی کار انشورنس

یہ سڑکوں پر پیش آنے والے ایسے حادثات کے لیے ہے جو آپ کی غلطی سے ہوں۔ یہ ایسے حادثات میں دوسرے ڈرائیور کو پہنچنے والے نقصان کا احاطہ کرتا ہے۔ انشورنس کمپنی گاڑی کو پہنچنے والے نقصان، کسی کے زخمی ہونے یا دوسرے مسافر/ڈرائیور کی موت کی صورت میں ادائیگی کرے گی۔

موٹر وہیکل ایکٹ 1939 کے تحت تھرڈ پارٹی لائیبلٹی کار انشورنس تمام ڈرائیوروں کے لیے ضروری ہے۔ اگر نہیں تو ڈرائیور کو جرمانہ یا قید بھی ہو سکتی ہے۔

کولیژن انشورنس

کولیژن انشورنس ایسے حادثات کے لیے ہوتی ہے جہاں گاڑی کسی دوسری گاڑی یا چیز سے ٹکرا جائے، یا بدقسمتی سے آپ کی گاڑی خود الٹ جائے۔ یہ آپ کی گاڑی کو یا آپ اور آپ کے مسافروں کو پہنچنے والے جسمانی نقصان کا احاطہ کرتی ہے۔ موسمی حالات اور قدرتی آفات اس قسم کی انشورنس میں شامل نہیں۔

ڈرائیور کو کولیژن انشورنش کروانی چاہیے کیونکہ یہ آپ کی، آپ کی گاڑی اور آپ کے خاندان کا تحفظ کرتی ہے۔

پاکستان میں گاڑی کی انشورنس کی ضرورت کیوں؟

گاڑی کی انشورنس آپ کو، آپ کی گاڑی اور خاندان کو محفوظ کرتی ہے اور آپ کو ذہنی سکون دیتی ہے۔ یہ آپ کی گاڑی کو کسی حادثے، تصادم، آگ لگنے، چوری ہونے یا دیگر واقعات کی صورت میں پہنچنے والے نقصان، جسمانی طور پر زخمی ہونے یا کسی دوسرے شخص کو پہنچنے والے نقصان کے خلاف تحفظ فراہم کرتی ہے۔

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.