پاکستان میں آنے والی ایم جی موٹرز کی کاروں کی خصوصیات اور فیچرز

پاکستان میں آنے والی ایم جی موٹرز کی کاروں کی خصوصیات اور فیچرز

یہ خبریں بہت تیزی سے گردش کر رہی ہیں کہ MG موٹرز کی SUVs، HS اور ZS EV پاکستانی مارکیٹ میں آ رہی ہیں۔ مورس گیراجز (MG) موٹرز یوکے لمیٹڈ ایک برطانوی آٹوموٹو کمپنی ہے، جو اب شنگھائی میں قائم سرکاری آٹوموٹو کمپنی SAIC موٹر کی ملکیت ہے۔ رواں سال JW آٹو پارک کے مالک جاوید آفریدی نے پاکستان میں الیکٹرک گاڑیاں لانے کے لیے برطانوی کار میکر کے ساتھ مفاہمت کی یادداشت (MoU) پر دستخط کیے تھے۔

فیس بک پیج پر اپنی تازہ پوسٹ میں جاوید آفریدی نے MG HS اور اس کے الیکٹرک ویرینٹZS EV کی لانچ کی جانب اشارہ دیا ہے۔ اپنی پوسٹ میں انہوں نے دونوں SUVs کا پاکستان کی ٹاپ گاڑیوں کے ساتھ comparison کیا ہے۔ جاوید آفریدی MG موٹرز کی ان گاڑیاں کا بنیادی طور پر رفتار اور سیفٹی پہلوؤں سے تقابل کیا ہے۔

ایکسٹیریئر:

دونوں HS اور ZS EV ریئر پارکنگ سینسرز، LED ڈے ٹائم رننگ لائٹس، LED سینٹر بریک لائٹ اور بائی فنکشن پروجیکٹ ہیڈلائٹس کے ساتھ آتی ہیں۔ اس کے علاوہ یہ گاڑیاں ریئر اور فرنٹ ایرو وائپرز اور الیکٹریکلی ایڈجسٹ ایبل اور باڈی کلرڈ سائیڈ مررز رکھتی ہیں۔

HS SUV میں 18 انچ کے ڈائمنڈ کٹ الائے رِمز ہیں جبکہ ZS EV میں 17 انچ کے ہیں۔

MG موٹرز کی SUVs کا انٹیریئر:

MG کی SUVs میں ڈرائیور کے لیے 6-وے ایڈجسٹ ایبل سیٹس ہیں جبکہ مسافروں کی سیٹ 4-وے ایڈجسٹ ہے۔ اس کے علاوہ دونوں کاریں ہیٹڈ فرنٹ سیٹس رکھتی ہیں۔ ساتھ ساتھ HS لیدر سیٹس کے ساتھ آتی ہے جبکہ ZS EV میں فیبرک اور لیدر دونوں کا آپشن موجود ہے۔

HS SUV میں 10.1 انچ کا انفوٹینمنٹ سسٹم ہے، جبکہ ZS ایک 8-انچ کی اسکرین رکھتی ہے۔ دونوں سسٹمز ایپل کار پلے اور اینڈرائیڈ آٹو سے compatible ہیں۔ یہ دونوں ماڈلز بلوٹوتھ کنیکٹیوِٹی کے ساتھ ساتھ 4-اسپیکر اور 6-اسپیکر آڈیو سسٹمز کے آپشنز بھی رکھتے ہیں۔ اس کے علاوہ کمپنی نے دونوں ماڈلز میں ریئر پارکنگ کیمرے بھی لگائے ہیں۔

انجن اور پاور ٹرین:

HS ایک 1.5L GDI ٹربو-چارجڈ انجن کے ساتھ آتی ہے، جو 1,500 سے 4,000RPM پر زیادہ سے زیادہ 250NM کے ساتھ 160hp پیدا کرتا ہے۔ بین الاقوامی سطح پر یہ کار چار ویرینٹس میں آتی ہے اور 6-اسپیڈ مینوئل اور 7-اسپیڈ آٹو ٹرانسمیشنز سے لیس ہے۔

اس کے علاوہ ZS EV ایک 44.5kwh بیٹری کے ساتھ آتی ہے جو آٹو CVT ٹرانسمیشن کے ساتھ زیادہ سے زیادہ 350NM ٹارک اور 141hp پیدا کرتی ہے۔ کمپنی کے مطابق VS ایک مرتبہ چارج ہونے پر 262 کلومیٹرز تک چل سکتی ہے۔

MG موٹرز کی SUVs کی سیفٹی اور اہم فیچرز:

دونوں ماڈل چھ ایئربیگز کے ساتھ آتے ہیں جو انہیں ڈرائیونگ اور سفر کے لیے بہت محفوظ بنا رہے ہیں۔ اس کے علاوہ یہ کار الیکٹرانک اسٹیبلٹی پروگرام (ESP)، ہل اسسٹ، ٹائر پریشر مانیٹرنگ سسٹم، انجن اموبلائز اور اینٹی رولنگ پروٹیکشن رکھتی ہے۔

‏MG موٹرز کی SUVs کی قیمت:

ابھی تک ان گاڑیوں کی قیمت کا باضابطہ طور پر اعلان نہیں کیا گیا ہے۔ البتہ برطانیہ میں MG HS تقریباً 20,995 پاؤنڈز سے 23,495 پاؤنڈز (45 لاکھ سے 50 لاکھ پاکستانی روپے) کی پڑتی ہے۔ اس کے علاوہ ZS EV کی رینج 25,495 سے 27,995 برطانوی پاؤنڈز (54 لاکھ سے 60 لاکھ پاکستانی روپے) ہے۔ اگر MG موٹرز یہ کاریں ان قیمتوں پر پیش کرتا ہے تو یہ کِیا اسپورٹیج، ہیونڈائی ٹکسن، ہونڈا ویزل اور کرولا کراس کو سخت ٹکردیں گی۔