ہیونڈائی سوناٹا کی قیمت سامنے آگئی

ایک لمبے انتظار کے بعد ہیونڈائی سوناٹا کی قیمت کا اعلان کر دیا گیا ہے۔ اس سے قبل ہم آپ کو بتا چکے ہیں کہ پاکستان میں ہیونڈائی سوناٹا کے پاکستان می دو ویرینٹس لانچ کیے جائیں گے جن میں 2000 سی سی اور 2500 سی سی انجن دئیے جائیں گے۔ ہیونڈائی نشاط نے چند ہفتے قبل ایک پرائیویٹ ایونٹ میں سوناٹا کو پیش کیا تھا لیکن قیمت نہیں بتائی گئی تھی۔

ہیونڈائی سوناٹا کی قیمت:

کمپنی کے مطابق 2000 سی سی انجن کے ساتھ آنے والی سوناٹا کی قیمت Rs63,99,000 ۔ہوگی جبکہ 2500 سی سی سوناٹا کی قیمت  Rs7,099,000 ہوگی۔ آپ کو بتاتے چلیں کہ سوناٹا ہنڈا اکارڈ اور ٹویوٹا کیمرے کو ٹکرے دے سکتی ہے۔ اس قیمت میں سوناٹا ان دو گاڑیوں کے لیے مارکیٹ میں مشکل پیدا کر سکتی ہے۔

فیچر اور خصوصیات

سوناٹا کے دونوں فیچرز کی بات کی جائے تو 2500 سی سی انجن کے ساتھ آنے والے ویرینٹ میں تین اضافی فیچرز دئیے گئے ہیں جو مندرجہ ذیل ہیں۔

• رئیر آٹو میٹک شیڈ
• ہیڈ اَپ ڈسپلے
• 6 ائیر بیگز

اس کے علاوہ دونوں ویرینٹس میں تمام فیچرز ایک جیسے ہیں۔ ذرائع کے مطابق 2000 سی سی انجن کیساتھ آنے والی گاڑی میں دو ائیر بیگز موجود ہوں گے۔

انجن اور ٹرانسمشن

2500 سی سی انجن 180 ہارس پاور کیساتھ 245Nm ٹارک پیدا کرتا ہے اور یہ فیچر اس گاڑی کو طاقتور سیڈان بنانےکیلئے کافی ہے۔ دوسری جانب 2000 سی سی انجن 152 ہارس پاور کے ساتھ 192Nm ٹارک پیدا کرتا ہے۔ اس کے علاوہ دونوں گاڑیاں فارورڈ وہیل ڈرائیو ہونے کیساتھ ساتھ 6 سپیڈ ٹرانسمیشن اور تین ڈرائیونگ موڈز رکھتی ہیں۔

پیمائش

گاڑی کی لمبائی 4900 ملی میٹر، چوڑائی 1860 ملی میٹر اور اونچائی 1445ملی میٹر ہے۔ یہ ایک کافی کھلی گاڑی ہے جس میں آپ اور آپ کی فیملی بآسانی سفر کر سکتے ہیں۔

ایکسٹیرئیر

گاڑی کے ایکسٹیرئیر کی بات کی جائے تو اس کا سب سے پہلا قابل غور فیچر 18 انچ کا الائےوہیل ہے۔ اس کے علاوہ اس گاڑی میں دو LED پروجیکشن ٹائپ ہیڈلائٹس، DRLs اور پینورامک سن روف جیسے فیچرز دئیے گئے ہیں۔ یہ گاڑی دیکھنے میں کافی پریمیم اور ایگزیکٹیو نظر آتی ہے جو مارکیٹ میں آنے والی دیگر سیڈانز کو ٹف ٹائم دینے کیلئے کافی ہے۔

انٹیرئیر

انٹیرئیر کی بات کی جائے تو کمپنی متوقع طور پر 8 انچ کا انفوٹینمنٹ انٹرٹینمنٹ یونٹ دے گی۔ اس کے ساتھ گاڑی میں وائرلیس چارجر، پش سٹارٹ بٹن جیسے فیچر دیکھنے کو مل سکتے ہیں۔ اسی طرح سیٹس ناپا لیدر کی بنی ہوں گی جبکہ ڈرائیور اور پیسنجر سیٹس پاورڈ ہوں گی۔ اے سی کی بات کی جائے تو ہیونڈائی سوناٹا میں ڈوول زون آٹو کلائمیٹ کنٹرول سسٹم دیا جائے گا۔

سیفٹی

2000 سی سی گاڑی میں دئیے گئے سیفٹی فیچرز میں دو ائیر بیگز، فرنٹ اور رئیر پارکنگ سینسرز، رئیر کیمرہ، سمارٹ کروز کنٹرول اور ڈائنامک گائیڈلائن جیسے فیچرز متعارف کروائے گئے ہیں جو کہ اس گاڑی کو آپ اور آپ کی قیملی کیلئے کافی محفوظ بناتے ہیں۔ ہم امید کرتے ہیں کہ ہیوںڈائی نشاط اس گاڑی میں مزید سیفٹی فیچرز آفر کرے گی۔