آٹو ڈیولپمنٹ پالیسی 2016-2021 کے تحت ملک میں کئی نئے اداروں کی آمد کے ساتھ پاکستان کی کار مارکیٹ اس وقت خوب پھل پھول رہی ہے۔ اور مارکیٹ میں نئے داخل ہونے والے بڑے ناموں میں سے ایک ہیونڈائی نشاط موٹر پرائیوٹ لمیٹڈ (HNMPL) بھی ہے۔ برانڈ کی حیثیت وہ بہت قابلِ اعتماد ادارہ ہے اور انٹرنیشنل مارکیٹ میں معتبر حیثیت رکھتا ہے اور حقائق اسے ثابت بھی کرتے ہیں۔
اکتوبر 2020 میں کمپنی نے عالمی آٹومیکرز میں اپنی گلوبل برانڈ ویلیو اور ساکھ کو بہتر بنایا۔ انٹربرانڈ کی بیسٹ گلوبل برانڈز 2020 کی ریٹنگ کے مطابق کمپنی انٹرنیشنل کار کمپنیز میں پانچویں نمبر پر ہے۔ ہیونڈائی مسلسل چھ سالوں سے انٹربرانڈ کی 40 گلوبل کمپنیز کی لسٹ میں موجود ہے، جو اس کی مسلسل بہترین کارکردگی کو ظاہر کرتا ہے۔
پاکستان میں دوبارہ آمد:
ہیونڈائی ADP 2016-21 کے تحت 2017 میں پاکستان میں واپس آیا، جہاں نشاط گروپ اس کا لوکل پارٹنر ہے۔ کمپنی نے ملک میں اپنا مینوفیکچرنگ پلانٹ بنایا اور اگست 2020 میں اپنی پہلی مقامی طور پر اسمبل شدہ SUV ٹوسان پیش کی۔ اس گاڑی نے واقعی ایک دھماکے دار انٹری دی کیونکہ یہ کراس اوورز کے چاہنے والوں کے لیے ایک بہترین انتخاب ثابت ہوئی۔ کمپنی نے یہ کومپیکٹ SUV کووِڈ-19 کی وبا کے دوران ڈجیٹلی لانچ کی تھی، اس کے باوجود اسے صارفین کی جانب سے زبردست رسپانس ملا۔
اور اگر آپ اس کی عالمی مقبولیت دیکھنا چاہتے ہیں تو جان لیں کہ ٹوسان کو امریکا میں کومپیکٹ SUVs کی کیٹیگری میں نمبر 1 قرار دیا گیا تھا۔ یہ پوزیشن تب ملتی ہے جب کوالٹی سروے سے پتہ چلے کہ خریداری کے بعد پہلے 90 دن میں خریدار کو کتنے مسائل کا سامنا کرنا پڑا۔ اس کا مطلب ہے کہ یہ گاڑی اپنے شعبے میں دنیا میں سب سے آگے تھی اور یہ مقبولیت بلاشبہ پاکستان بھی پہنچی، کیونکہ اس نے ثابت کیا ہے کہ یہ کِیا اسپورٹیج کی بہت سخت حریف ہے۔ لوکل صارفین کو بین الاقوامی طور پر سراہی گئی اور مقبول گاڑی لوکل مارکیٹ میں ملی، جو یہاں شاذ و نادر ہی ہوتا ہے۔ اس لیے خریداروں کے پاس اب کومپیکٹ SUV سیگمنٹ میں ایک بہت قابلِ بھروسہ آپشن ہے۔
کیا ہیونڈائی ایک نئی سیڈان لا رہا ہے؟
کومپیکٹ SUV سیگمنٹ میں راج کرنے کے بعد یہ افواہیں ہیں کہ ہیونڈائی نشاط موٹرز پاکستان میں سیڈان سیگمنٹ پر بھی قبضہ جمانے کا منصوبہ بنا رہا ہے۔ افواہوں کے مطابق کمپنی لوکل مارکیٹ میں ہیونڈائی ایلانٹرا متعارف کروانے کے لیے تیار ہے، اور اگر ایسا واقعی ہوا تو یہ بہت زبردست ہوگا کیونکہ یہ سیڈان کیٹیگری میں ایک بہترین اضافہ ہوگا۔ افواہیں یہ بھی کہتی ہیں کہ کمپنی اس گاڑی کو صرف ایک ہدف کے ساتھ لانچ کر رہی ہے، وہ ہے موجودہ کمپنیز کے ساتھ مقابلہ کرنا۔
ایلانٹرا پہلے ہی دنیا بھر میں اپنی حیثیت ثابت کر چکی ہے جہاں گاڑی اپنے ہموار ڈیزائن، آرام دہ انٹیریئر اور طاقتور انجن کی وجہ سے بہت مقبول ہے۔ تو لوکل مارکیٹ میں ایسی سیڈان کا اضافہ بہت دلچسپ اور اچھی خبر ہوگی، کیونکہ اس سے مقابلے کی فضا بڑھے گی اور پاکستانیوں کو ٹاپ کلاس سیڈان چلانے کو ملے گی۔
یہ بات ڈھکی چھپی نہیں کہ سیڈان سیگمنٹ میں ہونڈا اٹلس اور ٹویوٹا انڈس موٹر کمپنی (IMC) کا لمبے عرصے سے راج ہے۔ لیکن ایلانٹرا ان پرانی کمپنیز کو ٹف ٹائم دے گی، یعنی کہ آگے مارکیٹ کے ساتھ ساتھ صارفین کے لیے بھی بڑا دلچسپ وقت آنے والا ہے۔
ہمیں امید ہے کہ یہ افواہیں سچ ثابت ہوں گی اور ہمیں نئی سیڈان ملے گی، یہی سب کے لیے اچھا ہے!
