کیا پاکستان میں سوزوکی سیاز بند کر دی گئی ہے؟

سوشل میڈیا پر ایسی خبریں گردش کر رہی ہیں کہ پاک سوزوکی نے ملک میں سوزوکی سیاز بند کر دی ہے۔ حالانکہ پاک سوزوکی نے اب تک کوئی آفیشل بیان جاری نہیں کیا، لیکن ہمارے ذرائع نے تصدیق کی ہے کہ اس کار کی پیداوار اب بند کر دی گئی ہے۔ ذرائع نے مزید کہا ہے کہ ڈیلرز کو گاڑی کے نئے یونٹس نہیں مل رہے، کمپنی نے بھی کافی عرصے سے کسی ڈیلرشپ کے لیے کوئی کوٹہ مختص نہیں کیا۔

رواں سال لوکل مارکیٹ میں یہ افواہیں پھیلنا شروع ہو گئی تھیں کہ سوزوکی پاکستان سیاز کا خاتمہ کرنے کا منصوبہ بنا رہا ہے۔ اس مرتبہ لگتا ہے کہ یہ خبریں درست ہیں۔

پاک ویلز سے بات کرتے ہوئے ذرائع کا کہنا ہے کہ یہ CBU پچھلے کچھ مہینوں سے فروخت کے لیے دستیاب نہیں ہے۔ اس کے علاوہ کمپنی کے آفیشل نے ہمیں بتایا کہ ابھی تک کوئی آفیشل آرڈر نہیں آیا ہے، اس لیے وہ اس خبر کی تصدیق یا تردید نہیں کر سکتے۔

البتہ مارکیٹ صورت حال تصدیق کرتی ہے کہ سوزوکی سیاز لوکل مارکیٹ میں کمپنی کے فلِیٹ کا حصہ نہیں ہے۔ دلچسپ بات یہ ہے کہ سوزوکی پچھلی دو دہائیوں سے ڈومیسٹک مارکیٹ میں کوئی کامیاب سیڈان پیش کرنے میں بدستور ناکام ہے۔ سوزوکی مارگلہ کمپنی کی وہ آخری سیڈان تھی، جو 1990ء کی دہائی میں پاکستان میں گھر گھر مقبول ہوئی تھی۔

ممکنہ وجوہات:

اس سے پہلے رپورٹس نے COVID-19 لاک ڈاؤن اور کاروں کی امپورٹ پر نام نہاد پابندی پر اس خاتمے کا الزام لگایا۔ اس کے علاوہ پاک سوزوکی نے کبھی اس کار کی ترویج اور ایڈورٹائز کرنے کو ترجیح نہیں دی۔ لگتا ہے کہ کمپنی نے اس کار کو مارکیٹ میں پیش کرنے کے لیے بہت کم کوششیں کیں۔ یہی وجہ ہے کہ اس CBU سیڈان کی سڑکوں پر موجودگی تقریباً صفر ہے۔

اس پورے منظرنامے کا ایک دلچسپ پہلو یہ بھی ہے کہ پاک سوزوکی نے لانچ کے بعد سے اب تک PAMA کو سیاز کی پیداوار اور فروخت کو کوئی اعداد و شمار فراہم نہیں کی۔

سوزوکی سیاز کے اہم فیچرز:

اگر 2017ء میں لانچ ہونے والی اس کار کے اہم فیچرز اور قیمت دیکھیں تو یہ بہت اچھی سیڈان تھی۔ لیکن کمپنی اسے پاکستان میں فروخت نہیں کر پائی۔

سوزوکی سیاز کی پاور ٹرین:

یہ ٹاپ آف دی لائن 1400cc ایڈوانس انجن کے ساتھ آئی، جو 6000 RPM پر 91bhp اور 4000 RPM پر 130 Nm ٹارک پیدا کرتا ہے۔یہ فیول بچت کرنے والا جدید K-سیریز انجن رکھتی ہے جو زبردست طاقت دیتا ہے اور مؤثر ترین انجن ہے۔ یہ کار آٹو اور مینوئل ٹرانسمیشنز میں دستیاب ہے۔

سیفٹی فیچرز:

سیاز لگژری سیڈان کئی حوالوں سے اپنے مقابلے پر موجود گاڑیوں سے آگے تھی۔ سوزوکی سیاز بہترین اور جدید فیچرز کے ساتھ آئی جیسا کہ کی لیس انٹری، ABS بریکس EBD کے ساتھ اور SRS ایئربیگز۔

سوزوکی سیاز کی قیمت:

یہ کار قیمت کے لحاظ سے بھی بہترین پسند تھی، کیونکہ اس کی قیمت 23,00,000 سے 25,00,000 لاکھ روپے تھی۔

سوزوکی سیاز پاکستانی مارکیٹ میں حالات کو تبدیل کرنے کی سوزوکی کی ایک کوشش تھی۔ بلاشبہ یہ سوزوکی فیملی میں ایک زبردست اضافہ تھی، لیکن فروخت کے لحاظ سے پرکشش نہیں بن سکی۔