کِیا سورنٹو –تینوں ویرینٹس کا ایک کمپیریزن

0 19 368

گاڑیوں کے کمپیریزن یعنی تقابل کے سلسلے میں آج ہم حال ہی میں پیش کی گئی گاڑی کِیا سورنٹو کے تینوں ویرینٹس کا تقابل کرنے جا رہے ہیں۔ کمپنی نے یہ گاڑی 2.4L فرنٹ ویل ڈرائیو (FWD)، 2.4L آل ویل ڈرائیو (AWD) اور 3.5L فرنٹ ویل ڈرائیو (FWD) ویرینٹس میں پیش کی ہے۔

تو یہ رہا ان تینوں گاڑیوں کا کمپیریزن۔

انجن اور ٹرانسمیشن:

‏2.4L FWD اور 2.4L AWD ایک 2400cc کے تھیٹا II DOHC انجن کے ساتھ آتی ہیں، جو 170hp اور 225Nm ٹارک پیدا کرتا ہے۔ جبکہ 3.5L FWD ایک 3500cc کا لامبڈا II V6 انجن رکھتی ہے جو 276hp اور 226Nm پیدا کرتا ہے۔ 2400cc ویرینٹس میں 6-اسپیڈ آٹومیٹک اسپورٹ میٹک ہے، جبکہ 3500cc ویرینٹ 8-اسپیڈ آٹومیٹک ٹرانسمیشن رکھتا ہے۔

ویل سائز اور ڈرائیو موڈز:

تینوں ویرینٹس میں 18 انچ الائے ویلز ہیں اور ساتھ ہی تین ڈرائیو موڈز بھی جیسا کہ کمفرٹ، اکنامک اور اسپورٹ۔

فرنٹ، ریئر اور فوگ لائٹس:

تینوں ویرینٹس LED ہیڈ، ریئر اور فوگ لائٹس کے ساتھ آتے ہیں، تینوں میں LED DRLs بھی ہیں۔

سیفٹی:

‏2.4L FWD ویرینٹ 2 ایئر بیگز کے ساتھ آتا ہے جبکہ باقی دونوں ویرینٹس میں 6،6 ایئربیگز ہیں۔ اس کے علاوہ تینوں فارمیٹس ای-پارکنگ بریکس رکھتے ہیں۔ جس کا مطلب ہے کہ بَیس ویرینٹ میں سیفٹی باقی دونوں ویرینٹس سے ذرا کم ہے۔

انٹیریئر فیچرز:

‏2.4L FWD ویرینٹ میں صرف ڈرائیور سیٹ پاورڈ ہے، جبکہ کمپنی دیگر دونوں ویرینٹس میں ڈرائیور+پیسنجر پاورڈ سیٹس فراہم کر رہی ہے۔ اس کے علاوہ تینوں ویرینٹس آٹو کلائمٹ کنٹرول اور ریئر AC کنٹرول رکھتے ہیں۔

بَیس ویرینٹ میں پاور ٹیل گیٹ اور وائرلیس چارجر نہیں ہے جبکہ یہ فیچرز باقی دونوں ویرینٹس میں موجود ہیں۔

سن رُوف:

کمپنی کِیا سورنٹو کے تینوں ویرینٹس میں پینورامک سن رُوف پیش کر رہی ہے، جس کا مطلب ہے کہ گاڑی کا انٹریئر ڈرائیونگ کے دوران باہر کے زبردست نظارے پیش کرتا ہے۔

بیٹھنے کی گنجائش:

تینوں ویرینٹس یعنی 2.4L FWD، 2.4L AWD اور 3.5L FWD میں 7 لوگوں کے بیٹھنے کی گنجائش ہے۔ اس کا مطلب ہے کہ یہ گاڑی خاندان بھر کے سفر اور دوستوں کی ملاقاتوں کے لیے بہترین ہے، جس میں آرام دہ نشستیں ہیں اور زبردست انٹیریئر گنجائش بھی۔

قیمت:

اور اب سب سے اہم چیز، 2.4L FWD ویرینٹ 69,99,000 روپے میں پیش کیا گیا ہے جبکہ 2.4L AWD کی قیمت 79,99,000 روپے اور 3.5L FWD کی قیمت 83,99,000 روپے ہے۔

 

KIA Sorento Features

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.