ایم جی ایچ ایس بمقابلہ کِیا اسپورٹیج – ایک کمپیریزن

حاضر ہیں ایک اور کمپیریزن کے ساتھ اور اس مرتبہ ہم MG HS اور کِیا اسپورٹیج کا تقابل کر رہے ہیں۔ MG HS پاکستان میں کومپیکٹ SUV سیکشن میں آنے والی ایک نئی گاڑی ہے، جبکہ اسپورٹیج اپنی لانچ سے ہی اس سیگمنٹ میں راج کر رہی ہے۔ MG HS کو پچھلے چند مہینوں سے بہت توجہ مل رہی ہے، اور مقامی صارفین کی نظریں اس SUV میں موجود نئے آپشنز پر لگی ہوئی ہیں اور اس کی بہت ہائپ بنی ہوئی ہے۔

تو ان دونوں SUVs کا مختصر کمپیریزن یہ رہا:

انجن – MG HS بمقابلہ کِیا اسپورٹیج:

کِیا اسپورٹیج 2000cc کے نیچرلی ایسپائریٹڈ انجن کے ساتھ آتی ہے جو 155hp اور 196Nm ٹارک پیدا کرتا ہے۔ جبکہ HS ایک 1500cc کا ٹربوچارجڈ انجن رکھتی ہے، جو 160hp اور 150Nm کا ٹارک پیدا کرتا ہے۔ اس کا مطلب ہے کہ MG کی گاڑی اسپورٹیج کے مقابلے میں زیادہ ٹارک اور ہارس پاور پیدا کرتی ہے کیونکہ اس کا انجن ٹربوچارجڈ ہے۔

کروز کنٹرول:

‏MG نے HS میں جدید ایڈاپٹِو کروز کنٹرول انسٹال کر رکھا ہے، جس کا مطلب ہے کہ یہ سڑک پر موجود ٹریفک کے لحاظ سے گاڑی کی رفتار کو کنٹرول کرتا ہے۔ جبکہ کِیا اسپورٹیج کنونشنل اسپیڈ لمِٹر کروز کنٹرول کے ساتھ آتی ہے، جو کسی مخصوص پوائنٹ پر ہی رفتار کو برقرار رکھتا ہے۔

قیمت – MG HS بمقابلہ کِیا اسپورٹیج:

گو کہ MG HS فرنٹ ویل ڈرائیو (FWD) میں اور کِیا اسپورٹیج FWD اور آل ویل ڈرائیو (AWD) دونوں میں آتی ہے، لیکن یہ کمپیریزن HS FWD اور اسپورٹیج AWD میں ہے کیونکہ دونوں ایک ہی پرائس رینج کی گاڑیاں ہیں۔ ایک طرف HS کی قیمت 55 لاکھ روپے ہے تو دوسری جانب اسپورٹیج کی AWD بھی 54 لاکھ روپے کی ہے۔

کیمرے:

کِیا نے اپنی گاڑی میں صرف ریئر کیمرے لگا رکھے ہیں، جبکہ MG نے اپنی گاڑی 360 ڈگری کیمروں کے ساتھ لانچ کی ہے، جو گاڑی کا ہر طرف سے نظارہ پیش کرتے ہیں، جو پارکنگ اور لین چینج میں بہت مدد دیتے ہیں۔

لَین-اسسٹ سسٹم:

MG HS لین-اسسٹ سسٹم کے ساتھ آتی ہے جو لین تبدیل کرتے ہوئے دوسری گاڑی کی صورت میں وارننگ دے گا۔ البتہ کِیا اسپورٹیج میں یہ فیچر موجود نہیں ہے۔

سیفٹی:

کِیا نے اپنی گاڑی میں 2 ایئربیگز لگا رکھے ہیں، جبکہ MG کی گاڑی میں 6 ایئربیگز ہیں، جو اسے اسپورٹیج کے مقابلے میں زیادہ محفوظ گاڑی بناتے ہیں۔

پیڈل شفٹرز – MG HS بمقابلہ کِیا اسپورٹیج:

MG نے اپنی SUV میں پیڈل شفٹرز انسٹال کیے ہیں، جو ڈرائیو کو زیادہ آرام دہ بناتے ہیں، جبکہ اسپورٹیج اس آپشن کے بغیر آتی ہے۔

اینٹی-کولیژن سسٹم:

MG کی SUV اینٹی-کولیژن سسٹم رکھتی ہے، جس کا مطلب ہے کہ اگر کوئی چیز اچانک گاڑی کے سامنے آ جائے تو یہ خودبخود رک جائے گی۔ البتہ کِیا اسپورٹیج اس فیچر کے بغیر آتی ہے۔

فرنٹ سیٹس:

کِیا اسپورٹیج کی فرنٹ سیٹس الیکٹرک ہیں؛ لیکن MG کی گاڑی کی یہ سیٹیں الیکٹرک بھی ہیں اور ہیٹڈ بھی۔

رَین سینسرز:

دونوں MG HS اور کِیا اسپورٹیج رَین سینسرز کے ساتھ آتی ہیں، جو انہیں بارش کے موسم میں ڈرائیو کرنے کے لیے بہترین گاڑیاں بناتے ہیں۔

کُول باکس – MG HS بمقابلہ کِیا اسپورٹیج:

MG کی SUV میں کُول باکس کا فیچر موجود ہے، جبکہ کِیا کی گاڑی میں یہ آپشن انسٹال نہیں کیا گیا۔

کارنرنگ لائٹس:

دونوں SUVs کارنرنگ لائٹس کے آپشن کے بغیر آتی ہیں۔

انٹیریئر کلر آپشنز:

MG اپنی گاڑی کے انٹیریئر کے لیے تین رنگ پیش کر رہا ہے، جبکہ کِیا اسپورٹیج صرف ایک انٹیریئر کلر میں دستیاب ہے۔