پروٹون پاکستان/الحاج آٹوموٹیو کے صارفین نے تاخیر سے ڈیلیوری اور قیمتوں میں حالیہ اضافے پر کمپنی کے خلاف احتجاج کیا۔ سوشل میڈیا پر تصاویر اور ویڈیوز میں دکھایا گیا ہے کہ صارفین پروٹون کی ایک ڈیلرشپ کے باہر کھڑے کاروں کی فوری فراہمی کا مطالبہ کر رہے ہیں۔ مظاہرین نے پروٹون X70 کی قیمتوں میں حالیہ اضافے کو بھی مسترد کر دیا ہے، قیمتوں میں اضافے کی شرح یہ ہے:
پروٹون X70 پریمیم FWD – 4890000 سے بڑھا کر 5750000 کر دی گئی
پروٹون X70 ایگزیکٹیو AWD – 4590000 سے بڑھا کر 5400000 کر دی گئی
مظاہرین کے مطابق کمپنی نے پرانی قیمت پر X70 کا ایک یونٹ بھی فراہم نہیں کیا ہے۔ مظاہرین میں شامل ایک شخص نے کہا کہ میں نے دسمبر 2020 میں کار بک کی تھی اور ڈلیوری کا وقت ستمبر 2021 تھا لیکن مجھے تاحل اپنی کار ڈیلیور نہیں کی گئی۔ ایک اور صارف نے کہا کہ اس نے گاڑی جنوری 2021 میں بک کی تھی اور اس کی ڈیلیوری کا وقت پچھلے سال کی تیسری سہ ماہی تھا، لیکن ابھی تک کوئی ڈیلیوری نہیں ہوئی۔
انہوں نے یہ بھی کہا کہ آنے والے دنوں میں پروٹون پاکستان/الحاج آٹوموٹیو کے خلاف احتجاج کرنے والوں کی تعداد میں اضافہ ہوگا۔ کمپنی نے دیر سے ڈیلیوری کے لئے کوئی معاوضہ پیش نہیں کیا ہے اور ہمیں گاڑی کی بھی ڈیلیور نہیں کی گئی۔
Video & Picture Credits: Proton Saga Owners Pakistan (Facebook)
پروٹون پاکستان کا موقف
پروٹون پاکستان کے حکام نے دعویٰ کیا کہ یہ احتجاج زیادہ تر قیمتوں میں اضافے کے بجائے دیر سے ڈیلیوری پر مرکوز ہے۔ انہوں پاک ویلز کو بتایا کہ کِیا، چنگان اور MG سمیت دیگر کمپنیوں کے مقابلے میں ہماری گاڑیوں کی قیمت ابھی بھی مناسب ہے۔
اہلکار نے تصدیق کی کہ کمپنی نے پرانے ریٹ پر X70 کا ایک یونٹ بھی فراہم نہیں کیا ہے۔ ان کے مطابق اس کی وجہ ڈالر کی شرح میں اضافہ، شپنگ کی زیادہ لاگت اور خام مال کی قیمتوں میں اضافہ ہے۔
ہمیں امید ہے کہ یہ مسئلہ جلد حل ہو جائے گا کیونکہ یہ ایک نئی کمپنی ہے اور اس طرح کے احتجاج سے اس کی ساکھ متاثر ہوگی۔ اس سال جنوری میں، کمپنی نے اپنی کراس اوور SUV Proton X70 کا پہلا مقامی طور پر تیار شدہ یونٹ متعارف کرایا لیکن ڈیلیوری شروع نہیں کی گئی۔
