گاڑیوں کی قیمتوں میں اضافے کے بعد اب سندھ میں گاڑیوں پر عائد شدہ ٹیکس بڑھا دیا گیا ہے۔ ایک نوٹیفکیشن کے مطابق محکمہ ایکسائز اینڈ ٹیکسیشن سندھ نے فنانس (سپلیمنٹری) ایکٹ 2022 کے تحت گاڑیوں کے رجسٹریشن ٹیکس کو دوگنا کر دیا ہے۔
سندھ میں نئی گاڑی پرعائد شدہ ٹیکسز یہ ہیں۔
1000 سی سی تک کی گاڑیوں پر عائد ٹیکس
1000 سی سی تک کی گاڑیوں پر عائد ٹیکس بڑھا کر 100000 روپے کر دیا گیا ہے۔ اس سے قبل سندھ میں گاڑیوں کے مالکان 50000 روپے ٹیکس ادا کر رہے تھے۔ یہ نیا ٹیکس ذیل میں دی گئی گاڑیوں پر لاگو ہوگا۔
اس کیٹیگری میں یہ گاڑیاں شامل ہیں:
- سوزوکی آلٹو
- سوزوکی ویگن آر
- سوزوکی کلٹس
- سوزوکی راوی
- سوزوکی بولان
- کِیا پکانٹو
- یونائیٹڈ براوو
- یونائیٹڈ الفا
- پرنس پرل
- چنگان کاروان
1001 سی سی سے 2000 سی سی تک کی گاڑیوں پر عائد ٹیکس
1001 سی سی سے 2000 سی سی تک کی گاڑیوں پر رجسٹریشن ٹیکس اب 200000 روپے ہو گا جو کہ ٹیکس کی سابقہ شرح 100000 سے دوگنا ہے۔ اس کیٹیگری میں یہ گاڑیاں شامل ہیں:
- سوزوکی سوئفٹ
- ٹویوٹا یارس
- ٹویوٹا کرولا
- ہنڈا سٹی
- ہنڈا سوک
- پروٹون ساگا
- چنگان ایلسوین
- ہیونڈائی ایلانٹرا
- کِیا سٹونک
2001 سی سی اور اس سے زائد کی گاڑیوں پر عائد ٹیکس
سندھ میں 2001 سی سی اور اس سے زائد کی گاڑیوں پر عائد ٹیکس دوگنا کر کے 400000 روپے کر دیا گیا ہے۔
اس کیٹیگری میں یہ گاڑیاں شامل ہیں:
- ٹویوٹا ہائی لکس
- ٹویوٹا فارچیونر
- ہنڈا BR-V
- ہیونڈائی سوناٹا
- ہیونڈائی ٹوسان
- کِیا سپورٹیج
- کِیا کارنیوال
- کِیا سوریںٹو
- پروٹون X70
بائیک BJ40 پلس
عوام پہلے ہی گاڑیوں کی بڑھتی ہوئی قیمتوں کے بارے میں پریشان نظر آتے ہیں۔ دوسری جانب گاڑیوں کی رجسٹریشن فیس کیلئے لاکھوں روپے کی ادائیگی صارفین کو مزید پریشان کر دے گی۔
موٹر وہیکل ٹیکس اب تک صرف سندھ میں بڑھایا گیا ہے جس کے بعد دیگر صوبوں کے محکمے بھی ایسا ہی کرتے ہوئے گاڑیوں پر ٹیکس میں اضافہ کریں گے۔
سندھ میں نئے رجسٹریشن ٹیکس کے بارے میں آپ کا کیا خیال ہے؟ نیچے دئیے گئے کمنٹ سیکشن میں اپنے خیالات کا اظہار کریں۔
