گزشتہ ہفتے ہم نے پاکستان میں پیجو 2008 کے پہلے مقامی طور پر تیار کردہ یونٹ سے متعلقہ خبریں شیئر کیں تھیں جو کہ پاکستان میں کراس اوور SUV سے محبت کرنے والوں کے لیے اچھی خبریں تھیں۔ پیجو پاکستان لکی موٹرز کے تعاون سے مقامی مارکیٹ میں آ رہا ہے، جو پہلے ہی کِیا موٹرز کے ساتھ شراکت میں کِیا سپورٹیج اور کِیا پکانٹو جیسی کاریں پاکستان میں لانچ کر چکا ہے۔
اس لیے اب سوال یہ پیدا ہوتا ہے کہ یہ گاڑی پاکستان میں کب لانچ ہوگی؟ اس سوال کا مصدقہ جواب حاصل کرنے کیلئے جب ہم نے اپنے ذرائع سے رابطہ کیا تو انکا کہنا تھا کہ پیجو پاکستان اس کراس اوور ایس یو وی کو اس ماہ کے آخر تک پاکستان میں لانچ کرے گا۔ لہذا، ہمیں بہت جلد ایک اور نئی کار ملنے والی ہے۔
جیسا کہ ہم آپ کو پہلے بتا چکے ہیں، پیجو 2008 پاکستان میں لانچ ہونے والی پہلی یورپی کار ہوگی۔ اس وقت مقامی مارکیٹ میں چینی، جنوبی کوریائی اور جاپانی کمپنیوں کا غلبہ ہے اور یہ بہت اچھی بات ہے کہ پیجو 2008 کار کی لانچنگ سے ہے کہ ہمیں نیا آپشن مل رہا ہے۔ ہم امید کرتے ہیں کہ نئی کمپنی تیزی سے اپنے آپ مارکیٹ میں مضبوط کر لے گی۔
پیجو 2008 کے فیچر و دیگر خصوصیات یہ ہیں۔
انجن اور ٹرانسمشن
لکی موٹرز گاڑی کو 1200 سی سی MPI ٹربو انجن کے ساتھ لانچ کرے گا جو 130 ہارس پاور اور 230Nm ٹارک پیدا کرتا ہے۔ اسکے علاوہ گاڑی میں فرنٹ وہیل ڈرائیو (FWD) کے ساتھ 6 اسپیڈ آٹو ٹرانسمشن ہوگی۔
یہاں پر دلچسپ بات یہ ہے کہ اگرچہ کمپنی نے پیجو 2008 میں صرف ایک انجن دیا ہے لیکن ویب سائٹ پر ہائبرڈ LCD میٹر کی ایک تصویر موجود ہے۔ اس کے علاوہ ویب سائیٹ پر مزید یہ بھی لکھا گیا ہے کہ «صارفین کے مطالبات کو پورا کرنے کے لیے موثر پیٹرول انجنز سے لیس»۔ جس سے ظاہر ہوتا ہے کہ گاڑی کے مزید ویرینٹس بھی لانچ کیے جائیں گے۔ امید ہے کی انجن آپشنز میں شاید ہائبرڈ انجن متعارف کرائے جائے گا۔ اگر ایسا نہیں ہوتا تو یقینا انہوں نے اپنی بین الاقوامی ویب سائٹ سے ہی تمام معلومات کاپی کی ہیں۔
ایکسٹیرئیر
گاڑی میں ایل ای ڈی ہیڈ لائٹس اور ایل ای ڈی DRLs دئیے گئے ہیں۔ ویل سائز کی بات کی جائےتو یہاں 17 نچ کا الائے ویل نظر آتے ہیں۔ اس کے علاوہ گاڑی میں پینورامک سن روف بھی دیا گیا ہے۔
انٹیرئیر
اس کراس اوور ایس یو وی میں 7 انچ کی فلوٹنگ انفوٹینمنٹ ٹچ سکرین اور سنگل زون آٹو کلائمیٹ کنٹرول جیسے فیچر دئیے گئے ہیں۔ گا ڑی میں سمارٹ کی انٹری، پش سٹارٹ بٹن اور کروز کنٹرول دیا گیا ہے۔ یہ خصوصیات ظاہر کرتی ہیں کہ گاڑی میں متعدد جدید آپشنز اور خصوصیات موجود ہیں۔
سیفٹی فیچرز
سیفٹی فیچرز کی بات کی جائے تو اس بارے سب سے نمایاں فیچر گاڑی میں دئیے گئے 6 ائیر بیگز ہیں۔
- ہل سٹارٹ اسسٹ
- اینٹی لاک بریکنگ سسٹم (ABS)
- ریئر ویو کیمرہ
- فرنٹ + ریئر پارکنگ سینسرز
- وہیکل سٹیبلٹی مینجمنٹ (VSM)
- الیکٹرانک سٹیبلٹی پروگرام (ESP)
- بلائنڈ اسپاٹ ڈیٹیکشن
- ایکٹیو لین کیپ اسسٹنس
- ہائی بیم اسسٹ
- روڈ سائن ایںڈ سپیڈ لمٹ ریکگنیشن
