پچھلے ہفتے ہونڈا سوِک 2022 کے ایکسٹیریئر اور انٹیریئر کی پیٹنٹ تصویریں آن لائن لِیک ہوئیں جس کے بعد اب ہم سب کو اندازہ ہو گیا ہے کہ اگلی جنریشن کیسی ہوگی۔ ان لِیکس سے حاصل شدہ معلومات کے ذریعے KDesign AG نے ہونڈا کی نئی سیڈان کی ظاہری شکل و صورت کا خاکہ بنایا ہے۔
یہ کار 2021 کے موسمِ بہار میں آغاز لے گی اور 2022 میں انٹرنیشنل مارکیٹ میں فروخت کے لیے دستیاب ہوگی۔
ہونڈا سوِک 2022 کا فرنٹ:
لِیکس نے کنفرم کیا ہے کہ نئی سوِک کی تھیم موجودہ ماڈل کے بہت زیادہ creased ایکسٹیریئر کو سادہ بنانے کی ہے۔ تصوراتی ڈیزائن کے مطابق نئے ماڈل نے ہیڈلائٹس کے ڈیزائن کو ذرا سیدھا کیا ہے، اب لیمپس کے اوپر ایک نمایاں لائن ہے اور فرنٹ گرِل پر بھی۔
اس کے علاوہ نئی سیڈان میں کمپنی کے لوگو کے نیچے گرِل ذرا پتلی ہے، جس کے ساتھ بمپر کے لیے ایک crosspiece ہے۔ حالانکہ ان تصویروں اور ٹریڈ مارکس نے فوگ لائٹس کی لوکیشن ظاہر نہیں کی، لیکن KDesign AG کے خیال میں یہ لوئر بمپر کارنرز میں ہوں گی کیونکہ یہی ان کے لیے مناسب ترین جگہ ہے۔
نئی سیڈان کا ممکنہ ریئر:
اس کے علاوہ ڈرائنگز نے آنے والی گاڑی کے ریئر پر flowing رُوف لائن کا بھی اندازہ لگایا ہے۔ ڈیزائن اسے پیچھے سے کوپ جیسا انداز دیتا ہے۔ نئی سوِک میں ٹیل کی پوری لمبائی پر مبنی ایک لیمپ کے بجائے دو الگ ٹیل لائٹس ہوں گی۔
لِیک پیٹنٹ تصویریں:
پچھلے ہفتے ہونڈا سوِک ہیچ بیک اور سوِک سیڈان کی ٹریڈ مارک/پیٹنٹ فائلنگ تصویریں لِیک ہوئی تھیں۔ اس میں “C” شکل کی ٹیل لائٹس ختم کر دی گئی ہیں اور ان کی جگہ نئے ڈیزائن کو دی گئی ہیں اور پچھلے حصے کا ڈیزائن ہونڈا اِن سائٹ سیڈان سے متاثرہ لگتا ہے۔ مجموعی طور پر یہ موجودہ جنریشن کی ایکرڈ (زیادہ چوڑی اور سیدھی فرنٹ ہُڈ لائن اور زیادہ واضح سائیڈ بیلٹ لائنز) اور لائن اپ کے دوسرے ہونڈا ماڈلز سےمتاثر لگتی ہے۔
ایکسٹیریئر کے بعد اگلی جنریشن کی ہونڈا سوِک کے انٹیریئر کی تصویریں بھی انٹرنیٹ پر آئیں۔ یہ تازہ تصویریں ہمیں کار کے اسٹیئرنگ ویل اور ڈیش بورڈ میں اپگریڈ کیے گئے ڈیزائن کی کافی تفصیلات بتاتی ہیں۔
