اپنی استعمال شدہ کار کو نئی زندگی کیسے دیں

کیا آپ نے حال ہی میں ایک استعمال شدہ کار خریدی ہے اور آپ کو اس کی ابھی ابھی چابیاں ملی ہیں؟ مبارک ہو! لیکن ذرا ٹھیریں، اسے ابھی سے ڈرائیو پر لے کر مت نکل جائیے گا۔ کچھ چیزیں ایسی ہیں جنہیں پہلے کرنا ضروری ہے۔ آپ اس گاڑی کے ساتھ ایک نیا تعلق قائم کرنے جا رہے ہیں۔ اس لیے کچھ کوشش کریں، اس موقع کو ذرا خاص بنائیں اور بہترین آغاز لیں۔ اس کے لیے آپ یہ سب کچھ کر سکتے ہیں:

1۔ ایک قابلِ بھروسہ مکینک کو بلائیں

بہتر ہے کہ گاڑی خریدنے سے پہلے ایک استعمال شدہ کار انسپکشن سروس استعمال کریں۔ انسپکشن رپورٹ آپ کو اس گاڑی کی کنڈیشن کے بارے میں بتائے گی۔ پھر آپ آگے بڑھ سکتے ہیں اور خریدنے کے بعد کار چیک اپ کے ساتھ ضروری کام کروا سکتے ہیں، جس میں عموماً یہ شامل ہوتے ہیں:

• انجن
• فلٹرز
• بریکس
• الیکٹریکل کنکشن

اگر آپ گاڑیوں کے ایسے شوقین ہیں جو خود کام کرنا پسند کرتے ہیں تو آپ اسے خود چیک کر کے فکس کر سکتے ہیں۔ لیکن اگر ایسا نہیں تو آپ کوکسی پروفیشنل اور قابلِ بھروسہ کار مکینک کی ضرورت ہوگی۔ ان سے انجن چیک کرنے کا کہیں تاکہ کسی غیر معمولی آواز یا شور کا پتہ چلے، انجن آئل تبدیل کریں، ایئر فلٹرز کو صاف یا تبدیل کریں، بریک سسٹم چیک کریں اور گاڑی میں کسی بھی لوز وائر کا پتہ چلائیں اور فکس کریں۔

2۔ ٹائرز تبدیل کریں

اس کے بعد اگلا کام ہے استعمال شدہ گاڑی میں ٹائروں کی تبدیلی۔ اگر ٹائر اچھی کنڈیشن میں نظر آئیں تو آپ چند مہینے یہاں تک کہ سال بھر بھی انہیں چلا سکتے ہیں۔ لیکن مالک کی زبان پر بھروسہ مت کریں کیونکہ استعمال شدہ ٹائر کسی بھی حادثے یا دوسرے مسئلے کا باعث بن سکتے ہیں۔ احتیاط زیادہ بہتر ہے۔

اپنی استعمال شدہ گاڑی میں نئے ٹائرز لگوائیں تاکہ آپ ایک محفوظ سفر کا آغاز کر سکیں۔ نئے ٹائروں کے ساتھ آپ کو اچھی طرح اندازہ ہوگا کہ یہ کتنا عرصہ چلیں گے۔ اور اگر آپ ان کی بروقت دیکھ بھال کرتے ہیں تو ان کو کافی عرصے تک چلا پائیں گے۔ اس لیے ٹائروں کی تبدیلی کو اپنی فہرست کا حصہ بنائیں، یوں اس حوالے سے آپ کی پریشانی ختم ہو جائے گی۔

3۔ سسپنشن اور اسٹیئرنگ سروس کروائیں

زیادہ تر استعمال شدہ گاڑیاں سخت سسپنشن اور خراب الائنمنٹ سے متاثر ہوتی ہیں۔ اپنی نئی استعمال شدہ گاڑی کی ٹیسٹ ڈرائیو کے دوران باڈی ورک آؤٹ جیسا محسوس ہو تو امکانات یہی ہیں کہ اسے سسپنشن اور اسٹیئرنگ سروس کی ضرورت ہے۔ گاڑی کو کسی چیسی مکینک کے پاس لے جائیں کہ جو شاک ایبزاربرز کا معائنہ کرے اور انہیں تبدیل کرے اور اسٹیئرنگ ویل کو الائن کرے۔ اس سے آپ کی گاڑی کی اسٹیبلٹی بہتر ہوگی اور ایک ہموار اور محفوظ تر سفر کی اچھی ہینڈلنگ ملے گی۔

4۔ تمام فلوڈز تبدیل کروائیں

سسٹم میں موجود تمام فلوڈز کے لیے وقت نکالیں۔ اس کا بہترین طریقہ یہ ہے کہ بدترین کی توقع رکھیں اور بہترین کام کریں۔ اس لیے تمام فلوڈز تبدیل کریں یہ سمجھتے ہوئے کہ پرانے مالک نے انہیں چینج نہیں کروایا ہوگا۔ آئل، وائپر فلوڈ، بلنکر فلوڈ، ٹرانسمیشن فلوڈ اور خاص طور پر بریک فلوڈ اور کولینٹ۔

تمام فلوڈز تبدیل کرنے سے آپ کو انہیں تبدیل کرنے کا وقت اور مائلیج پتہ چل جائے گا اور آپ کو یہ بھی معلوم ہوگا کہ ان کی سروس کب کروانی ہے۔ یوں یہ ایک استعمال شدہ گاڑی کے ساتھ نیا آغاز ہوگا۔

5۔ صفائی، اندر سے بھی، باہر سے بھی

گاڑی کو مکمل طور پر صاف کریں اور کسی بھی ڈینٹ اور رنگ اکھڑ جانے کا پتہ چلائیں۔ اگر آپ چاہیں تو گاڑی کا رنگ ٹھیک بھی کروا سکتے ہیں اور اس کی کوٹنگ کو بھی بہتر بنوا سکتے ہیں۔ یہ آپ کی گاڑی کو زیادہ چمکدار اور زیادہ نیا بنائے گا۔

ایک مرتبہ باہر سے گاڑی کی چمک دمک ٹھیک ہو جائے تو انٹیریئر کی بھرپور صفائی کا رخ کریں۔ سیٹوں اور فلور کو صاف کریں، تاکہ یہ اندر سے بالکل تازہ نظر آئے اور اس کی بُو بھی ختم ہو جائے۔

6۔ انٹیریئر کو اپگریڈ کریں

یہ آپ کی فہرست میں ایک آپشنل آئٹم ہونا چاہیے جو آپ اپنے مزاج اور بجٹ کے لحاظ سے کروا سکتے ہیں۔ نئے فلور میٹس، نئے سیٹ کورز حاصل کرنا، کپ ہولڈر، اسٹوریج باکس یا آرم ریسٹ، ملٹی میڈیا یونٹ لگوانا، اپنی “نئی” استعمال شدہ گاڑی میں ایک پریمیم احساس پانے کے لیے آپ انٹیریئر کو اپگریڈ کر سکتے ہیں۔

7۔ استعمال شدہ گاڑی کو نیا نام دیں

آپ کی نئی استعمال شدہ گاڑی کی تمام جانچ، سروس اور صفائی مکمل ہو گئی؟ بہترین! اب آگے بڑھیں، اسے نام دیں اور اپنے خاندان میں اس کی آؤ بھگت کریں۔

وہ لوگ جو کسی مخصوص ماڈل پر نظریں جمائے ہوئے ہیں لیکن اسے نئی گاڑی کی حیثیت سے خریدنا کی سکت نہیں رکھتے اور وہ لوگ جو ایسی گاڑی خریدنا چاہتے ہیں جو ان کے بجٹ میں آ جائے تو ان کا انتخاب استعمال شدہ گاڑی ہی ہونا چاہیے۔ اگر آپ بھی ان لوگوں میں ہیں اور استعمال شدہ گاڑیاں دیکھ رہے ہیں تو پاک ویلز پر استعمال شدہ گاڑیوں کے سیکشن میں جائیں کہ جہاں آپ کو ہر کمپنی اور ہر ماڈل کی ہزاروں گاڑیاں مل سکتی ہیں۔ اور جب آپ کوئی نئی استعمال شدہ گاڑی خرید لیں تو یاد رکھیں اس کے ساتھ بہترین رویہ اختیار کرنا ہے، تاکہ وہ بھی آپ کے ساتھ بہترین انداز میں چلے۔