حال ہی میں گندھارا نسان لمیٹڈ نے مقامی سطح پر آٹو پارٹس بنانے کے لیے نسان موٹر کمپنی لمیٹڈ جاپان کے ساتھ تعاون کا اعلان کیا ہے۔
پاکستان اسٹاک ایکسچینج کو بھیجی گئی رپورٹ میں گندھارا نسان نے بتایا کہ نسان موٹرز لمیٹڈ کی ٹیموں نے معیار و صلاحیت کا اندازہ لگانے ک لیے مقامی سپلائرز کے دورے کیے اور ان میں سے کئی سپلائرز نسان موٹرز کے مرتب کردہ عالمی معیارات پر پورے نہیں اترے۔ معیار کو پورا کرنے اور چیلنج سے نمٹنے کے لیے نسان موٹرز نے سپلائر کی بہتری تجویز کی۔
رواں سال کے اوائل میں گندھارا نسان نے آٹو پالیسی 2016-2021ء کے تحت براؤن فیلڈ اسٹیٹس حاصل کیا تھا، جس کے بعد ادارے نے پاکستان میں اپنے پلانٹ کے دوبارہ آغاز کے لیے 41 ملین ڈالرز کی کی سرمایہ کاری کا اعلان کیا تھا۔ مزید یہ کہ براؤن فیلڈ اسٹیٹس کے تحت ادارے کو تین سال تک رعایتی کسٹم ڈیوٹی پر آٹو پارٹس درآمد کرنے کی اجازت ہوگی۔
یہ وہ سہولیات ہیں جو براؤن فیلڈ اسٹیٹس کے تحت گندھارا نسان کو ملیں گی:
گاڑیوں اور LCVs کی تیاری کے لیے تین سال کے عرصے تک غیر مقامی پرزوں کی 10 فیصد کسٹمز ڈیوٹی اور مقامی پرزوں کی 25 فیصد ڈیوٹی پر درآمد
تین سال کے لیے ٹرکوں، بسوں اور بڑی گاڑیوں کو بنانے کے لیے تمام پرزوں (مقامی و غیر مقامی دونوں) کی رائج کسٹمز ڈیوٹی پر درآمد کہ جو غیر مقامی پرزوں پر لاگو ہوتی ہے۔
تازہ ترین خبروں کے لیے PakWheels.com پر آتے رہیے۔
