اینٹی-کار لفٹنگ سیل نے 132 گاڑیاں اور 136 موٹر سائیکلیں بازیاب کرا لیں


اینٹی-کار لفٹنگ سیل اسلام آباد رواں سال میں 115.6 ملین پاکستانی روپے مالیت کی 132 گاڑیاں اسلام آباد اور دیگر شہروں سے بازیاب کرا چکا ہے۔

تفصیلات کے مطابق اتھارٹی اسلام آباد سے 75 گاڑیاں بازیاب کرا چکی ہے اور باقی ملک کے دیگر حصوں سے کروائی گئی ہیں۔ اتھارٹی نے محض کاریں ہی نہیں بلکہ 7.7 ملین روپے مالیت کی 136 موٹر سائیکلیں بھی بازیاب کروائی ہیں۔ گاڑیاں چوری کرنے والے 270 افراد بھی پولیس کی جانب سے گرفتار کیے گئے۔

اینٹی-کار لفٹنگ سیل نے گاڑیوں میں ٹیمپرنگ کرنے والے 120 افراد کو بھی گرفتار کیا ہے۔ ذرائع ابلاغ سے گفتگو کرتے ہوئے ترجمان پولیس نے کہا کہ اقدامات شہر اور گرد و نواح میں جرائم کے خاتمے کے لیے سینئر سپرنٹینڈنٹ آف پولیس (آپریشنز) محمد امین بخاری کے احکامات پر اٹھائے گئے۔

مزید یہ کہ پیر ودھائی پولیس، راولپنڈی نے شہر میں موٹر سائیکلیں چوری کرنے والے ایک گروہ کو بھی پکڑا ہے جس میں چار ملزمان کو گرفتار کرکے ان سے 7 موٹر سائیکلیں برآمد کی گئی ہیں۔ ملزمان نے پولیس کو بتایا کہ وہ نہ صرف راولپنڈی بلکہ اسلام آباد اور لاہور سے بھی موٹر سائیکلیں چھینتے تھے۔

یہ بات قابل ذکر ہے کہ حکومت سندھ شہر میں اسٹریٹ کرائم کے خاتمے کے لیے اپنے “اسٹریٹ واچ فورس” منصوبے کے تحت 1000 موٹر سائیکلوں کے حامل 2000 سکیورٹی اہلکاروں کی تعیناتی کرے گی۔ ابتدائی مرحلے میں اتھارٹیز نے ڈیفنس اور کلفٹن میں موٹر سائیکلیں اور گاڑیاں چھیننے کے واقعات روکنے کے لیے 100 موٹر سائیکلوں پر 200 اہلکار تعینات کیے ہیں۔

مزید خبروں کے لیے PakWheels.com پر آتے رہیے۔


My name is M. Ali Laghari and I love to read and write about Cars.

Top