آٹو موبائل شعبے میں مسابقت کا معاملہ؛ CCP کھلی سماعت کرے گا

Competition Commission of Pakistan PW

کمپٹیشن کمیشن آف پاکستان (CCP) 12 اپریل 2018ء کو جناح ایونیو، اسلام آباد میں مقامی آٹو موبائل صنعت کے حوالے سے مسابقت کے معاملات اور صارفین کے سوالات پر ایک کھلی سماعت کا انعقاد کر رہا ہے۔ کھلی سماعت صبح ٹھیک 11 بجے شروع ہوگی۔

اتھارٹی کو گاڑیوں کی قیمتوں میں مستقل اضافے، پریمیئمز، گاڑیوں کی خصوصیات میں کمی، غیر معیاری ساخت اور فراہمی میں تاخیر جیسے معاملات پر صارفین کی کئی شکایات موصول ہو چکی ہیں جو بلاشبہ بڑے مسائل ہیں اور انہیں حل کرنے کی ضرورت ہے۔ یہی وجہ ہے کہ CCP نے اس حوالے سے تمام اسٹیک ہولڈرز کو اپنا نقطہ نظر بیان کرنے کے لیے مدعو کیا ہے۔

ccp automobile sector competition issues

واضح رہے کہ گاڑیاں بنانے والے مقامی ادارے رواں سال دو مرتبہ اپنی گاڑیوں کی قیمتوں میں اضافہ کر چکے ہیں۔ مزید برآں، صارفین مقامی سطح پر تیار کردہ گاڑیوں میں سہولیات کی کمی اور ان کی ناقص ساخت کے حوالے سے طویل عرصے سے شکایت کناں ہیں۔ پریمیئم اور گاڑیوں کی فراہمی میں تاخیر بھی رواں سال کے اوائل میں اپنے عروج پر تھی۔ اس لیے کمپٹیشن کمیشن آف پاکستان کی جانب سے ایسی تقریب کا انعقاد ایک احسن قدم ہے۔

آٹو پالیسی کے تحت مقامی اداروں کے لیے ضروری ہے کہ وہ گاڑی بہترین سہولیات کے ساتھ اور دو ماہ کے اندر فراہم کریں؛ لیکن کوئی ادارہ درحقیقت اس پالیسی کی پیروی نہیں کر رہا۔

مزید برآں، گاڑیوں کے حوالے سے صارفین کے سوالات کی کھلی سماعت کے علاوہ آٹو پالیسی (2016ء تا 2021ء) کے نفاذ کی صورت حال، استعمال شدہ گاڑیوں کی درآمد کی پالیسی اور مقامی مارکیٹ پر اس کے اثرات، گاڑیوں کے پرزہ جات پر ڈیوٹی، ٹیکس ڈھانچے اور کرنسی کی شرح مبادلہ کی گاڑیوں کی قیمتوں پر پڑنے والے اثرات وغیرہ پر بھی سوالات پر تفصیل سے بات کی جائے گی۔

اس تقریب میں شرکت کے لیے صارفین کی حوصلہ افزائی کی جا رہی ہے لیکن سماعت کی تاریخ سے قبل رجسٹریشن ضروری ہے۔ مزید برآں، شرکت کے خواہشمند تمام افراد یا کسی بھی معاملے کے حوالے سے مواد پیش کرنے کے خواہشمند 10 اپریل 2018ء تک حکام سے لازمی رابطہ کریں۔

گاڑیوں سے متعلق مزید خبریں جاننے کے PakWheels.com کے ساتھ رہیے۔

 

ccp automobile sector competition issues pw


My name is M. Ali Laghari and I love to read and write about Cars.

Top