ٹویوٹا کرولا کے ماڈلز میں مماثلت اور تفریق کا عجیب معاملہ

11th gen Toyota Corolla

پاکستان میں ٹویوٹا (Toyota) کی وجہ مشہور کرولا ماڈلز کی طویل اور دلچسپ فہرست ہے۔ اس فہرست میں ٹویوٹا کرولا کے نام سے پیش کی جانے والی گاڑیاں انتہائی بے ربط انداز میں شامل کی گئی ہیں۔ شاید اس کی وجہ یہ ہے کہ ٹویوٹا اپنے روایتی حریف ہونڈا کی دونوں برانڈز ہونڈا سِٹی (Honda City) اور ہونڈا سِوک (Honda Civic) کے مقابل کرولا ہی کو رکھنا چاہتا ہے ۔ 16 لاکھ سے 24 لاکھ روپے کے درمیان دستیاب گاڑیوں میں ٹویوٹا کرولا تین مختلف انجن، چار مختلف گیئر باکس اور پانچ مختلف ماڈلز کے ساتھ پیش کی جاتی ہے۔ بات تو بہت سادی لگتی ہے لیکن جب آپ بحیثیت خریدار کرولا کے ماڈلز کا موازنہ کرنے بیٹھتے ہیں تو یہ فیصلہ کرنا انتہائی مشکل ہوجاتا ہے کہ کونسے ماڈل کا کونسا انجن اور اس کے ساتھ کونسا گیئر باکس آپ کے لیے زیادہ مناسب ہے؟ اور جو آپ کے لیے مناسب ہے آیا وہ آپ کے بجٹ میں دستیاب بھی ہے یا نہیں؟

اس مضمون میں ہم تمام ٹویوٹا کرولا (Toyota Corolla) ماڈلز کی چھوٹی بڑی ہر مختلف بات کا ذکر کریں گے۔ اس سے قارئین کو اپنے لیے مناسب ماڈل کے انتخاب میں آسانی ہوسکے گی اور وہ جان سکیں گے کہ کرولا کے دستیاب ماڈلز کی قیمتوں میں فرق کے علاوہ اور جن چیزوں کا فرق ہے۔ سب سے پہلے میں کرولا کے پانچ ماڈلز کو 2 زمروں میں تقسیم کرنا چاہوں گا تاکہ ہمیں سمجھنے میں زیادہ آسانی رہے۔ پہلے زمرے کو Basic کہہ لیتے ہیں جس میں ہم XLi، GLi اور 1.6 آلٹِس کے درمیان فرق سے متعلق بات کریں گے۔ دوسرے زمرے کو Premium کہہ لیں جس میں 1.8 آلٹِس اور 1.8 آلٹِس گرانڈے کا موازنہ کریں گے۔

یہ بھی پڑھیں: سوزوکی سیاز: سِٹی اور کرولا (XLi/Gli) کی بہترین متبادل

جس وقت میں یہ الفاظ تحریر کر رہا ہوں ٹویوٹا کرولا کے ماڈلز کی قیمتیں یہ ہیں:
1) 1.3 ٹویوٹا کرولا XLi؛ 5-اسپیڈ مینوئل: 16,39,000 روپے
2) 1.3 ٹویوٹا کرولا GLi
الف: 5-اسپیڈ مینوئل: 17,84,000 روپے
ب: 4-اسپیڈ ECT آٹو میٹک: 18,59,000 روپے
3) 1.6 ٹویوٹا کرولا آلٹِس 4-اسپیڈ ECT آٹومیٹک: 19,94,000 روپے
4) 1.8 ٹویوٹا کرولا آلٹِس
الف: 6-اسپیڈ مینوئل : 20,69,000 روپے
ب: 7-اسپیڈ CVT-i آٹو میٹک: 21,94,000 روپے
5) 1.8 ٹویوٹا کرولا آلٹِس گرانڈے
الف: 6-اسپیڈ مینوئل: 22,29,000 روپے
ب: 7-اسپیڈ CVT-i آٹو میٹک: 23,79,000 روپے

تو آئیے پہلے Basic زمرے میں شاملXLi اور GLi کی بات کرلیتے ہیں۔ یہ دونوں کرولا کے سب سے زیادہ فروخت ہونے والی ماڈل ہیں جنہیں ہونڈا سِٹی کے مدمقابل رکھا گیا ہے۔ چونکہ XLi اور GLi میں فرق صرف حجم کا ہے، اس لیے یہاں صرف GLi کی خصوصیات بیان کر رہا ہوں:
٭ ABS، EBD اور BA
٭ سینٹرل ڈور لاکنگ
٭ پاور ونڈوز
٭ پچھلی نشستوں میں آرم ریسٹ اور کپ رکھنے کی جگہ
٭ چار اسپیکرز پر مشتمل آڈیو سسٹم

اس زمرے میں شامل 1.6 آلٹِس ماڈل قدرے عجیب ہے۔ یہ کرولا کے پانچوں ماڈل کے بالکل وسط میں رکھا جانے والا دلچسپ ماڈل ہے۔ کم از کم میرے لیے اسے Basic یا Premium زمرے میں سے کسی ایک میں شمار کرنا مشکل ثابت ہوا۔ چونکہ اس میں زیادہ تر خصوصیات GLi سے ملتی جلتی ہیں اس لیے میں نے اسے Basic زمرے ہی میں رکھنا بہتر خیال کیا۔ اس حوالے سے مزید گزارشات اور وجوہات درج ذیل ہیں۔

Toyota Corolla GLi

ٹویوٹا کرولا GLi

ٹویوٹا کرولا آلٹِس 1.6 کا ظاہری انداز سے دیکھیں تو اس میں XLi اور GLi جیسی گِرل شامل جس سے یہ اسی زمرے کا ماڈل معلوم ہوتا ہے تاہم اس کے الائے ویلز 1.8 آلٹِس اور آلٹِس گرانڈے جیسے ہیں۔میرے اور مجھ جیسے اکثر لوگوں کویہ ماڈل 1600 سی سی GLi معلوم ہوتا ہے۔ کرولا آلٹِس 1.6 صرف ایک گیئر باکس 4-اسپیڈ ECT آٹو میٹک کے ساتھ پیش کی جاتی ہے جو GLi آٹو میٹک سے میل کھاتا ہے۔ حیرت انگیز بات یہ ہے کہ اس کا نام آلِٹس رکھے جانے کے باوجود اس کے ساتھ 1.8 آلٹِس کا 7-اسپیڈ CVT گیئر باکس فراہم نہیں کیا جارہا۔

اپنے ظاہری انداز کی طرح کرولا آلٹِس 1.6 کا اندرونی حصہ بھی خاصہ عجیب ہے۔ اس میں 7 انچ کی ایل سی ڈی اسکرین لگائی گئی ہے جو 1.8 آلٹِس اور GLi سمیت کسی بھی دوسرے ماڈل میں دستیاب نہیں ہے۔ اس کے علاوہ آلٹِس 1.6 کی نشستیں اور دروازوں کی تیاری میں انتہائی اعلی معیار کا کپڑا استعمال کیا گیا ہے جو 1.8 آلٹِس سے ملتا جلتا ہے۔ اگر 1.6 کو ہم Basic زمرے میں رکھتے ہیں تو اسے کچھ یوں بیان کیا جائے گا کہ زیادہ طاقتور انجن، نشستوں کے بہتر معیار اور بڑی ایل سی ڈی کے ساتھ پیش کی جانے والی GLi۔

یہ بھی پڑھیں: FAW B30 – کرولا آلٹِس اور سِٹی ایسپائر کو ٹکر دے سکتی ہے!

اب آیئے اسے Premium زمرے میں رکھ کر دیکھتے ہیں جہاں کرولا کا مقابلہ ہونڈا سِوک سے ہوتا آرہا ہے۔ آگے بڑھنے سے پہلے آلٹِس اور آلٹِس گرانڈے کے CVT-i ٹرانسمیشن کی منفرد خصوصیات کا ذکر کرتے چلیں:
٭ ان کے انفارمیشن کلسٹ میں اکانومی میٹر بھی شامل ہوتا ہے
٭ انہیں کروز کنٹرول کے ساتھ پیش کیا جاتا ہے
٭ ان دونوں میں بنیادی فرق اسٹیئرنگ میں پیڈل شفٹرز کی موجودگی کا ہے

ٹویوٹا کرولا آلٹِس گرانڈے میں شامل خصوصیات یہ ہیں:
٭ اس میں کپڑے کی جگہ چمڑے کا استعمال کیا گیا ہے
٭ اس کی چھت پر ایک کھڑکی (sunroof) بنائی گئی ہے
٭ اس کے وائپرز میں بارش محسوس کرنے کی صلاحیت موجود ہے
٭ اس میں ڈرائیور کی نشست کو ایڈجسٹ کیا جاسکتا ہے
٭ اس کے اسٹیئرنگ ویل ہی میں آڈیو کنٹرولز شامل ہیں
٭ اس میں اگلی اورپچھلی دونوں نشستوں کے ساتھ لائٹس موجود ہیں
٭ اگلی نشستوں کے اوپر موجود لائٹس کے ساتھ سامان رکھنے کی جگہ بھی ہے

مختصر یہ کہ پہلی نظر میں کرولا کے تمام ماڈلز آپس میں ایک دوسرے سے مختلف ہونے کے باوجود کہیں نہ کہیں ایک دوسرے سے میل بھی کھاتے ہیں۔ تاہم یہ مختلف بجٹ میں دستیاب ہونے کی وجہ سے صارفین کی ضروریات اور خواہشات پوری کرنے میں کامیاب نظر آرہی ہیں۔

Toyota Corolla Toyota Corolla grande and altis

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

  • Shahid Saeed

    Thats right—– good comparison between Altas 1.8 CVTi & Grande—- its like that you can feel all the comfort and smooth drive of Grade in an Altis 1.8 CVTi in less budget almost 2 lac—- I have Altis 1.8CVTi as I felt that in this price there is nothing wrong to compromise on 4 or 5 feature of Grande —- but i think Altis 1.8 CVTi is purely a family car as compared to Grande that is often use on rent.

Top