2017ء میں نئی ہونڈا سِٹی کی آمد کا امکان نہیں؛ پھر کونسی نئی گاڑی متوقع ہے؟

35

Also check out used Honda BR-V for sale on Pakwheels: Honda BRV

کل میں اپنے ساتھی بلاگر کا ایک مضمون پڑھ رہا تھا جس میں سال 2017ء میں متوقع سیڈان گاڑیوں سے متعلق معلومات شامل تھیں۔ گاڑی کے شوقین ہر دوسرے فرد کی طرح میں بھی یہ بات جان کر بہت خوش ہوں کہ یہ سال پاکستان میں گاڑیوں کے شعبے کے لیے انتہائی ولولہ انگیز ثابت ہونے والا ہے۔ کار ساز اداروں کی تیز ہلچل بھی اس بات کاپتہ دے رہی ہے کہ اباس شعبے میں زبردست مسابقت شروع ہونے کو ہے جس کا براہ راست فائدہ عام صارفین کو ہوگا۔گزشتہ ماہ پاک ویلز نے اپنے قارئین کے لیے سوزوکی ویتارا کی تقریب رونمائی کی خصوصی کوریج کی اور امید ہے کہ آئندہ بھی پاک ویلز اسی طرح گاڑیوں کے شعبے میں ہونے والی سرگرمیوں سے حاضرین و قارئین کو آگاہ کرتا رہے گا۔ مستقبل قریب میں آوڈی Q2، سانگ یانگ تیوُولی اور ڈاٹسن گو پیش کیے جانے کی پیشن گوئیاں کی جارہی ہیں نیز سوزوکی سیاز اور سوزوکی سلیریو کی آمد بھی زیادہ دور نہیں رہی۔

یہ بھی پڑھیں: سال 2017 میں پیش کی جانے والی 4 سیڈان گاڑیاں

تیزی سے بدلتی ہوئی صورتحال میں ایک نوید ہونڈا ایٹلس کی جانب سے بھی سامنے آنے والی ہے۔ گو کہ ہم ہونڈا سے کوئی نئی گاڑی پیش کرنے کی کم ہی توقع رکھتے تھے تاہم پچھلے چند دنوں سے ہونڈا ایٹلس کارز پاکستان لمیٹڈ کے سوشل میڈیا صفحات پر ایک نئی گاڑی پیش کرنے کا عندیہ دیا جارہا ہے۔ فیس بک صفحے پر پر ہونڈا کے شائقین سے پہلے یہ پوچھا گیا کہ «کیا آپ تیار ہیں؟» اور پھر گزشتہ روز یہ دریافت کیا گیا کہ «کیا آپ سپنے دیکھ رہے ہیں؟»۔سچ پوچھیں تو ایسا محسوس ہوتا ہے کہ یہ واقعی ایک سپنے جیسا ہے مگر سچ ہوجانے والے سپنے جیسا۔اس سپنےکے بارے میں سوشل میڈیا پر زبردست بحث جاری ہے اور لوگ اس کے سچ ہونےسے متعلق مختلف چہ مگوئیاں کر رہے ہیں۔

feature

پاک ویلز کے باخبر ذرائع سے حاصل ہونے والی اطلاع کے مطابق ہونڈا ایٹلس کم از کم رواں سال 2017ء میں نئی ہونڈا سِٹی پیش کرنے کا ارادہ نہیں رکھتا۔ اس کے علاوہ جو گاڑیاں یہاں متعارف کروائی جاسکتی ہیں وہ یہ ہیں:
1: ہونڈا سِوک ٹائپ-آر
2: ہونڈا BR-V

بہت سے لوگوں کا خیال ہے کہ یہاں ہونڈا سِوک کا ہیچ بیک انداز کی آمد آمد ہے تاہم اس کے سچ ہونے کی اب تک کوئی دلیل سامنے نہیں آئی۔ علاوہ ازیں سِوک ہیچ بیک صرف اور صرف برطانیہ ہی میں تیار کی جارہی ہے اور دیگر ممالک کو بھی وہیں سے برآمد کی گئی ہے۔ حتی کہ امریکا اور جاپان میں بھی سِوک ہیچ بیک برطانیہ ہی سے منگوا کر فروخت کی گئی باوجودیکہ وہاں ہونڈا کے متعدد کارخانے موجود ہیں۔ سِوک ہیچ بیک صرف برطانیہ ہی میں تیار کرنے کی بنیادی وجہ یہ ہے کہ ہونڈا نے یورپ میں کارخانہ قائم رکھنے اور ملازمتیں برقرار رکھنے کے لیے 30 کروڑ یورو کی سرمایہ کاری کی ہے۔ لہٰذ اس ہیچ بیک کی کسی اور ملک بشمول پاکستان میں تیاری کو خارج ازا مکان سمجھا جائے تو غلط نہ ہوگا۔

16143529_1205237369568115_7091557236127410359_o

اگر ہم ہونڈا ایٹلس کی پیش کردہ ہیڈلائٹس کی جھلک کا بغور معائنہ کریں تو اس سے کچھ اشارے مل سکتے ہیں۔ ماضی میں پاک ویلز یہ بات لکھ چکا ہے کہ گزشتہ سال 2016 میں ہونڈا HR-V کی جگہ ہونڈا BR-V متعارف کروائی جاتی تو زیادہ بہتر ہوتا اور مجھے ایسا لگ رہا ہے کہ ہونڈا نے بھی اب اس بات کو تسلیم کرلیا ہے۔ خاص کر سوزوکی ویتارا کی رونمائی اور خریداروں سے ملنے والی ردعمل کے بعد ہونڈا پاکستان کو اندازہ ہوچکا ہے کہ وہ کس شعبے میں مات کھانے جارہا ہے اور ہونڈا BR-V اسے کس طرح محفوظ رکھ سکتی ہے۔ اگر یہ واقعی BR-V کی پیشکش ہے تو اس کی کامیابی کا بہت بڑا دارومدار اس بات پر ہوگا کہ ہونڈا پاکستان صارفین کو کس قیمت پر یہ گاڑی پیش کرتا ہے۔ اگر نئی گاڑی کی قیمت 30 سے 32 لاکھ یا زائد رکھی گئی تو اس سے ہونڈا پاکستان کو مشکلات کا سامنا کرنا پڑ سکتا ہے کیوں کہ ایک مرتبہ پھر کوئی گاڑی درآمد شدہ ہونڈا وزل کے مساوی آجائے گی اور لوگ بہتر سہولیات اور ایندھن کی بچت کو دیکھتے ہوئے ہائبرڈ گاڑی ہی کا انتخاب کریں گے۔

یہ بھی پڑھیں: ہونڈا HR-V یا ہونڈا BR-V: پاکستان کے لیے کونسی گاڑی زیادہ موزوں ہے؟

بین الاقوامی مارکیٹ میں BR-V کا شمار ہونڈا وزل/HR-V سے کم قیمت گاڑی کے طور پر کیا جاتا ہے لہٰذا پاکستان میں بھی اسی روایت کو برقرار رکھے جانے کی امید رکھی جاسکتی ہے۔ آسیان ممالک بشمول بھارت میں ہونڈا BR-V کی پیشکش کو تقریباً ایک سال مکمل ہوا چاہتا ہے۔ البتہ پاکستان میں صورتحال کو مدنظر رکھا جائے تو اس بات کے امکانات کم ہی ہیں کہ BR-V کو پاکستان میں مقامی سطح پر تیار کیا جاسکتا ہے۔ اس لیے زیادہ تر امکان یہی ہے کہ BR-V کو مکمل تیار شدہ حالت میں تھائی لینڈ یا انڈونیشیا سے درآمد کر کے یہاں پیش کیا جائے گا۔ گو کہ بھارت میں بھی اسے تیار کر کے فروخت کیا جارہا ہے تاہم وہاں سے درآمد کرنا مشکل ہی نہیں ناممکن ہے۔

تو آپ کیا سمجھتے ہیں کہ ہونڈا پاکستان میں کونسی نئی گاڑی متعارف کروانے جارہے ہیں؟ کیا یہ ہونڈا BR-V ہوگی یا سِوک ہیچ بیک؟ یا پھر کوئی ایسی گاڑی جس کے بارے میں ہم نے سوچا ہی نہیں۔۔۔

Google App Store App Store
تبصرے