نسان اور رینالٹ کی نئی گاڑیاں متعارف کروانے سے متعلق گفتگو

2 84

نسان کی جانب سے پاکستان میں ایک بار پھر گاڑیاں پیش کیے جانے سے متعلق تو آپ نے پاک ویلز بلاگ پر پڑھا ہی ہوگا۔ اس بارے میں خوش آئند خبر یہ ہے کہ نسان اور رینالٹ (Renault) نے اس حوالے سے مزید پیش رفت کرتے ہوئے کراچی میں سرمایہ کاری بورڈ اور انجینئرنگ ڈیویلپمنٹ بورڈ کے عہدیداروں سے ملاقات کی ہے جس میں نئی آٹو پالیسی لاگو ہونے کے بعد نسان اور رینالٹ کی گاڑیاں پاکستان میں متعارف کروانے کے منصوبے پر بات چیت ہوئی۔

پاکستان میں نسان اور رینالٹ کی مشترکہ نمائندہ کمپنی گندھارا نسان لمیٹڈ نے بھی اس ملاقات میں شرکت کی جس میں گاڑیاں تیار کرنے والے اداروں کی جانب سے مستقبل میں مقامی سطح پر کام کرنے کے منصوبے کے بارے میں بتایا گیا۔ اس کے علاوہ نسان اور رینالٹ کی گاڑیوں کی آمد سے پاکستان اور اس کی مقامی صنعت کو ہونے والے فوائد پر بھی گفتگو ہوئی۔

اس سلسلے میں ہم گندھارا نسان لمیٹڈ کو چند تجاویز بھی دے چکے ہیں جن میں ان گاڑیوں کی ایک فہرست بھی شامل ہے جو نسان کو پاکستان میں متعارف کروانی چاہیں۔ ہم امید کرتے ہیں کہ بہت جلد نسان کی گاڑیاں سڑکوں پر نظر آئیں گی جن میں مختصر خاندان کے لیے بہترین گاڑی ڈاٹسن گو بھی شامل ہوگی۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.