پریموال،ڈیوو ایکسپریس کو چالیس گولڈن ڈریگن بسیں پیش کرے گی۔

bus1
لاہور۔پریموال لمیٹڈ،جو کہ وی پی ایل کے ماتحت کام کرتی ہے نے پچیس جولائی 2017کورائل پالم گولف اینڈ کنٹری کلب میں منعقد ہونے والی ایک تقریب میں ڈیوو ایکسپریس کو چا لیس گولڈن ڈریگن بسیں پیش کیں۔اس تقریب میں گولڈن ڈریگن کے صدر جناب جیانگ یونغوئی،ڈیوو ایکسپریس کے سی ای او جناب شہریار چشتی،چیئرمین پریموال جناب کونوز محی الدین اور ڈیوو ایکسپریس،گولڈن ڈریگن اور پریموال کے مینجمنٹ ارکان نے شرکت کی۔ڈیوو ایکسپریس نے گولڈن ڈریگن اور پریموال کے ساتھ اپنا تعلق مزید مظبوط کرنے کے لئے ایک بڑا کنٹریکٹ بھی سائن کیا۔
ڈیوو ایکسپریس کے سی ای او جناب شہریار چشتی کا کہنا تھا کہ ہم ان نئی بسوں کے اضافے کو سراہتے ہیں،اور یہ انٹر سِٹی سیگمنٹ میں ڈیوو کی جانب سے کیا جانے والا گزشتہ سالوں کا سب سے بڑا آرڈر ہے۔انہوں نے مزید کہا کہ یہ بہت ہی خوبصورت اور میعاری بسیں ہیں اور جلد ہی یہ لاہور،فیصل آباد،ملتان اور راولپنڈی سے اپنی سروس کا آغاز کریں گی۔گولڈن ڈریگن کے صدرجناب جیانگ یونغوئی نے کہا کہ اپنے صارفین کی ضروریات کا خیال رکھتے ہوئے اور بہترین میعار کو برقرار رکھتے ہوئے ہم پاکستانی لگژری بس پرووائیڈرز سے تعلق بنائے رکھنا چاہتے ہیں۔ اس موقع پر پریموال کے سی ای او وقار اصغر کا کہنا تھا کہ یہ آرڈر ڈیوو کے پریموال پر اعتماد کو ظاہر کرتا ہے،اور ہم نے بھی ڈیوو ایکسپریس کو کوالٹی اور سپورٹ دینے کے عمل کو جاری رکھنے کا ارادہ کر رکھا ہے۔اسی حوالے سے پریموال کے بسوں کے کنٹری مینجرعظیر شاہد کا کہنا تھا کہ ہم گولڈن ڈریگن کے ساتھ کافی عرصہ سے کام کر رہے ہیں، بلاشبہ یہ بسیں کوالٹی میں اپنی مثال آپ ہیں۔یہ گولڈن ڈریگن کے لئے ایک بہت بڑی ڈلیوری ہے اور اس سیگمنٹ میں مستقبل کی بڑھوتی کے لئے ایک اہم پیش رفت بھی، اورہم اس سے بھی آگے جائیں گے۔
 یہ بسیں ”ڈیووڈریگن“کے نام سے خاص طور پر ڈیوو پاکستان ایکسپریس بس سروس کے لئے بنائی گئی ہیں، یہ بسیں زیامن میں قائم گولڈن ڈریگن فیکٹری جو کہ یورپ باؤنڈ کی پراڈکشن ہے کی سپیشل اسمبلی لائن پر تیار کی گئی ہیں۔
یہ بسیں تین سو اسی ایچ پی یوچائی دس اعشاریہ پانچ لیٹر کا یورو تھری ڈیزل انجن رکھتی ہیں جو کہ جزمنی کے زِی ایف گیئر باکس سے جڑا ہوا ہے۔ان کو خاص طور پر بھرپورقابلِ اعتماد،بہترین ڈرائیو یبلٹی اور کم فیول استعمال کرنے کے لئے ڈیزائن کیا گیا ہے۔یہ پاکستان کی پہلی بارہ اعشاریہ سات میٹر لمبی بسیں ہیں جو کہ اعلیٰ میعار کی پینتالیس نشستیں رکھتی ہے اور سفر کو مزید آرام دہ بنانے کے لئے زیادہ لیگ روم فراہم کرتی ہیں۔یہ بسیں پاکستان میں چائنیز پراڈکٹس سے متعلق قائم رائے کو بدلنے کا عظم بھی رکھتی ہیں۔
گولڈن ڈریگن کا شمار چائنہ کی کوچ انڈسٹری کے جانے مانے ناموں میں ہوتا ہے،یہ درمیانے اور بڑے سائز کی بسیں اور لائٹ وینز بنانے اور فروخت کرنے میں ماہر ہیں۔
ڈیوو پاکستان ایکسپریس بس سروس لمیٹڈجو کہ وقت کی بچت کرتی ہے اور پاکستان کے تمام بڑے شہروں میں کام کر رہی ہے۔یہ ستاون شہروں میں کام کر رہی ہے اور پنجاب،سندھ اور خیبر پختونخواہ بھر میں تقریباً ساٹھ مقامات تک رسائی رکھتی ہے۔ ڈیووجلد ہی بلوچستان میں بھی سروس کا آغاز کرنے والی ہے۔
پریموال (پرائیویٹ لمیٹڈ)،وی پی ایل لمیٹڈ کے تحت کام کرتی ہے،جو کہ پاکستان میں خاص طور پرگولڈن ڈریگن کی ڈسٹریبیوشن کا کام کر رہی ہے۔وی پی ایل ٹرکوں،بسوں،کنسٹرکشن اور مائننگ کا سامان،جنریٹرز،انجن اور مختلف آلات کے سب سے بڑے سپلائیر ہیں۔کمپنی اپنے دنیا بھر میں پھیلے نیٹ ورک کی بدولت بعد از فروخت کے حوالے سے بھی کافی سہولیات دیتی ہے۔وی پی ایل دنیا کے بڑے بڑے برینڈز کا جانا مانا ڈسٹریبیوٹر ہے جن میں وولوو ٹیریکس ٹرک،وولوو پینٹا،سینڈوِک،شکاگو پنومیٹک اور اوِنز ویزا شامل ہیں۔

Top